ضاهير
الضاهير ف لقانون لمغريبي هو نص قانوني يمكن يكون قانوني (ب معنى بلي عندو لقوة ديال قانون) و لا تنظيمي، بحال ف حالة ضهاير ديال تنفيذ لقوانين.
الضاهير كايسنيه لماليك و يمكن يسني معاه ب لعطف رئيس لحوكومة ف لحالات لّي كايسمح بيها دّستور.
الضاهير الشّريف كايصدرو وكايسنيه لماليك ف لحالات لّي مسموح ليه، على حسب دّستور، يدير تّشريع بوحدو بلا ما يتشاور مع لبرلمان و لا ف لحالات لّي كايعين فيها مؤسسات ولا مناصب دستورية بحال لقضاة ولا تا يعلن حالة لستيثناء متلا. ب صفة عامة، لحالات لّي كايكون فيهوم الضاهير شريف هوما:
- ظّهائر لمرتبطة ب لوظيفة ديال أمير لمؤمنين (لمسائل دّينية و تنصيب لمجالس لعلمية متلا).
- تّعيين ديال رئيس لحوكومة و لووزارا و لإعفاء ديالهوم.
- إعلان حالة لستيثناء.
- فاش كايبغي يدعي لمغاربة لشي ستيفتاء.
- فاش تايبغي يحل لبرلمان.
- ف تّعيين د لقضاة.
من بعد ما كا يخرج شي قانون من لبرلمان و كايكون ناضي، ما كايكون رسمي ويمكن يتنفذ حتا كايخرج ضاهير تّنفيذ ديالو ف لجريدة رّسمية. هاد الضاهير التّنفيذي كايصدرو و كايسنيه الملك وكايسنيه معاه ب لعطف رئيس لحوكومة ولا لوزير لّي معني بموضوع لقانون لّي خايخرج على ودو ضاهير.
| تاريخ | لعاهل | السباب |
|---|---|---|
| 1698 | مولاي سماعيل | السماح للفرانسيسكانيين باش ينفّدو مهمة ف مكناس ديال لعناية ب محابسيا مسيحيين[1] |
| 4 يونيو 1864 | محمد الرابع | دعم التجارة معا لبلدان لخرين |
| نونبر 1892 | لحسن اللول | تأسيس لبوسطة د لمغريب[2] |
| فبراير 1907 | مولاي عبد العزيز | تأسيس لبنك لمخزني لمغريبي (لمؤسسة لي سبقات بنك لمغريب) |
- ^ Nekrouf، Younès (1 يناير 1987). Une amitié orageuse : Moulay Ismaïl et Louis XIV (ب لفرانساوية). FeniXX. ص. 262. ردمك 978-2-402-50699-1. تطّالع عليه ب تاريخ 4 ماي 2024.
- ^ "Histoire de la Poste" (PDF) (ب لفرانساوية). مأرشيڤي من لأصل (PDF) ف 2021-01-12.
 هادي زريعة ديال مقالة خاصها تّوسع. تقدر تشارك ف لكتبة ديالها. |