كويكب

تصويرة ديال كويكب

الكويكب هو عبارة عن جيسم ديال لحجر صغير ف لحجم ديالو و صغير من لحجم ديال كوكب، كيكون كيدور ف مدار معين ف الفضاء.

ف لمجموعة الشمسية كاينين كويكبات ف حزام بين كوكب لمريخ و كوكب جوپيتر، ولكن كاينين بعض منهم كيدورو فمناطق مختالفة. كيكونو هاد الكويكبات بأحجام مختلفة، بحال كويكبات صغارين وكاين كويكبات كبار ف لحجم. الكويكبات غالباً كيتكونو من بقايا ديال تكوين النظام ديال شمش، من مدة ديال 4.6 مليار سنة. من بعد ما تكونو الشمش و الكواكب، بقاو شوية من المواد ديال لحجر اللي تحولو ل أجرام سماوية كاملة، و هاد الشي عطانا هاد الكويكبات.

التأثير ديال لكويكب على الأرض

ف بعض المرات، الكويكبات كيدخلو المجال الجوي ديال الأرض، و كيوقعو إصطدامات مع السطح ديالها. هاد الإصطدامات كيمكن يكون عندها تأثير كبير، بحال تغيرات ف لمناخ أولا حتى تدمير مناطق كاملة. بحال مثلاً، الكويكب اللي ضرب معا الأرض قبل 66 مليون سنة هو واحد من الأسباب اللي أدات لإنقراض الديناصورات.

أهم الكويكبات

• سيريس (Ceres): هاد الكويكب هو أكبر واحد فالحزام ديال الكويكبات، وكيتعتبر أكبر جسم فالحزام بين المريخ و جوپيتر. سيريس عندو حجم كبير بحيت كيتعتابر شي مرات كوكب قزم.
• پالاس (Pallas): ثاني أكبر كويكب فالحزام. عندو شكل ماشي منتاضم و كيعكس الضو أقل من سيريس.
• جونو (Juno): كويكب ثالث كبير، ومعروف بكونو واحد من أول الكويكبات اللي كتاشفوها الفلكيين.