عبداللطيف زروال
عبداللطيف زروال
| ||
| معلومات عامة | ||
| زيادة | 1951 برشيد | |
| لموت | 14 نونبر 1974 (22/23 عام) الدار البيضا | |
| لجنسية | لمغريب | |
| لحرفة | سياسي | |
| لّوغات لي كيعرف | عربية و لوغات أمازيغية | |
عبداللطيف زروال، تولد فـ15 ماي 1951 فبرشيد ؤغبروه ف 4 نونبر 1974 فدارلبيضا، كان ؤستاد د لفلسفة ؤمناضل مغريبي.
تولد عبداللطيف زروال فبرشيد فوسط عائيلة شعبية، باه عبدالقادر كان شارك ف لمقاومة لمسلحة ضد لفرانساويين.[1]
مور ما خدا شهادة ديال لبتيدائي، مشا لدارلبيضا ؤموراها لرباط باش يكمل قرايتو، ؤخدا لباكالوريا ؤهو فعمرو 17 لعام. دخل لكلية لأداب د رباط ؤدار شعبة لفلسفة لي خدا فيها ليسونس، ؤموراها مشا لمدرسة لعليا د لأساتذة ؤتعين ؤستاد فسطات.[2]
بدا نضال فلول معا لݣروپ ديال أنيس بلافريج (لي هو ولد زعيم ستيقلالي أحمد بلافريج)، ؤمن بعد منها دخل ف 1970 لمنظمة 23 مارس لماركسية لينينية ؤموراها مشا معا إلى لأمام ف 1973. ؤكان مناضل حتا فتيحاد لوطني لطلبة لمغريب.[2]
ف هاد لوقيتة، سلطات دارو حملة ضد لموناضلين ديال لحركات شيوعية ؤ ضطر عبداللطيف يتخبا معا أبراهام سرفاتي عند واحد لمناضلة فرانساوية سميتها كريستين دوغ. والاكين ف شتنبر 1973 ف دارلبيضا تحكم عليه غيابيا ب لإعدام، بعدها ب عام فـ4 نونبر 1974 تشد ؤ داوه للكوميسارية ديال درب مولاي الشريف ف كازا (لي ف نفس لوقت كانت معتقل سري) ؤ موراها غبر.[1]
كاين روايات بلي راه من بعد سيمانة من لعتيقال ديالو لقاو لجتة ديالو ف سبيطار بن سينا ف رباط مسجلة بسميت عبداللطيف بن عبدالقادر البارودي.[1]
- 1 2 3 Hisham Almiraat (2010-03-15). "The Martyr: Abdellatif Zeroual (1951 – 1974)" (ب الإنجليزية). Archived from the original on 2023-05-28. Retrieved 2020-03-06.
- 1 2 عبد الرزاق السنوسي معنى (2009-11-04). "عبد اللطيف زروال 1951 - 1976 لفظ أنفاسه الأخيرة تحت التعذيب الشرس". الإتحاد الإشتراكي (ب العربية). Archived from the original on 2020-07-20. Retrieved 2020-03-06.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |