عنصرية
العنصرية هي فكرة و سلوكيات كتقوم على التمييز ضد الناس بناءً على لون البشرة، العرق، أولا الأصل الإجتماعي ديالهم. يعني، العنصرية كتقوم على فكرة بلي بعض الناس حسن من الآخرين غير بسباب خصائص ديالوم لبيولوجية أولا ثقافة ديالوم. هاد لفكرة كتسبب ف ظلم كبير و كتحرم الناس من حقوقهم و كرامتهم.[1]
- العنصرية الفردية: هادي كتكون فاش واحد أولا مجموعة ديال ناس عندهم أفكار و سلوكيات عنصرية تجاه شي حد آخر. مثلاً، واحد يرفض يكون صديق أولا كوليݣ لواحد آخر فقط حيتاش هو من عرق مختالف أولا عندو لون بشرة مختالفة. هاد النوع من العنصرية يمكن يبان ف المواقف اليومية و كيكون غالباً عاين باين.
- العنصرية المؤسساتية: هادي كتكون فاش السياسات أولا الممارسات ف المؤسسات الكبيرة، بحال المدارس أولا الشركات أولا الإدارات الحكومية، تساهم في التمييز ضد مجموعة معينة. مثلاً، إذا كانو الفرص في العمل أولا التعليم ماشي متساوية بسباب العنصر أولا العرق، هادشي كيتعتبر عنصرية مؤسساتية.
- العنصرية الهيكلية: هاد نوع من العنصرية كتكون داخلة ف البنية التحتية ديال لمجتمع. يعني، كتكون لعنصرية موجودة في نظام التعليم، الصحة، و الإسكان بطرق كتحرم مجموعة معينة من الحصول على فرص متساوية. هاد النوع من العنصرية غالباً ما كيكون ما مكشوفش و متشابك مع بنية المجتمع.
