عبد الواحد مبرور

	عبد الواحد مبرور
	معلومات عامة
لجنسية	لمغريب
لحرفة	ؤستاد جاميعي، مدير و سياسي
لّوغات لي كيعرف	لفرانساوية، الداريجة لمغريبية، عربية و نڭليزية
	معلومات خرى
لأعمال	(2017) قاموس الدارجة المغربية;

عبد الواحد مبرور أكاديمي ؤ ؤستاد د تّعليم لعالي ؤ سياسي مغريبي.

لحياة ؤ لكاريير

خدا ميتريز ف لّانڭويستيك ف 1989 من كلية د لأداب ؤ لعولوم لإنسانية ف فاس، ؤ ف 1999، خدا دوكتورا د دّولة ف لأداب لفرانساوي من كلية د لأداب ؤ لعولوم لإنسانية ف جامعة بوشعيب دّكالي ف جّديدة.^[1] ؤ ولّا رائيس ديال شعبة لفرانساوية ؤ نايب د لعاميد ف نفس لكلية. ؤ ف 2009 ولّا عاميد ديال لكلية. ؤ قبل من داكشي. كان أيضا رائيس ديال رّابطة لمغريبية لفرانساوية.^[2] ف 11 فبراير 2021، تعيّن عبد الواحد مبرور مودير ديال لمدرسة لعالية د تّربية و تّكوين لي تابعة ل جامعة بوشعيب دّكالي.^[3]

مبرور عضو ف حيزب تّيحاد شّتيراكي ؤ كان فاز ب مقعد ف جماعة جّديدة ف نّتيخابات لمحلية د 2003.^[2]

كان ساهم أيضا ف لإصدار ديال أول ديكسيونير داريجة-داريجة ف 2017، لي هوّا "قاموس الدارجة المغربية" لي نشراتو مؤسسة زاڭورة.^[4]

لؤستاد عبد الواحد مبرور عندو عاداد كبير د لأعمال لأكاديمية، من بينها:

TIC et innovation pédagogique dans les universités du Maghreb (ب الفرنسية). Editions L'Harmattan. 30 يناير 2018. ISBN 9782140064333.
L'enseignement-apprentissage du français au Maroc au XXIe siècle: Vers de nouveaux enjeux (ب الفرنسية). Editions L'Harmattan. 16 يوليوز 2019. ISBN 9782140126697.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.