بن أبي زرع
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل:
|
بن أبي زرع
| ||
 | ||
| معلومات عامة | ||
| زيادة | لقرن 13 فاس | |
| لموت | ج. 1326 (ڭريڭوري) | |
| لجنسية | لمرينيين | |
| لحرفة | توارخي | |
| لّوغات لي كيعرف | عربية | |
| معلومات خرى | ||
| لأعمال |
| |
بو لحسن علي بن أبي زرع لفاسي، توفا إما بين 1310 ؤ 1320[1] ولا من بعد 1326،[2] هو مؤرخ لي مفتارضين بلي هو لكتاتبي لأصلي د لكتاب لمشهور ؤ لي أتر ف تاريخ د لمغريب ف لقرون لوسطانية، لي معروف ب سميت روض لقرطاس،[3] لي تقال بلي تكتب ب طلب من سّلطان لمريني أبو سعيد عتمان تّاني. نسب ديالو لكامل كيتعطا بعض لمرات بسميت بن عبد الله بن أبي زرع ؤ مرات خرة بسميت بن محمد بن أحمد بن عمر بن أبي زرع. سباب علاش ݣاعما متيقنين من سميتو ؤ من تأليف ديالو د لكتاب، مرتابط بلي كاينين بزاف د لمخطوطات مختالفة ؤ متداولة من لعصور لوسطانية. مامعروف علا حياتو غير شوية، من غير بلي كان عالْم ف فاس.[4]
بن أبي زرع يقدر يكون هوّ لمؤلف ديال كتاب الذخيرة السنية في أخبار الدولة المرينية، حيت على حساب عبد الله ڭنون و محمد بن بوبكر التطواني، كاين تشابه كبير بين لأسلوب ديال لكتاب و لمؤلفات ديال بن أبي زرع. ف 1920، لباحت الجزايري محمد بن شنب كان نشر لكتاب ل لمرة اللولة، بلا ما يحدد لمؤلف ديالو، ولايني مادارش تحقيق ديالو بشكل دقيق و كانو أغلاط ف هاد لڤيرسيون د لكتاب.[5]
عبد الله ݣنون ف كتابو النبوغ المغربي، وصفو وقال عليه: "هو المؤرخ الثقة وصاحب أجمع تاريخ للمغرب من عهد الدولة الإدريسية حتى الوقت ديالو، اللي هو العصر المريني."[4]
إسم بن أبي زرع هو أبو الحسن علي بن عبد الله بن أبي زرع الفاسي.[4]
كاين اختلاف بين المؤرخين فهاد الاسم، بعضهم قال سميتو أبو عبد الله محمد، وآخرين قالو أبو العباس أحمد، ولكن الرأي اللي كيبان هو الأرجح، واللي كيدعمو بزاف ديال المعطيات التاريخية والعلمية، هو أن الاسم الصحيح هو أبو الحسن علي بن عبد الله. هو صاحب الكتاب المعروف والمشهور بزاف "الأنيس المطرب بروض القرطاس في أخبار ملوك وتاريخ مدينة فاس"، اللي يعتبر من أقدم وأشهر المصادر فالتاريخ المغربي.[4]
أما العائلة ديالو، فهي عائلة فاسية معروفة بالعلم والفضل، وخرّجات بزاف ديال العلماء والخطباء والمجاهدين. وكان اللقب "بن أبي زرع" كيتحملوه ثلاثة من نفس العائلة اللي عاشو فالعصر المريني، وقيل أن الأصل ديالهم من غرناطة:[4]
- محمد بن أبي زرع: ذكره خوه فكتاب الذخيرة السنية، وقال عليه أنه كان خطيب ومحدث وعدل فـ"سماط القرويين"، وتولى الخطابة فـ"جامع فاس الجديد"، وكان عايش فـ عهد السلطان يوسف المريني (685هـ–706هـ).[4]
- أحمد بن أبي زرع: كان مقرئ بجامع القرويين، والعامة قدموه للإمامة مدة سبعين يوم تقريباً عام 683هـ، يعني فآخر حكم السلطان يعقوب المريني.[4]
- علي بن أبي زرع: وهو صاحب "القرطاس" واللي كنهدرو عليه هنا. بزاف من الكتّاب خلطو بينو وبين واحد من إخوتو.[4]
وكما كان الخلاف فـ الاسم والنسب، كاين اختلاف حتى فـ تاريخ الميلاد ديالو. ما كاين حتى تاريخ محدد لميلادو، ولكن من خلال المعطيات اللي فـ كتابو، كيبان باللي تزاد فأواخر الدولة الموحدية وبداية الدولة المرينية، يعني تقريباً فـ النصف الثاني من القرن 13م / 7هـ. عاش بن أبي زرع فـ عهد السلطان المريني أبو سعيد عثمان المريني، وهاد الفترة هي اللي كتب فيها وتألّق.[4]
أما فـ ما يخص تاريخ الوفاة، فكاين اختلاف كذلك:[4]
– كاين اللي قال مات فـ واقعة طريف سنة 741هـ / 1340م،[4]
– وكاين اللي قال، بحال عبد الله كنون فـ النبوغ المغربي، بأنه توفي عام 726هـ.[4]
الكتاب الأشهر ديال علي بن أبي زرع الفاسي هو "الأنيس المطرب بروض القرطاس في أخبار ملوك وتاريخ مدينة فاس"، واللي معروف اختصاراً بـ "القرطاس". هاد الكتاب كيعتابر من أهم وأشهر المؤلفات فالتاريخ المغربي، خصوصاً فالمجال ديال التاريخ المحلي لمدينة فاس. بن أبي زرع بدا كتابو من عهد الأدارسة، اللي هما مؤسسي فاس، وتبع أخبارهم حتى انقرضوا، ومن بعد داز لأخبار زناتة وإماراتهم، ثم المرابطين والموحدين والمرينيين، حتى وصل للأحداث ديال عام 1326م فبعض النسخ، و1332م فنسخ أخرى. وكان واضح من خلال الكتاب أن المؤلف كان كيهتم بزاف بفاس، اللي هي عاصمة الدولة وبلادو، فتكلم على القرويين وخطبائها وأئمتها وعلمائها، وعلى الآثار والمعالم اللي فيها. وكان من عادتو يختم كل دولة بذكر أهم الأحداث والوقائع وحتى الكوارث الطبيعية اللي وقعات فزمانها.[4]
أما بالنسبة لاسم الكتاب، راه جا بصيغ مختلفة، ولكن الاسم الكامل اللي كيتعتابر أصح هو:[4]
"الأنيس المطرب بروض القرطاس في أخبار ملوك وتاريخ مدينة فاس"[4]
وحسب المؤرخ عبد الوهاب بن منصور، فالكتاب كان معروف بهد الاسم الطويل والمسجوع، ولكن من القرن 19م ولى الناس كيعرفوه باسم "القرطاس" فقط، خصوصاً بعدما دار محمد بن الطيب العلمي كتاب آخر سماه "الأنيس المطرب فيمن لقيته من أدباء المغرب".[4]
كاينين مؤرخين خلطو فنسبة الكتاب، وقالو بأنه من تأليف صالح بن عبد الحليم الإيلاني، بحال ليفي بروفنسال ومحمد الفاسي، ولكن من بعد ما خرجو دراسات جديدة ومعمقة على شخصية صالح بن عبد الحليم، تأكد بأن "القرطاس" هو فعلاً من تأليف علي بن أبي زرع.[4]
وفي المقابل، بزاف ديال المؤرخين الكبار أكدوا أن الكتاب ديالو، ومنهم:[4]
- علي الجزنائي فـ جنى زهرة الآس في بناء مدينة فاس
- لسان الدين بن الخطيب فـ الإحاطة في أخبار غرناطة
- محمد بن مرزوق العجيسي التلمساني فـ المسند الصحيح الحسن في مآثر ومحاسن مولانا أبي الحسن
- عبد الرحمن بن خلدون فـ العبر وديوان المبتدأ والخبر
- أحمد المقّري التلمساني فـ نفح الطيب من غصن الأندلس الرطيب
وزيد على “القرطاس”، عند بن أبي زرع كتب أخرى:[4]
- ↑ Idris, H. R. (2010). "Ibn Abī Zarʿ". Encyclopédie de l’Islam (ب لفرانساوية).
- ↑ Manzano Rodríguez؛ Miguel Ángel (2017). "Ibn Abī Zarʿ". Encyclopaedia of Islam, THREE (ب نڭليزية).
- ↑ Julie Scott Meisami؛ Paul Starkey, إيديتورات (1998). Encyclopedia of Arabic literature: A-J (PDF) (ب نڭليزية). 1. Routledge. ص. 307. مأرشيڤي (PDF) من لأصل ف 2021-10-27. تطّالع عليه ب تاريخ 2021-10-27.
- 1 2 3 4 5 6 7 8 9 10 11 12 13 14 15 16 17 18 19 20 21 "معلمة - منصة إلكترونية شاملة حول المغرب والمجتمع المغربي". ma3lama.com (ب لعربية). تطّالع عليه ب تاريخ 2025-10-18.
- ↑ Ibn Abi Zar، Ali. Ad-Dhakhirah as-Saniyya fi Akhbari ad-Dawla al-Mariniyya (ب لعربية). pp. 5–7. تطّالع عليه ب تاريخ 2024-09-20.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |