عزيز أخنوش
عزيز أخنوش
| ||
_(cropped).jpg) | ||
| معلومات عامة | ||
| زيادة | 16 غشت 1961 (64 عام) تفراوت | |
| لجنسية | لمغريب | |
| لحرفة | بيزنيسمان، سياسي و راجل دولة | |
| لّوغات لي كيعرف | عربية، لفرانساوية و لوغات أمازيغية | |
| لكاريير ديال الشخص | ||
| شارك ف | ||
| لفاميلة | ||
| شريك | سلوى إدريسي | |
| لولاد | سكينة أخنوش كنزة أخنوش أحمد أخنوش | |
| لمحيط | عبدرحمان بنعبدلعالي (خال) | |
| معلومات خرى | ||
| دين | إسلام | |
| لحيزب | تجمع لوطني د لأحرار | |
   | ||
عزيز أخنوش (1961، تفراوت[1] -) هو بيزنيسمان وسياسي مغريبي. هو دابا عضو فلحيزب د التجمع لوطني د لأحرار ورئيس ديالو من 2016. ف 2020 كان الترتيب ديالو 12 فليستة تاع فوربس ديال لميليارديرات د أفريقيا.[2] و حاليا هو رئيس لحوكومة لمغريبية.
تزاد عزيز أخنوش ف عام 1961 ف دوار أݣرض أوضاض لي تابع لقبيلة أملن فوسط الأطلس الصغير ف سوس، بّاه هوا لمقاوم لحاج أحمد أولحاج أخنوش، و مو لحاجة رقية عبد العالي، خت عبد الرحمان عبد العالي أول وزير ديال الأشغال العمومية ف حوكومة عبد الله براهيم ف لّخر د لخمسينيات د لقرن لي فات.
مني كمل قرايتو بلإبتدائي و ليسي، مشا يكمل قرايتو ف كندا باش يشد ديپلوم ديال التسيير لإداري ف جامعة شيربروك لكانادية عام 1986، و غير رجع ل لمغريب شد شركة ديال باه لي هي "أفريقيا غاز". ولي منها تفرعو مجموعة ديال شركات لوخرى.
دابا عزيز أخنوش هو الرئيس المدير العام ديال مجموعة "أكوا" لي فيها 50 شركة خدامة ف مجالات قتيصادية مختلفة من محروقات و إتصالات و خدمات.
تنتاخب مابين 2003 و 2007 رايس ديال جيهة سوس ماسة درعة. كان عضو فلمؤساسة ديال محمد السادس د لمحافضة على لبيئة، ولمؤساسة ديال محمد السادس دليدماج دلحبّاسة.[3]
عزيز أخنوش هو وزير ديال لفلاحة والصناعة والصيد د لبحر ولما ولغابات من 8 أكتوبر 2007.
ف 29 أكتوبر 2016 تنتاخب عزيز أخنوش رايس ديال لحيزب د التجمع لوطني د لأحرار بلأغلبية.
ف مارس 2020 تبرع عزيز أخنوش ب مليار درهم مغريبية للصندوق لي دارو لماليك محمد السادس على قبل التدبير ديال جايحة ڤيروس كورونا ف لمغريب.[4][5]
ف 10 شتنبر 2021، عينو لماليك محمد السادس باش يكون د رايس لحكومة و كلفو ب تشكيل لحوكومة جديدة.[6]
- ↑ "Parcours : Les success stories du souss". Archived from the original on 19 أبريل 2010. Retrieved 30 شتنبر 2011.
- ↑ "Africa's Richest Billionaires 2020". forbes.com. Archived from the original on 2023-06-04. Retrieved 21 أبريل 2020.
- ↑ "عزيز أخنوش، من هم.كوم". Archived from the original on 2022-12-11. Retrieved 2021-09-07.
- ↑ Hekking, Morgan (2020-03-17). "Moroccan Government Members Donate Salaries to COVID-19 Fund". Morocco World News (ب American English). Archived from the original on 2023-05-30. Retrieved 2020-03-26.
- ↑ "Morocco to create $1 billion fund to counter coronavirus outbreak". Reuters (ب الإنجليزية). 2020-03-15. Archived from the original on 26 نونبر 2022. Retrieved 2020-03-26.
- ↑ (بالأمازيغية) ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⴷ ⵉⴳ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵎⴳⵍⵜ ⵙ ⵜⵓⴳⵉ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ
 |
ويكيميديا كومنز عندا تصاور و معلومات على عزيز أخنوش. |
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |