طونسيو
طونسيو هو القوة اللي كيتدفع بها الدم على ف لعروق، باش يوصل ل جميع لأنسجة د لݣسدة و لأعضاء ديالو، ب لمواد لغذائية و الأكسجين و لما و الإنزيمات.[1] هاد العملية معروفة بالدورة الدموية. الدورة الدموية كتبدا فاش كيتقبض لقلب و كيدفع الدم ب قوة اللي فيه، فا كيعدي الدم من القلب للشريان الأبهر،[تدريج] اللي هو أكبر شريان[تدريج] ف لݣسدة د بنادم، و من بعد كيمشي ل بقية الشرايين. من بعد، القلب كيترخى باش يعمر ب كمية جديدة ديال دم لي فيه الأكسجين، و عاد كاينقابض مرة خرة و كايدفع الدم للشريان الأبهر، و هاكا غادية. الإحصاءات الطبية كتأكد على أهمية الحفاظ على طونسيو ف المعدل الطبيعي اللي هو 115/75 ميليميتر زاواق، و أي زيادة على هاد المستوى يقد يسبب إجهاد للقلب و الكلوة، و يمكن تأدي لحدوث سكتة دماغية أولا العقم المبكر عند الرجال.
الطونسيو الإنقباضي: هو طونسيو اللي كيكون خلال نقباض عضلة لقلب، يعني فاش كيدفع لقلب دم ل لعروق. هادا هو الرقم لعالي ݣاع ف قياس ضغط الدم.
الطونسيو الإنبساطي: هو طونسيو اللي كيكون بين جوج دقات د لقلب فاش كيرتاح لقلب بين الإنقباضات. هادا هو الرقم النازل ݣاع ف قياس ضغط الدم.
- ↑ "Britannica, blood pressure". تطّالع عليه ب تاريخ 2025-01-20.