كاپيطا
كاپيطا
| ||
| ||
| معلومات عامة | ||
| لعنوان لأصلي | capeta | |
| مانڭاكا | Masahito Soda | |
| لّوغة لأصلية | جاپونية | |
| لعام د نّشر | 6 فبراير 2003 | |
كاپيطا هي سيرية د لمانݣا جاپونية، كتبها و رسمها ماساهيطو صوضا، تسلسلات ف مجلة شونين ماݣازين الشهرية ف فيئة الشونين د دار النشر كوضانشا من مارس 2003 حتى لمارس 2013. لمانݣا خدات جايزة لكوضانشا ف لكاطيݣوري د الشونين ف عام 2005. آنيمي فيه 52 حلقة تآضاپطا من لمانݣا من إينتاج ستوديو كوميت بدا ف 4 أكتوبر 2005 و سالا ف 26 شتنبر 2006.
السيرية مكونة من تلاتة د لآركات منفاصلة. لآرك اللول كايدور على التجاريب اللولا د كاپيطا ف سيباقات لكارتينݣ و هو عندو عشر سنين. لآرك لي موراه، لي كايبدا مور لآرك 1 ب ربع سنين، كايعالج التعامول ديال كاپيطا معا لمشاكيل لمادية لمتزايدة لي كاتواجهو، ب سباب التكاليف الزايدة د سيباق لكارتينݣ. لآرك التالت ضاير على كاپيطا و هو كايحاول يحقق لحلم ديالو ف ربيح لمونافيس ديالو و يولي سواݣ د السيباقات محتارف، و يجرب زهرو ف كاطيݣوري د الصينيور: فورميلا تلاتة. لمانݣا و لآنيمي ب جوج بيهوم فيهوم بزاف د الريفيرونصات و التكريمات للمانݣا إنيشال دي و مجلة بيست موطورينݣ لجاپونية، و لفورميلا وان. زيد على هادشي، كاين بزاف د الريفيرونصات على رياضة لكارتينݣ و راسينݣ ب شكل عام لي ماشي غير كايزينو لقصة و صافي، ولاكين كاينين حتى ف لواقيع ( بحال التعليقات على لخطوط د السيباق، التخدام د جوانط، الضرافتينݣ، و تعليق عام على الراسينݣ د 4 د روايض ف ݣاع قنات لعالم).
لحبكة[بدل | بدل لكود]
طايرا كاپيطا دري ف التاسعة، مو ماتت منين كان باقي صغير بزاف. وخا هاكداك عرف كيفاش يبين راسو قوي قدام باه، ف لحقيقة كان كايحس ب لوحدة. واحد النهار، باه جاب شي تويشيات د لخردة من لبلاصة د لخدمة ديالو و صنع كارت د الراسينݣ. موراها ب زربة، مشاو لمضمار باش يسوݣو لكارت. و لاكين، كاپيطا لقا لكادر ديالها عواج و كان صعيب عليه يسوݣ نيشان. وخا هاكداك، ب طيكنيك ديالو عرف كيفاش يديپاني ب لكارت. زيد على هادشي، لحق دغيا ب لكارت اللولا و بزز باش قدر يسبقها. السواݣ د هاد لكارت كان ميناموطو ناومي، الشومپيو جونيور د شرق لجاپون. وهي كاتفكر ف السيباق، مت ناومي، ناناكو، نصحات كاپيطا باش يكون جوزء ف السيباق الرسمي.
الشخصيات[بدل | بدل لكود]
كاپيطا طايرا
دري عندو عشر سنين ف لبدية د لآنيمي، 14 ف لآرك التاني و 16 ف لآرك التالت. كاپيطا دخل لعالم سيباقات لكارتينݣ ملي باه ريݣل لو واحد لكارت. أصلا قبل من هادشي، كاپيطا كان عندو هتيمام ب الطوموبيلات. هو دري موهوب، ديما كايبين لقدرة ديالو على التأقلوم، لبالونص و لوعورية ديالو ف لمضمار. كاينين بزاف د الناس لي تجدبو لالسيباقات د كاپيطا، و كايقولو بلي كايعطيهوم شي حاجة يقدرو يحطو تطلوعاتهوم فيها. مو ماتت ملي كان صغير عليها دار ݣاع النواع ديال الشقا لمنزلي لي يقدر يجي ف لبال و هو صغير. كاپيطا ف اللخر غايقدر يتنافس ف لفورميلا وان. ناومي ميناموطو هو أكبر مونافيس ديالو، كاپيطا باغي يتسابق معاه و لايني كايحس بلي ميناموطو ديما فايتو ب خطوة.
ساروكّيي
قرد مربيه كاپيطا و كايخدم كا ماصكوط د لفرقة. ف لأصل كان ديال موموطاروه و كانت سميتو راينهارت التالت. تعاود تسمى من مور ما خدا ليعجاب د لفرقة د كاپيطا و هو يقرر موموطاروه يعطيه لقرد كا هدية.
شيݣييْ طايرا
بات كاپيطا طايرا، كايخدم ف شاريكة د التهيئ و غاليبا ماكايكونش ف الدار. كايحاول يزيد سوايع اخرى ف خدامي اخرين حيت فاميلتو فقيرة بزاف. ف لبدية، كايسحاب ليه كاپيطا دري مطيع و مهدن ماحد عمرو مادار لو شي موشكيل، و لاكين مور ما شافو ف لكارت لي ريݣل، شيݣيي فهم بلي كاپيطا ف عز عمرو ف سيباق لكارتينݣ و كا سواݣ.
مونامي
صديق الطوفولة ديال كاپيطا، هي درية عنيفة و مجهدة و ف نفس لوقت ضريفة و حنينة. مونامي هي أكبر موشجيعة للفرقة د طايرا. كاتسمي راسها لكوتش د فرقة كاپيطا. ف اللاحق، كاتولي موغنية باش تجيب فرحة برا من طايرا و نوبو وخا هاكداك مازال كاتشجعهوم.
نوبو
ف اللول، كان كايتنمر على طايرا حيت كان مديرونجي من طايرا حيت كان كايسحاب لو بلي ماكانش معقول ف أي حاجة و لاكين ولا صاحبو ملي شافو محفز. نوبو كايعتارف بلي باغي يولي أحسن مانادجر د السيباق و بلي غايبقى معا كاپيطا حتى للخر.
ناومي ميناموطو
كبر من طايرا ب عام، سيريو بزاف ف الطوموبيلات و لكارت. ناومي عمرو ماخسر ف شي سيباق و ديما صارم معا الناس و حتى راسو. فهم لحݣرة لي كاينة ف هاد لعالم كتر من أي حد آخر. لحاجة لوحيدة لي كاتجدب هتيمام ناومي هي لفورميلا وان. مور ما شاف السيباق اللول د طايرا، بدا كايعتابرو مونافيس ليه. بلا مايدري طايرا، ناومي حتى هو كايتمنى يتسابق ضد طايرا. وخا ماكايقولهاش، كايوري هتيمام كبير ب طايرا.