أݣلمام أزݣزا
أݣلمام أزݣزا
| ||||
|
أكلمام أزكزا (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم خنيفرة | |||
| السكان | ||||
| شحال دالسكان | 6,781 (2024) | |||
| شحال دلفاميلات | 1,611 (2014) | |||
| معلومات خرين | ||||
| الرمز لجغرافي | 6545484 | |||
أݣلمام أزݣزا (ⴰⴳⵍⵎⴰⵎ ⴰⵣⴳⵣⴰ) هي جماعة قروية تابعة لإقليم خنيفرة فلجيهة ديال بني ملال خنيفرة المغرب، سميتها موخودة من سميت ضاية أݣلمام أزݣزا لي كاينة فهاد لجماعة. عدد ناس لي عايشين فهاد لجماعة على حساب لإحصاء ديال 2014 هو 7684 نسمة، تايعيشو ف 1611 أسرة.[1]
ب لأمازيغية كلمة "أݣلمام" كاتعني "ضاية" و "أزݣزا" كاتعني "خضرا" يعني "أݣلمام أزݣزا" هيّ "الضاية لخضرا".[2]
جماعة أݣلمام أزݣزا كاينة فإقليم خنيفرة، جيهة بني ملال خنيفرة فلمغرب، وهي جماعة جبلية فلأطلس لمتوسط لغربي، كاتميز بعدد كبير ديال ضايات طبيعية، و غابات كثيفة فيها شجر ديال لأرز لأطلسي ولبلوط لخضر. نشاط لأساسي ديال سكان فلمنطقة هو سرحة، و شوي ديال لأنشطة سياحية.[3]
عام 2020 تهيأ لموقع ديال ضاية أݣلمام أزݣزا على قبل سياحة، للفائدة ديال سكان دلمنطقة لي تايخدمو فسياحة، [4] هاد تهيئة شملات تجهيز طرقان، ولبني ديال محلات تجارية على شكل خيام أمازيغية دلخشب، [5] كيف ما تهيأ لموقع لإكولوجي أروݣو فلجماعة.[6] هاد لجماعة فيها وحدة من ضايات لمشهورين فلمغريب، وهي ضاية تيݣلمامين لي كاتلقي بنظاظر دلأطلس.
جماعة أݣلمام أزݣزا كايتنظم فيها كل عام مسابقة دولية سميتها “Ice Swim Morocco”، وهي مسابقة دولية دلعومان فلما باردة، لي كاتدار فلفصل دشتا فضاية أݣلمام أزݣزا.[7]
عدد سكان جماعة أݣلمام أزݣزا على حساب احصاءات 2014، 7684 نسمة، تايعيشو ف 1611 أسرة، بكثافة سكانية كاتوصل ل 17.52 نسمة فلكيلوميتر لمربع. معدل لفقر لعام بين سكان تايوصل تا ل 61.38%، [1][8] يكان ديال لمنطقة من لأمازيغ دلأطلس، وللغة لي منتشرة فهاد المنطقة هي اللغة لأمازيغية، بعدها الدارجة المغربية.
- 36.69 % من لأسر مزودين بلكهرباء
- 0.31 % من لأسر مربوطين بصرف صحي
- 0.81 % من لأسر تايتوفرو على لأنترنت
- 0.94 % من لأسر تايتوفرو على كومبيوتر
- 3.17 % من لأسر تايتوفرو على طوموبيل على حسب لإحصاء ديال عام 2014 [1]
- نسبة لأمية (نّاس لّي ما كايعرفوش يقراو ولا يكتبو): 63,5%
- نسبة سّكان لّي قاريين فوق الليسي (ليسي و جامعة): 3,2%
- نسبة نّاس نّشيطين (لّي يقدرو يخدمو): 48,2%
- نسبة لبطالة (نّاس لّي ما خدامينش و تايقلبو على خدمة): 3,8%
- نسبة نّاس اللي خدامين ف دّولة: 2,2%
- نسبة نّاس اللي خدامين ف لپريڤي: 23,7%
بحيرة أݣلمام أزݣزا
- 1 2 3 "Maroc en carte". rgphencartes.hcp.ma. Archived from the original on 2023-07-02. Retrieved 2023-01-30.
- ↑ محمد شفيق (1999). الدارجة المغربية، مجال توارد بين الأمازيغية و العربية (PDF) (ب العربية و الدارجة). أكاديمية المملكة المغربية. p. 54. Archived from the original on 2023-06-17. Retrieved 2025-01-25.
- ↑ "سعيدي المولودي - مشروع تهيئة موقع -أݣلمام أزݣزا- بالأطلس المتوسط. ملاحظات عابرة". الحوار المتمدن. Archived from the original on 2023-01-30. Retrieved 2023-01-30.
- ↑ "تهيئة بحيرة أكلمام أزكزا بخنيفرة .. مساهمة قيمة للمبادرة الوطنية للتنمية البشرية". MapBéniMellal (ب العربية). 2022-08-07. Archived from the original on 2023-01-30. Retrieved 2023-01-30.
- ↑ "بالفيديو: أكشاك أمازيغية تُزيّن بحيرة أكلمام أزكزا بنواحي خنيفرة". Le 360 Arabe (ب العربية). Archived from the original on 2023-01-30. Retrieved 2023-01-30.
- ↑ الساعة, أخبار (2022-11-13). "أشغال تهيئة موقع أروكو السياحي في جماعة أكلمام أزكزا الجبلية تتقدم بنسبة 80%". جريدة 20 دقيقة - Journal 20 Minutes (ب العربية). Archived from the original on 2023-01-30. Retrieved 2023-01-30.
- ↑ "خنيفرة تحتضن مسابقة سباحة المياه الباردة في نسختها 6 ببحيرة أكلمام أزكزا". اليوم 24 – أخبار اليوم على مدار الساعة (ب العربية). Archived from the original on 2023-01-30. Retrieved 2023-01-30.
- ↑ "التهميش يخرج ساكنة أكلمام أزكزا للإحتجاج بخنيفرة". al3omk.com (ب العربية). Archived from the original on 2023-01-30. Retrieved 2023-01-30.
 هادي زريعة ديال مقالة خاصها تّوسع. تقدر تشارك ف لكتبة ديالها. |
