عبد الرحيم برادة
 مقالة ؤلا فقرة تقدر تكون مامحايداشلحيادية د هاد لمقال مشكوك فيها. عافاك شوف الصفحة د لمداكرة يلا كانو نيقاشات عليها، و حاول تصلح لمقال باش يكون كيمتّل جميع وجهات النضر على لموضوع لي عندها وزن. |
عبد الرحيم برادة
| ||
.jpg) | ||
| معلومات عامة | ||
| زيادة | 1938 الدار البيضا | |
| لموت | 20 فبراير 2022 (83/84 عام) الدار البيضا | |
| لجنسية | لمغريب | |
| لحرفة | محامي و ناشط حقوقي | |
| لّوغات لي كيعرف | عربية و لفرانساوية | |
| معلومات خرى | ||
| لحيزب | تيحاد شتيراكي د لقوات شعبية | |
عبد رحيم برادة (مزيود ف 1938، توفّا ف 20 فبراير 2022) محامي ؤ ناشط حقوقي مغريبي.[1] كان دافع قضائياً على ناشطين سياسيين ديال تيحاد لوطني د لقوات شّعبية ف سّبعينات، ؤ تا على أبراهام السرفاتي ؤ لأمير مولاي هشام لعلوي.
عبد رّحيم برادة شد دّيپلوم د تاموحاميت ديالو ف 1962، و تخصص ف لقضايا سّياسية. كان عضو ف لجمعية د لمحامين د پاري (fr)، قبل ماينتاقل ل كازا ف 1966. ف لعهد ديال لماليك لحسن تّاني، كان عبد الرحيم بوعبيد قتارح عليه باش يكون وزير د لعدل، ولاكين رفض. معروف عليه بلي كان صديق مقرب من عمر بنجلون و لمهدي بنبركة.
عبد الرحيم برادة خدا شهادة الباكالوريا عام 1956، و من بعد مشى ل باريس باش يقرا القانون، و هنا تلاقى مع المهدي بنبركة و عمر بنجلون، و لتاحق بـ الإتحاد الوطني للقوات الشعبية، اللي غادي يتحوّل من بعد لـ الإتحاد الإشتراكي للقوات الشعبية. ولكن ف مرحلة لاحقة، قرر يبقى منتمي ل قيم اليسار و نضالاتو بلا ما يرتابط تنظيمياً ب أي حزب.[2]
كان من أشهر وأبرز المحامين اللي دافعو على المعارضين و المعتقلين السياسيين فـ ما تعرف بـ سنوات الجمر و الرصاص. ترافع ف عدد كبير ديال القضايا، بحال محاكمة مراكش الكبرى سنة 1971، اللي تتابع فيها 193 ديال لمناضلين د الإتحاد الوطني د لقوات الشعبية، و كانو كثر من 50 محامي مترافعين، منهم عبد الرحيم بوعبيد، عبد الرحمن بن عمر، محمد بوستة و غيرهم.[2]
كان برادة محامي ديال بزاف د المعارضين البارزين، بحال عائلة المنوزي، أبراهام السرفاتي، و سعيدة المنبهي. و كان من اللوالا اللي تبنّاو ملفات الإختفاء القسري، و عتابرها قضيتو الخاصة اللي كرس ليها جزء كبير من حياتو المهنية و النضالية.[2]
كان الراحل عبد الرحيم برادة معروف فحياتو بـ المرافعات القوية والشجاعة ديالو فالمحاكمات السياسية خلال سنوات الرصاص فالسبيعينات، الوقت اللي كان فيه المغرب كيعرف توترات سياسية كبيرة.[3]
وقف برادة يدافع على زعيم اليسار الراديكالي إبراهيم السرفاتي ورفاقو فـ حركة "إلى الأمام" اليسارية، وكذا على مناضلي حركة "23 مارس"، اللي كانو كيطالبو بالإصلاح والتغيير السياسي.[3]
وخلال المحاكمات السياسية الكبرى اللي عرفها المغرب فداك الوقت، كان عندو دور بارز وموقف جريء، خصوصاً فـ محاكمات مراكش الكبرى سنة 1971، اللي توبع فيها 193 متهم بتهمة محاولة قلب النظام.[3]
فهاد المحاكمة، نصب عبد الرحيم برادة راسو ضمن 51 محامي من خيرة رجال القانون فداك الزمن، منهم عبد الرحيم بوعبيد، محمد بوستة، وعبد الرحمن بن عمرو، وكان حضورهم رمز للتضامن مع المعتقلين السياسيين والدفاع على مبادئ العدالة والحرية.[3]
فـ سنة 2018 خرج عبد الرحيم برادة كتاب ب لفرانساوية سْماه "مرافعة على ود مغرب علماني" (Plaidoyer pour un Maroc laïque). ف هاد الكتاب، برادة كيدعو باش يتفتح نقاش صريح و علني على العلمانية ف المغرب، و كيقول باللي خاص البلاد تناقش كيفاش يتفصل الدين على السياسة ب طريقة كتْضمن حرية المعتقد و كتساوي بين جميع المواطنين. و أكد برادة بلي أمير المؤمنين خاصو يكون كيدافع على جميع المغاربة، سوا كانو مؤمنين ولا لادينيين، حيت الدولة ف تصورو خاصها تحمي الحقوق و الحريات الفردية، ماشي تفرض المعتقدات على الناس. الكتاب كان جريء و دار نقاش واسع ف الساحة الفكرية و السياسية، و عتابروه بزاف ديال الناس صوت كينادي بـ الحداثة و العقلانية ف المغرب.[4]
توفّى نهار الأحد الكاتب والناشط السياسي والمحامي المعروف عبد الرحيم برادة، عن عمر ديال 84 عام.[5]
- ↑ لغازي, أناس (20 فبراير 2022). "Abderrahim Berrada, avocat et militant des droits humains n'est plus". لوديسك (ب الفرنسية). Archived from the original on 3 أكتوبر 2022. Retrieved 24 فبراير 2022.
- 1 2 3 "Page d'exemple". AL ITIHAD (ب الإنجليزية). Retrieved 2025-10-19.
- 1 2 3 4 "الرئيسية". الجديد 24 (ب العربية). Retrieved 2025-10-19.
- ↑ "الفهرس - Al-Fahras". الفهرس - Al-Fahras (ب العربية). Retrieved 2025-10-19.
- ↑ "فبراير.كوم | موقع مغربي إخباري شامل يتجدد على مدار الساعة". فبراير.كوم | موقع مغربي إخباري شامل يتجدد على مدار الساعة (ب العربية). Retrieved 2025-10-19.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |