عبدلواحد بلقزيز
عبدلواحد بلقزيز
| ||
 | ||
| معلومات عامة | ||
| زيادة | 5 يوليوز 1939 مراكش | |
| لموت | 19 أكتوبر 2021 (82 عام) الرباط | |
| لجنسية | لمغريب | |
| لحرفة | ديپلوماسي، سياسي و راجل د لقانون | |
| لّوغات لي كيعرف | عربية | |
| لكاريير ديال الشخص | ||
| شارك ف | ||
| لجوايز | ||
عبد الواحد بلقزيز، تولد ف 5 يوليوز 1939 ف مراكش ؤ مات ف 19 أكتوبر 2021 ف رباط، هو محامي ؤ سياسي ؤ ديپلوماسي مغريبي. كان لامين لعام تامن د لمنضمة د لمؤتمر لإسلامي من 2001 ل 2004.
تولد عبدلواحد بلقزيز ف 5 يوليوز 1939 ف مراكش.[1] قرا ف لكوليج د سيدي محمد ف نفس لمدينة ؤ ليسي مولاي يوسف ف رباط. قرا لقانون ف كلية لحقوق د جاميعة محمد لخاميس ف رباط، ؤ خدا دوكتورا ف لقانون من لجاميعة د رين ف فرانصا.[1]
خدم بلقزيز ف مناصب مختالفة ف بزاف د لمؤسسات تعليمية ؤ لقانونية ؤ حتا ف لجنات وزارية من 1963 ل 1977. ف عام 1977، تعين سفير ف لعيراق. ؤ خدا لمنصب د وزير لإعلام ف لحوكومة د محمد لمعطي بوعبيد من 27 مارس 1979 ل 5 أكتوبر 1981.[1] تزاد ليه موراها لقطاع د شبيبة ؤ رياضة ف 5 نونبر 1981 مور تعديل لحوكومي ؤ بقا ف لمنصب حتال 30 نونبر 1983، فين تعين وزير د لخاريجية ؤ بقا حتال 18 فبراير 1985.[1] مورما سالا لخدامي لوزارية، رجع يخدم ف لجاميعات.
كان عميد ديال جاميعة لحسن تاني ف دار لبيضا (1985–1992)، جاميعة بن طفيل ف قنيطرة (1992–1997)، ؤ جاميعة محمد لخامس ف رّباط (1997–2000).
ف 2001، ولا لامين لعام تامن د منضمة لمؤتمر لإسلامي. ستنكر هجومات 11 شتنبر ف ميريكان ؤ وصفها بلي هي "فعايل إجرامية ؤ وحشية كاتعارض معا ݣاع لعهود ؤ لقيم لإنسانية ؤ ديانات سماوية ف لمقدمة ديالهم لإسلام".[2] كما قاد حتا لمعارضة د لمنضمة ل لغزو د لعراق د 2003.[3] خرج موراها تقاعد ف لخر د 2004.[4]
- 1 2 3 4 Thomas K. Park; Aomar Boum (16 يناير 2006). Historical Dictionary of Morocco. Scarecrow Press. p. 397. ISBN 978-0-8108-6511-2. Archived from the original on 2023-05-28. Retrieved 9 دجنبر 2013.
- ↑ "Islamic Statements Against Terrorism in the Wake of the September 11 Mass Murders". Council on American-Islamic Relations. Archived from the original on 15 يونيو 2011. Retrieved 12 يونيو 2011.
- ↑ "'Eviction' of U.S. From Iraq Urged at Summit". Los Angeles Times. Reuters. 12 أكتوبر 2003. Archived from the original on 6 مارس 2016. Retrieved 12 يونيو 2011.
- ↑ Habib Shaikh (30 دجنبر 2004). "OIC needs to acquire more international influence & impact, says new Chief". Arab News. Archived from the original on 25 غشت 2012. Retrieved 12 يونيو 2011.
