كاس ؤروپا د لكورة د لعيالات 2022
كاس ؤروپا د لكورة د لعيالات 2022
| ||
 | ||
| معلومات عامة | ||
| نوع د تورنوا | كاس ؤروپا د لكورة د لعيالات | |
| سپور | كورة | |
| نمرة | 13 | |
| لبلاد لمضايفة | لمملكة لمتاحدة | |
| لمونضيم | ليتيحاد ديال لجاميعات لؤروپية د كورة | |
| لبدية | 6 يوليوز 2022 | |
| لمسالية | 31 يوليوز 2022 | |
| عدد د لمشاركين | 16 | |
| نتايج | ||
| لفرقة رّابحة | منتخب إنجلترا لكرة القدم للسيدات | |
| لماتشات لملعوبين | 31 | |
| بيوتا تماركاو | 95 | |
← → | ||
كاس ؤروپا د لكورة د لعيالات 2022 هوّا تورنوا د لكورة د لعيالات لي منضّم ف نّݣليز ؤ بدا ف 6 يوليوز، ؤ غادي يسالي ف 31 يوليوز 2022. هوّا تّورنوا نمرة 13 ديال كاس ؤروپا د لكورة د لعيالات لي كيتنضّم مرة كلا 4 سنين. هادي نّوسخة تّانية لي لاعبين فيها 16 فرقة. ف لأصل كان خاصو يتّلعب من 7 يوليوز تال 1 غشت 2021، ولاكين بسباب جايحة كورونا، ؤ تّأجيل ديال لألعاب لؤلامپية د 2020 ؤ كاس ؤروپا د لكورة 2020 ل صيف 2021، تأجّل هاد تّورنوا ب عام.
ف هاد شّومپيونا، هولاندا كاتدافع على لّقب ديالها لي خداتو ف 2017، ؤ إرلاندا الشمالية كاتلعب أول مرة. لڤار ؤ طيكنولوجيا ديال خط لݣول بجوجهوم مخدّمين.
نّݣليز كانت لبلاد لوحيدة لي دفعات ضوسي ديال تّرشيح باش تستاضف لبوطولة قبل دّادلاين (لموعد لّخر ديال تّرشيح). لّجنة تّنفيدية ديال ليتيحاد ديال لجاميعات لؤروپية د كورة علنات على لبلاد لمضايفة ف 3 دجنبر 2018.
طّيكنولوجيات ديال لڤار ؤ خط لݣول تخدّمو ف هاد تّورنوا.[1]
لفينال تلعبات مابين نّݣليز ؤ ألمانيا، ؤ ربحات نّݣليز ب 2 ل 1 باش تاخد هاد لكاس ل لمرة لّولة.[2]
مقالة متعمقة: لإقصائيات ديال كاس ؤروپا د لكورة د لعيالات 2022
47 فرقة وطنية د لعيالات شاركات ف لإقصائيات، من بينهوم قبرص لي شاركات أول مرة ب مونتاخاب د لعيالات على لمستوى دّولي، ؤ كوصوڤو لي شاركات أول مرة ف كاس ؤروپا د لعيالات. نّݣليز كا بلاد مضايفة تأهّلات نيشان.
عكس لإقصائيات ديال تّورنوات لي دازو، دّور لّول تحيّد، ؤ لفراقي كاملين لعبو نيشان ف دّور د لݣروپات على جوج جولات:
- لفراقي 47 تقسمو على 9 د لݣروپات، جوج مكوّنين من 6 د لفراقي ؤ لماباقي من 5 د لفراقي. لفراقي 9 لّولين ف لݣروپات ديالهوم، ؤ أحسن 3 تانيين، تأهّلو نيشان. 6 تّانيين لي بقاو دازو ل دّور تّاني باش يلعبو معا بعضياتهوم.
- لفراقي سّتة ف دّور تّاني لعبو ضد بعضياتهوم جوج ب جوج دهاب ؤ إياب بعد ما تدارت قورعة لي حددات لماتشات. لفراقي 3 رّابحات تأهّلو ل كاس ؤروپا.
ف فبراير 2022، تعلّقات لمشاركة ديال لفرقة د روسيا ف تّورنوا بعد جّتياح رّوسي د ؤكرانيا. ف 2 ماي، ليتيحاد ديال لجاميعات لؤروپية د كورة علن بلي روسيا تمنعات من جميع لبوطولات لؤروپية، ؤ لمونتاخاب د لبرطقيز خدا بلاصت روسيا ف كاس ؤروپا د لعيالات.
| تّرتيب | لفرقة | طريقة د تّأهل | تاريخ تّأهل | عاداد لمشاركات | آخر مشاركة | أحسن إنجاز | ترتيب د لفيفا ف لبدية د تّورنوا |
|---|---|---|---|---|---|---|---|
| 1 |  نڭليز | لبلاد لمضايفة | 3 دجنبر 2018 | 9 | 2017 | تّاني (1984, 2009) | 8 |
| 2 |  ألمانيا | لّول ف ݣروپ I | 23 أكتوبر 2020 | 11 | 2017 | بطل (1989, 1991, 1995, 1997, 2001, 2005, 2009, 2013) | 3 |
| 3 |  هولندا | لّول ف ݣروپ A | 23 أكتوبر 2020 | 4 | 2017 | بطل (2017) | 4 |
| 4 |  دانمارك | لّول ف ݣروپ B | 27 أكتوبر 2020 | 10 | 2017 | تّاني (2017) | 15 |
| 5 |  النورڤيج | لّول ف ݣروپ C | 27 أكتوبر 2020 | 12 | 2017 | بطل (1987, 1993) | 12 |
| 6 |  السويد | لّول ف ݣروپ F | 27 أكتوبر 2020 | 11 | 2017 | بطل (1984) | 2 |
| 7 |  فرانسا | لّول ف ݣروپ G | 27 نونبر 2020 | 7 | 2017 | ربع نّهائي (2009, 2013, 2017) | 5 |
| 8 |  بلجيكا | لّول ف ݣروپ H | 1 دجنبر 2020 | 2 | 2017 | دّور لّول (2017) | 19 |
| 9 |  آيسلندا | تّاني ف ݣروپ F[^] | 1 دجنبر 2020 | 4 | 2017 | ربع نّهائي (2013) | 16 |
| 10 |  سپانيا | لّول ف ݣروپ D | 18 فبراير 2021 | 4 | 2017 | نص نّهائي (1997) | 10 |
| 11 |  فينلاندا | لّول ف ݣروپ E | 19 فبراير 2021 | 4 | 2013 | نص نّهائي (2005) | 25 |
| 12 |  لوطريش | تّاني ف ݣروپ G[^] | 23 فبراير 2021 | 2 | 2017 | نص نّهائي (2017) | 21 |
| 13 |  الطاليان | تّاني ف ݣروپ B[^] | 24 فبراير 2021 | 12 | 2017 | تّاني (1993, 1997) | 14 |
| – |  روسيا | تأهل من لباراج (تّلغا) | 13 أبريل 2021 | 5 | 2017 | دّور لّول (1997, 2001, 2009, 2013, 2017) | 24 |
| 14 |  سويسرا | تأهل من لباراج | 13 أبريل 2021 | 2 | 2017 | دّور لّول (2017) | 20 |
| 15 |  إرلاندا الشمالية | تأهل من لباراج | 13 أبريل 2021 | 1 | — | أول مشاركة | 48 |
| 16 |  لبرطقيز[!] | تأهل من لباراج | 2 ماي 2022 | 2 | 2017 | دّور لّول (2017) | 30 |
- نوطات
- ↑ "Format change for 2020/21 UEFA Nations League". UEFA.com. Union of European Football Associations. 24 شتنبر 2019. Archived from the original on 2020-06-06. Retrieved 2022-08-03.
- ↑ "لفينال د كاس ؤروپا د لعيالات". Archived from the original on 2023-05-10. Retrieved 2022-08-03.
- ↑ "UEFA decisions for upcoming competitions relating to the ongoing suspension of Russian national teams and clubs". uefa.com. ليتيحاد ديال لجاميعات لؤروپية د كورة. 2 ماي 2022. Archived from the original on 2022-12-01. Retrieved 2 ماي 2022.