مونݣوليا
مونݣوليا
| ||||
|
Монгол Улс (mn)
| ||||
| نشيد | النشيد لوطني د مونݣوليا
| |||
| لعاصيمة | ؤلان باطار | |||
| الساكينة | ||||
| شحال دالسكان | 3,409,939 (2021) | |||
| اللوغات الرسمية | لمونݣولية | |||
| متوسط ديال لعمر | 69.287 (2016) | |||
| لجغرافيا | ||||
| لميساحة | 1,564,116 كم² | |||
| لقمة لعالية | راس خويتين (4,374 م) | |||
| لبلاصة الطايحة | هوه نوور (560 م) | |||
| تاريخ | ||||
| أعياد | تساڭان سار | |||
| لإدارة | ||||
| نضام الدولة | نضام برلماني | |||
| رئيس منغوليا | أوخنانغين خورلسوخ | |||
| رئيس وزراء منغوليا | لوفسان نامسراي أويون-إردين | |||
| لبرلمان | لخورال لكبير | |||
| لقتيصاد | ||||
| لبيطالة (شوماج) | 5 % (2014) | |||
| مؤشر التنمية لبشرية | 0.739 (2021) | |||
| لفلوس | توڭريك | |||
| معلومات خرة | ||||
| توقيت ديال لبلاد | ڭرينيتش + 8 Asia/Hovd Asia/Ulaanbaatar Asia/Choibalsan | |||
| رمز لبلاد | MN | |||
| رمز لانترنيت | .mn | |||
| رمز التيليفون | +976 | |||
| نماري د ليرجونس | 101، 102، 103 و 105 | |||
| جيهة د صوڭان | ليمن | |||
| السيت الرسمي | zasag.mn… | |||
مونݣوليا، رسميا لجمهورية د مونݣوليا (ب لمونݣولية: Монгол Улс/Mongol Uls) هي بلاد ماكاطلش على لبحر جات ما بين لوسط و الشرق ديال آسيا. تاتحدّها روسيا من الشمال، و الشينوا من الشرق و لغرب و لجنوب. هي ماعندهاش حدود مع كازاخستان، واخا بيناتهم غي 37 كيلوميطر. مونݣوليا هي لبلاد اللي عندها أقل نسبة د لكتافة السكانية ف لعالم، حيت لمساحة ديالها كبيرة، و الناس اللي ساكنين فيها قلال. بقوة ما الناس قلال، حتا لعدد ديال لعوادن ف لبلاد كتر من بنادم.[1]
مونݣوليا عندها تاريخ قديم و أتّر على بزاف د لبلايص د لعالم. دازو ف لمنطقة بزاف ديال لبلدان داروهوم الرحل، و لكن أكبر وحدا كانت هي لإمبراطورية د مونݣوليا، اللي أسسها جينكيز خان، و كانت أكبر بلاد ف لعالم ف وقتها (كانت واصلة تا لبغداد ف لعراق). ملي ضعافت لإمبراطورية، حكمات الشينوا لمنطقة، وبقات حاكماها تال 1911، اللي كان لعام اللي طاحت فيه لملكية ف الشينوا. ف 1924، عاون لإتحاد السوڤياتي لبلاد باش تستاقل رسميا من الشينوا، و ولاّت دولة شيوعية. ملّي طاح لمعسكر الشرقي ف 1990، دخلات لبلاد ف انتقال ديموقراطي، ولأّو فيها أحزاب بزاف، تبّعات النضام الرأسمالي و دارت دستور جديد ف 1992.
تيسكنو ف مونݣوليا تقريبا 3.3 مليون د الناس، و لعاصمة ديالها هي ؤلان باطار. اللغة الرسمية د لبلاد هي لمونݣولية، و لفلوس اللي كاتخدّم هي التوݣريك. النضام د لحكيم هو جمهورية برلمانية، و أكبر دين ف لبلاد هو لبودية. هي داخلة ف بزاف د لمنضمات الدولية بحال لأمم لمتحدة و منضمة التجارة لعالمية و جي 77 و حوار التعاون لآسياوي و متحالفة مع الناطو.
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال Mongolia ف ويكيميديا كومنز. |