تݣلمامين
ضاية تݣلمامين
| ||
| ||
| لموقع | ||
| لموقع | لمغريب | |
| لمغريب | بني ملال خنيفرة | |
| لجيهة | خنيفرة | |
| لإقليم | أݣلمام أزݣزا | |
| لجغرافيا | ||
| خط لعرض | 32.904711°N | |
| خط طور | 5.343513°W | |
| لمساحة | 12 هكتار | |
| لارتيفاع | 1650 متر | |
ضاية تيݣلمامين (ⵜⵉⴳⵍⵎⴰⵎⵉⵏ)، معروفة تا بنظاظر ديال لأطلس، حيت الشكل ديالها تايشبه لنظاظر، فيها جوج ضايات متجاورين و متاصلين. هي ضاية ديال الله، كاينة فجماعة أݣلمام أزݣزا و بعيدة تقريبا ب 44 كيلوميتر عن مدينة خنيفرة، لعلو ديالها 1650 ميترو فوق سطح لبحر، ف لأطلس لمتوسط. فيها ثروة كبيرة ديال لحوت، كيف ما تايجيو ليها طيور لي تايهاجرو، و ضايرة بيها غابة كبيرة و مخلطة بين لكروش ؤ لأرز د لأطلس.[1]
لموقع[بدل | بدل لكود]
ضاية تيݣلمامين كاينة فجماعة أݣلمام أزݣزا، إقليم خنيفرة، جهة بني ملال خنيفرة، ف لعمق ديال جبال لأطلس لمتوسط، بعيدة تقريبا ب 44 كلم على مدينة خنيفرة، و عالية ب 1650 ميترو تقريبا على سطح لبحر.[1]
سمية[بدل | بدل لكود]
تصويرة من جنب ضاية تيݣلمامين
ضاية تيݣلمامين كاتسمى تا بنظاظر د لأطلس لمتوسط، حيت فيها جوج ديال ضايات متقاربين و متاصلين بحال نظاظر، و تيݣلمامين سمية أمازيغية، هي لجمع ديال كلمة أݣلمام لي كاتعني ضاية.[2]
لمورفولوجيا[بدل | بدل لكود]
ضاية تيݣلمامين فيها 3 ديال ضّايات لمتسلسلة، جوج منها مقاربتين و متاصلين بحال نظاظر. هاد الضايات وحدة فيهم جات ف شّمال و تّانية ف لوسط، و لخرة ف لجنوب. ضّاية لي فلوسط هي لي كبيرة، لمساحة ديالها تقريبا 7 ديال لهكطارات، و لعمق ديالها تقريبا 18 ميترو، أما ضّاية لي ف لجنوب، هي أغرق وحدة، لمساحة ديالها تقريبا 4 ديال لهكطارات، و لعمق تقريبا 40 ميترو، أما لي فشمال، بعيدة شوية عليهم، و هي الصغيرة فيهم، فيها تقريبا هكطار واحد. أما شكل ديال هاد ضايات هو شكل بيضاوي.[3]
سياحة[بدل | بدل لكود]
ضاية تيݣلمامين، منطقة سياحية، فيها السّياحة الجّبلية و لإيكولوجية، و عزيزة على لعشاق ديال التّخييم، لبنية تحتية ديال لمنطقة مزالة ضعيفة، ماكايناش طريق مزيانة ليها، و مافيهاش ؤطيل ولا ؤبيرج.[4] النقل لهاد لبحيرة متوفر فالنقل المزدوج من مدينة خنيفرة، بضبط من حي أمالو. ناس ديال لمنطقة تايقدمو خدمات لسياح فصيف ، تايبيعو ليهم لخبز و شي مواد استهلاكية، بلخصوص لهواة تخييم لي تايجي بزاف منهم لهاد ضاية فصيف.[2][5]
لهيدرولوجيا[بدل | بدل لكود]
هاد ضّاية تايعمروها لعيون لي كاينين فيها، و تا لما ديال شّتا و تّلج لي تايطيح فيها، كيفما كاينة حدا ضّاية عين د لما لحلو، ؤ بير صالح لشرب. هاد ضّاية لأصل جّيولوجي ديالها كاريستي.[ماواضحش] بخصوص تصريف لما، تانلقاو ضّاية لي فشمال كاتخوي لما ف ضّاية لي فلوسط، و لي فلوسط كاتخوي ف ضّاية لي فلجنوب، و لي فلجنوب متاصلة بواد كاتخوي فيه.[4]
سكان[بدل | بدل لكود]
كاينين دواور صغار على هاد الضاية، و أراضي زراعية، لكن لغابة كاتسيطر على الجّناب ديالها، و بعيد عليها شوي كاين شي دواور أخرين. النّاس د لمنطقة من لأمازيغ د لأطلس لمتوسط، و لّغة لي كتيرة هي لأمازيغية، و شوي ديال دّاريجة لمغربية. و تايعيشو نّاس ف هاد لمنطقة على لفلاحة و سّرحة.[3]
لبيئة[بدل | بدل لكود]
ضاية تيݣلمامين فيها شّجر ديال لأرز د لأطلس على جّهد، ؤ تا لبلوط لخضر، كيف ما فيها بزاف د أنواع د لحوت بحال ترويت، و نباتات د لما النادرة، هدشي علاش هاد لبلاصة عزيزة على الصيادة. زيد على هادشي هاد لبلاصة تايعيش فيها زّعطوط و لحلوف د لخلى، و لقنان دلخلى، و تّعلب، و بن أوى، و دياب، و نسورا، و تايزوروها طّيور لي تايهاجرو.[1][3]
عيون لكلام[بدل | بدل لكود]
- ^ a b c "أكلمام أزكزا – تكلمامين، بحيرتان ذهبيتان أصبح بريقهما السياحي مهددا بالإهمال البنيوي والتغييب الممنهج من دائرة السياحة". مأرشيڤي من لأصل ف 2022-09-25. تطّالع عليه ب تاريخ 2022-09-25.
- ^ a b "إقليم خنيفرة.. مؤهلات متنوعة لا توازيها دينامية سياحية تنموية". مأرشيڤي من لأصل ف 2022-09-29. تطّالع عليه ب تاريخ 2022-09-25.
- ^ a b c زكرياء محرير؛ اسية الفحل؛ عبد المجيد السامي. "التراث الطبيعي دعامة للتنمية وتنوع المنتوج السياحي بإقليم الخنيفرة". مجلة العلوم وافاق المعارف جامعة عمار ثليجي باالغواط ـ الجزائر. الجزائر: 222-242. مأرشيڤي من لأصل ف 2022-09-26. تطّالع عليه ب تاريخ 2022-09-25.
- ^ a b Empty citation (معاونة)
- ^ Empty citation (معاونة)
