كيرݣيستان

من ويكيپيديا
اذهب إلى التنقل اذهب إلى البحث
Ambox important.svg مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف دّوزان.
Ambox important.svg مقالة ناقصينها عيون لكلام. لمعلومات لّي ف هاد لمقالة ناقصين ف توتيق، خاصّ يتزادو فيها عيون لكلام باش تكون موتوقة.
السيمية ديال البلاد فاللغات المستعملة فيها

Кыргызстан (ky)

Flag of Kyrgyzstan.svg Emblem of Kyrgyzstan.svg
نشيد النشيد لوطني د كيرڭيستان
لعاصيمة بيشكيك
الساكينة
شحال دالسكان 6,201,500 (2017)
اللوغات الرسمية روسية
لكيرڭيزية
متوسط ديال لعمر 70.95122 (2016)
لجغرافيا
لميساحة 199,951 كم²
لقمة لعالية جبل جينجيش تشوكوسو (7,439 م)
لبلاصة الطايحة قارا داريا (132 م)
لإدارة
الرئيس د كيرڭيستان صدير جاپاروڤ
رئيس لووزارا د كيرڭيستان أرتيم نوفيكوف
لبرلمان لمجلس لأعلى
لقتيصاد
مؤشر التنمية لبشرية 0.672 (2017)
لفلوس سوم
معلومات خرا
توقيت ديال لبلاد ڭرينيتش + 6
رمز لبلاد KG
رمز لانترنيت ‎.kg‎
رمز التيليفون +996
نماري د ليرجونس 101، 102، 103 و 161
جيهة د صوڭان ليمن
السيت الرسمي gov.kg

كيرݣيستان (بلكيرݣيزية: Кыргызстан، بالروسية: Кыргызская Республика) هي بلاد جبلية ما كاطلش على لبحر جات ف لوسط د آسيا. تاتحدّها من الشمال كازاخستان، من لغرب و لجنوب لغربي أوزباكستان، من لجنوب الشرقي طادجيكيستان، و من الشرق الشينوا.

كيرݣيستان عندها تاريخ طويل، و جات ما بين بزاف د لحضارات. كانت ف الطريق ديال لحرير، و حكموها بزاف ديال الدول منها لأويݣور و لمغول. ف 1876، ستعمرات لإمبراطورية الروسية لبلاصة اللي فيها دابا كيرݣيستان. ملّي طاحت لإمبراطورية الروسية، تبعات لمنطقة للإتحاد السوڤياتي، و بقات فيه تا طاح ف 1991. نهار 31 غشت 1991، علنات كيرݣيستان على لإستقلال ديالها من موسكو، و ولاّت رسميا لجمهورية د كيرݣيستان.

تسيكنو ف كيرݣيستان تقريبا 6.2 مليون د الناس، و لعاصمة ديالها و أكبر مدينة فيها هي بيشكيك. اللغات الرسمية د لبلاد هوما لكيرݣيزية و الروسية، و لفلوس اللي كاتخدّم ف لبلاد هي السّوم. كيرݣيستان داخلة مع بزاف د لمنضمات دولية بحال لأمم لمتحدة و منضمة التعاون لإسلامي و منضمة التعاون د شانݣاي و لكومنويلث د لبلدان لمستاقلة و لمجلس التركي.

لمجتمع[بدل | بدل لكود]

اللغات[بدل | بدل لكود]

كيرݣيستان هي وحدة من جوج جمهوريات فوسط آسيا اللي كانت سوڤياتية، و اللي باقي اللغة الرسمية ذيالهم هي الروسية. الدولة الثانية هي كازاخيستان. اللغة لكيرݣيزية ولات رسمية ف 1991. من بعد ضغط ديال الأقلية الروسية فالبلاد، كيرݣيستان ردات الروسية لغة رسمية ف 1997، و هو لي خلاها تكون بلاد عندها جوج لغات رسمية.

لكيرݣيزية هي لغة تركية من الفرع ديال كيپتشاك، قريبة بزاف من لكازاخية، كاراكالپاك، ونوݣاي طاطار. كانت مكتوبة بالحرف العربي حتال القرن العشرين. الحرف اللاتيني دخل ف 1928، وتبدل للكتابة السيريليكية اللي فرضها سطالين ف 1941.

على حساب الإحصاء ديال 2009، 4.1 مليون واحد كيهضر لكيرݣيزية بحال لوغتو الأولى ولا الثانية، و 2.5 مليون كيهضروا الروسية بحال اللغة الأولى ولا الثانية. لؤزباكية هي ثاني لغة كاتهضر بحال لغة الأصلية، تابعاها الروسية. الروسية هي اللغة اللي مستعملة بزاف بحال لغة تانية، تابعاها لكيرݣيزية والأوزبكية.

الروسية مستعملة بزاف فالاقتصاد وفي السياسة. حتال مؤخرا، لكيرݣيزية كانت تستعمل غير بين الناس وقليل فاش كيخدموها فالاجتماعات ولا اللقاءات. و لكن، الاجتماعات في البرلمان دابا ولاو كيخدمو لكيرݣيزية، وكيديرو معاها ترجمة للناس اللي ماكيهضروش بيها.

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Kyrgyzstan ف ويكيميديا كومنز.