شاب
شاب
| ||
| معلومات عامة | ||
| زيادة | 15 يوليوز 1990 (35 عام) والماس | |
| لجنسية | لمغريب | |
| لحرفة | فنان موسيقي و كتاتبي د لأغاني | |
| معلومات خرى | ||
| لألة | لوتار و لݣيطار | |
       | ||
نبيل لعمراوي، لي معروف كتر ب سميت شاب، هو مغني ؤ كاتيب كلمات مغريبي أصلو من والماس.
توصف بلي راه كاتيب كلمات موهوب ؤ عندو هتيمام كبير ب لموسيقا لمغريبية تقليدية.[1]
بدا يلعب نبيل لموسيقا ف عمرو خمسطاش لعام، بدا ف لول ب لݣيطار، موراها لوتار، لعود، لكمانجة، لپيانو ؤ سانطتيزور.[2]
كان قرا ف لمعهد لعالي د لفن لمسرحي ؤ تنشيط ف رباط.[1]
تأتر شاب ب لموسيقا شعبية د زيان، كبر على لإقاعات د محمد رويشة، علي أزلماط و حادة أوعكي.[2] تأتر حتا ب لأغاني د شعبي لي كيلعبوها ف لعراسات و لحفلات ف لحومة د لقامرة ف رباط؛ و حتا ب لأغاني د راي د لفنانة بحال شاب حسني، شاب مامي، خالد، شاب نصرو، شاب بلال، شاب رزقي لي كانو كيتعلبو ف لقهاوي د لبيار.[2]
ومن بين لمؤترين ف شعبي، جبد شاب مغنيين بحال حاجيب، ميلود لمغاري، لبحيري، ونجاة عتابو، زيد عليها سميات قديمة ديال لموسيقا د لعيطة.[2] موراها، مورما بانو طباسل ديال صاطيليط بدا يكتاشف لموسيقا شرقية، ديال لخاليج ؤ شام، ؤمعا لانترنيت روك، لميطال، ؤ جاز.[2] بين شاب على تقدير ديالو لموسيقى د زياد رحباني.[2][3]
شاب هو واحد ضاهرة ف لانترنيت، ؤ عندو شعبية خصوصا ف يوتوب.[1][3][4] لموسيقا ديالو تصنفات بلي راها "مغريبية حقيقية"،[4] خصوصا ملي خدم ب إقاعات أصلية ديال شعبي.[4]
شاب كيكتب لكلمات ديال لأغاني ديالو ب دارجة.[4] لمحتوى ديال لكتبة د لأغاني ديالو توصفات بلي راها فشكل، ؤ ف نفس لوقت عادية ؤ عميقة.[4]
- تخرشيش، 2018
- أخر صعاليك لمحترمين، 2019
- سمع بالاك، 2021
- 1 2 3 Misk, Fedwa. "Alerte phénomène : un Cheb qui détonne". La Vie éco (ب الفرنسية). Archived from the original on 2022-05-22. Retrieved 2021-03-12.
- 1 2 3 4 5 6 "نبيل العمراوي.. "الشاب" الذي أبدع موسيقاه خارج "النظام"". mupresse.com (ب العربية). 2019-12-06. Archived from the original on 2023-05-06. Retrieved 2021-03-12.
- 1 2 "Cheb et Ziad Rahbani, déclarations d'indépendance". Les Jours (ب الفرنسية). 2021-03-06. Archived from the original on 2023-05-09. Retrieved 2021-03-12.
- 1 2 3 4 5 "نبيل العمراوي أو الشاب ..دردشة مع أول فنان غنى عن "الماعن"". تيل كيل عربي (ب العربية). Archived from the original on 2023-05-06. Retrieved 2021-03-12.
| بازدونيات د الضبط لمخازني: فنانين |
|---|
