لاڭوص

لاڭوص
Lagos (en)
تاريخ التأسيس	1472
لبلاصة
لبلاد	نيجيريا
لإقليم	ولاية لاغوس
لإدارة
لعمدة	Babajide Sanwo-Olu (29 ماي 2019)
السكان
شحال دالسكان	15,070,000 (2022)
اللوغات	نڭليزية
لجغرافيا
لميساحة	1,171.28 كم²
لعلو	34 م
معلومات خرا
توقيت ديال لمدينة	ڭرينيتش + 1
السيت الرسمي	lagosstate.gov.ng
الرمز لجغرافي	2332459

لاڭوص (Lagos - ولا ليڭوس و لا إكو Eko) هي أكبر مدينا ف نيجيريا و لعاصيما لاقتصادية ديالها. شحال هادي كانت لاڭوص هي لعاصيما الادارية ديال لبلاد فاش ستاقلات ف 1960، و لكن من بعد ولاّت أبوجا هي لعاصيما نهار 12 ديسومبر 1991. كتكون مدينة لاڭوص من ربعة ديال لجزر ولي هي؛ لاڭوص، وإدو، وإكويي، وڤكتوريا، ولي ملاقيين بيناتهم بقنطرات.

كتعتابر لاڭوص أكبر مدينة ف نيجيريا وف إفريقيا لغربية، وحتا أكثر لمدن ديال لافريك من ناحية لعدد دالسكان، ولي وصلو فعام 2005 لـ8,789,133 نسمة.

لاڭوص هي لعاصيما د لولاية د لاڭوص، و جات ف لجنوب لغربي د نيجيريا، ف لخليج ديال غينيا لي كيطل على لموحيط لأطلاسي.

تاريخ

المستوطنين الدورجين ديال لاڭوص، لي كيتسماو «الإكو» كانو من لبنين وأووري إكو. ولمدينة ظهرات فلقرن فلقرن خمسطاش كمركز تيجاري برطقيزي، وكانت كتسيفط لعاج، ولفلفل، ولعبيد. ومنبعد طاحت فيد لبريطانيين لي بداو كيصدرو منها لمحاصيل دلماكلة منبعد ما تمنعات العبودية فـ1807. وهادشي حتا ستاقلات نيجيريا ف1960، وولات لاڭوص هي لعاصمة دلبلاد ديكساع.

منبعد الاستقلال دخلات نيجيريا فحرب أهلية من 1967 وبقات لمدا ديال عامين ونص.

منبعد هاد لحرب، غادي يهاجر للمدينة عدد كبير بزاف ديال لمهاجرين ولاجئين من لبلادات لإفريقية لوخرى، وهادشي خلا عدد سكان يتزاد دغيا وبزربة حتا ليومنا هدا.

قتيصاد

كتعتابر لاڭوص هي لميحور ديال تيجارة وصيناعة فنيجيريا، ولقتيصاد ديالها كيفوت بضوبل لقتيصاد ديال دول إفريقيا لغربية كاملة. وكتمتع لاڭوص من بزاف ديال لمصادر الطبيعية لمتنوعة بحال لپيطرول ولݣاز طبيعي ولفحم ولخشب ولفيول ولما. وكيتكون لقتيصاد دنيجيريا من صيناعة لخفيفة لي بدات مور لاستقلال، ومن صيناعات ديال النفط لي نتاشرات فسبعينات، وهادشي خلا لقتيصاد دلمدينة يزداهر بزربة.

لإنتاج ديال نفط فلمدينة بدا فلخمسينات، وزاد بسبعة ديال ضوبل ما بين 1965 و1973. وكتساهم مدينة لاڭوص بـ40% من تيجارة لبرانية ديال نيجيريا.