طادجيكيستان

	طادجيكيستان
نشيد	سورودي ميللي
لعاصيمة	دوشانبي
	الساكينة
شحال دالسكان	8,921,343 (2017)
اللوغات الرسمية	الطادجيكية ; روسية
متوسط ديال لعمر	71.051 (2016)
	لجغرافيا
لميساحة	143,100 كم²
لقمة لعالية	جبل سماعيل ساماني (7,495 م)
لبلاصة الطايحة	سير داريا (300 م)
	لإدارة
رئيس طاجيكستان	إمام علي رحمن
رئيس وزراء طاجيكستان	قاهر رسول‌ زاده
لبرلمان	لجمعية لعليا
	لقتيصاد
لبيطالة (شوماج)	11 % (2014)
مؤشر التنمية لبشرية	0.65 (2017)
لفلوس	ساماني طاجيكي
	معلومات خرا
توقيت ديال لبلاد	ڭرينيتش +5
رمز لبلاد	TJ
رمز لانترنيت	‎.tj‎
رمز التيليفون	+992
نيميرويات دليرجونس	112
الجهة دالصوگان	ليمن

طادجيكيستان (بالطادجيكية: Тоҷикистон - بالروسية: Таджикистан)، رسميا لجمهورية د طادجيكيستان، هي بلاد ما كاطلش على لبحر جات ف لوسط د آسيا. تاتحدّها أفغانستان من لجنوب، أوزباكستان من لغرب، كيرݣيستان من الشمال، و الشينوا من الشرق. كتر من 90% ديال لأراضي د لبلاد جات ف الجبال.

لبلاصة اللي فيها طادجيكيستان عندها تاريخ قديم، و دازو منها بزاف د لحضارات من لعصر لحجري، منها سرازم و لأخمينيين و لمنݣوليين و الدولة التيمورية و لإمبراطورية الروسية. ف 1920، دخلات للإتحاد السوڤياتي و بقات فيه تا طاح ف 1991، اللي رجعات فيه بلاد مستاقلة، هي لجمهورية د طادجيكيستان. ف 1992 دخلات لبلاد ف حرب أهلية، سالات ف 1997. الرئيس د لبلاد هو إمام علي رحمون من 1994 تال دابا.

تيسكنو ف طادجيكيستان تقريبا 9.5 مليون ديال الناس، و لعاصمة ديالها هي دوشانبي. اللغات الرسمية د لبلاد هي الطادجيكية (كاين اللي تيحسبها لهجة د لفارسية) و الروسية، و عاد كاين 9 د اللغات آخرا اللي كاتّهضر ولكن ماعندهاش وضع رسمي. لفلوس اللي كاتخدّم هي الساماني. تقريبا 98% من السكان د لبلاد مسلمين، و لكن الدولة عندها نضام علماني^[1]. طادجيكيستان داخلة مع بزاف د لمنضمات الدولية بحال لأمم لمتحدة و منضمة التعاون لإسلامي و منضمة التعاون د شانݣاي و لكومنويبت د لبلدان لمستاقلة.