فاطمة الفهرية

من ويكيپيديا
فاطمة الفهرية
فاطمة الفهرية
معلومات عامة
زيادة 800
القيروان
لموت 880 (جريجوري) (79/80 عام)
فاس
لجنسية لخلافة لعباسية
لحرفة راعية الفنون
معلومات خرى
دين إسلام سني
لأعمال


جامع لقرويين ف فاس

فاطمة لفيهرية (خلاقت ف 800 ف لقيروان و ماتت ف 880 ف فاس) و سميتها لكاملة فاطمة بنت محمد الفهري و كانت معروفة ب كنية "أم البنين" شخصية تاريخية مهمة د مدينة فاس و هي لّي بنات جامع لقرويين لّي هي أقدم جاميعة ف لعالم.[1]

لقصة ديالها هضر عليها بن أبي زرع (لي توفا بين 1310 ؤ 1320) ف لكتاب د روض لقرطاس ف لموضوع د تأسيس د جامع لقرويين.[2] مورما تدكرات لأول مرة مور قرون علا لموت ديالها، لقيصة ديالها كانت صعيبة باش تتبت ؤ كاين حتا شي مؤرخين معاصرين بحال شفيق بنشقرون كيشكو ف لوجود ديالها ݣاع.[3]

حياتها[بدل | بدل لكود]

فاطمة لفيهرية أصلها من قبيلة "بنو فهر" لّي هي من قريش ف لجزيرة لعربية. هي نفس لقبيلة لّي جا منها عقبة بن نافع لّي كان جينيرال د دّولة لأموية و كان عندو دور كبير ف تّوسيع د دّولة لأموية ف شمال إفريقيا. عقبة كان هو لّي بنا لقيروانتونس ديال دابا) و جاو معاه بزاف د نّاس د لقبيلة ديالو. من حفاد هاد لجيل د لفيهريين كان محمد لفيهري، بّاين فاطمة، لّي كان تاجر كبير و ملعّق و تأنسطالا ف فاس ف عام 825. هاد محمد لفيهري فاش مات ورتو فلوسو جوج بنات لّي كانو عندو، مريم و فاطمة.

فاطمة كانت ديانية و عزيز عليها دّير لخير و عزمات أنها توهب فلوسها كاملين ل لخير، و هاكدا بنات جّامع د لقرويين ف فاس لّي بدا لبني ديالو ف عام 859 و كانت كاتصوم ليّام كاملة ديال لمدة د لبني. ختها مريم كانت بحالها و هي لّي بنات جّامع د لأندلسيين ف فاس.

عيون لكلام[بدل | بدل لكود]

  1. ^ فاطمة الفهرية مؤسسة أقدم جامعة في العالم
  2. ^ بن أبي زرع. الأنيس المطرب بروض القرطاس في أخبار ملوك المغرب وتاريخ مدينة فاس (بلعربية). رباط: طبعة دار لمنصور. ص. 55.
  3. ^ Benchekroun, Chafik T. (2011). "Les Idrissides: L'histoire contre son histoire". Al-Masaq (بلفرانساوية). 23 (3): 171–188. doi:10.1080/09503110.2011.617063.

لمزاود[بدل | بدل لكود]