عمالة (مستوى إداري)

من ويكيپيديا
اذهب إلى التنقل اذهب إلى البحث

لعمالة ولا لعامالة (بالنڭليزية: Prefecture من اللاتينية: Praefectura بريفيكتورا) هي إيدارة قضائية ولا تقسيم ف بزاف ديال لبلدان ولا حتى مابين بعض لكنائيس ف لعالام. ف لعصور لقديمة عند الرومان لعمالة هي منطقة كايحكمها بريفيكتوس (باللاتينية: praefectus).

ف لمغريب[بدل | بدل لكود]

لعمالة ف لمغريب هي طرف ديال لرض كاين غير ف لمدون وكايترأسها عامل. لجيهة مقادّة ف لمستوى مع لإقليم و كولهوم كاينتاميو ل تقسيم التاني ديال لبلاد. لجيهة هي اللي كاتمتل لمستوى اللول (لفوقاني). لمهيمّة ديال هاد لعمالة هي أنها تنوض ب تنمية ليجتيماعية و ليقتيصادية و خاصة ف لمناطيق ديال لبادية اللي دايرين ب لمدينة، زيادة على لمدينة براسها، و خاصها تهز و تساهم ف لمعاونة عند لجماعات الترابية بيناتهوم. لعمالة كاتخدم على أنها توفر التجهيزات خصوصا ل لعالم ديال لقرية و تحارب التهميش و ف نفس لوقت كاتراعي الستراتيجيات و لخوطاط ديال الدولة. ليختيصاصات الداتية ديال لجماعة هي أنها كاتدير الطرونسپور ل دراري و دريات د لمدراسة ف لبلاد و كاتصاوب الطرقان ليهوم، و كاتنمي الصحة و السكنى و التعليم و لأمن و التقافة و الرياضة.[1] من 2009 ولاّ ف لمغريب 13 عمالة.[2] هاد لعمالات هوما: عمالة أݣادير إداوتنان، عمالة إينزݣان آيت ملول، عمالة مراكش، عمالة الدار البيضا، عمالة لمحمدية، عمالة الرباط، عمالة سلا، عمالة الصخيرات تمارة، عمالة فاس، عمالة مكناس، عمالة وجدة أنݣاد، عمالة طنجة أصيلة وعمالة لمضيق لفنيدق.

ف لعالام[بدل | بدل لكود]

لبرازيل[بدل | بدل لكود]

ف لبريزيل لعمالة (بلبرتغالية: prefeitura) هي إدارة كاتنوب على لحوكومة ف التنفيد ديال لقرارات ف لبلديّات. لمصطلح ديال لعمالة ف لبرازيل كايعني حتى لبيرو ديال لعمدة.

فرانصا[بدل | بدل لكود]

ف فرانسا لعمالة (بلفرانساوية: préfecture) هي لعاصيمة ديال لإقليم (بلفرانساوية: département). لبلاد فيها 101 إقليم، هادشي كايعني أنه كاين 101 عمالة. لعمالة ديال لجيهة ف فرانسا هي لمدينة اللي هي عاصيمة ديال لجيهة. هادي كاتكون لمدينة اللي كايسكن فيها لمحافض، اللي هو لممتيل ديال لحوكومة ف لجيهة.

منݣوليا[بدل | بدل لكود]

لعمالات ف مونڭوليا تدارو ف لحوكم ديال سلالة كينݣ وهوما التقسبم اللول ديال لبلاد وكاين منهوم 21، و هاد لعمالات كايتسماو أيماݣ (بلمنݣولية: аймаг).

لمصادر[بدل | بدل لكود]

  1. اختصاصات العمالة - مجلس عمالة وجدة أنݣاد
  2. المملكة المغربية (18 يونيو 2009). "مرسوم رقم 2.09.319 صادر في 17 من جمادى الآخرة 1430 (11 يونيو 2009)" (PDF) (بلعربية). المملكة المغربية - الجريدة الرسمية عدد 5744. p. 3581. مؤرشف من الأصل (PDF) في 2020-01-27.
Wikimedia Commons تقدر تزيد شوف بزاف د صور و معلومات ديال Prefectures ف ويكيميديا كومنز.