الشاب حسني
الشاب حسني
| ||
 | ||
| معلومات عامة | ||
| زيادة | 1 فبراير 1968 وهران | |
| لموت | 29 شتنبر 1994 (26 عام) وهران | |
| طريقة دلموت | قتيلة | |
| سباب لموت | ضربة ب لقرطاس | |
| لجنسية | جزاير | |
| لحرفة | مغني | |
| لّوغات لي كيعرف | الدارجة د لجزائر | |
| معلومات خرى | ||
| دين | إسلام | |
| ستيل | راي | |
| لألة | صوت | |
| تأتر ب | أحمد وهبي | |
   | ||
حسني شقرون, اللي معروف تا بالشاب حسني (مزيود ف 1 فبراير 1968 ف وهران - 29 شتنبر 1994) كان مغني د الراي جزائري وواحد من أكبر لمغنيين د الراي فالتاريخ. كان تيتسمًا بلملك د الراي سونتيمونطال و بأسطورة الراي. الشاب حسني حطًم بزاف د الروكورات فالزربة اللي كان تيخرج بيها لألبومات (175 ألبوم) و لعدد د شحال كانو تيتباعو منها.
تولد حسني شقرون ف وهران نهار 1 فبراير 1968 فعائلة فقيرة. كان باه حداد, وكانو عندو 7 د الدراري حسني واحد منهم. ملًي دار 9 سنين, تقيد حسني مع لفرقة د كورة د لجمعية الرياضية لمدينة وهران (ASMO), اللي كانت تاتلعب فالدرجة التانية د لجزائر. ملًي دار 15 لعام, تضرب ضربة خايبة ومشا للصبيطار وبقا فيه بزاف د السيمانات. منين خرج من الصبيطار, غلاض وماقدرش يكمل اللعب د لكورة. قرر ديك الساعة يعتازل لكورة.
ملًي كان فالصبيطار, كان حسني كيسمع بزاف ل فريد الأطرش, وبدات كاتعجيو لموسيقى لعاطفية وبغا يجرب يغنيها. أيبدا فاللول يغني فلعراسات ولكاباريات تا تعرف شويا كتر وسجًل أول كاسيطة ديالو ف 1986. ف 1987 غنا معا الشابة الزهوانية ومن ديك الساعة تعرف بزاف. غادي يتعرف حسني لدرجة أنه غادي يكون هو لمغني اللي كان تيبيع أكبر عدد د لكواسط فلجزائر ديك لوقت.[1]
الشاب حسني كان تيغني على مواضيع بحال لحب ولعلاقات لغرامية, اللي ماكانتش تاتعجب بزاف د الناس ديك لوقت. نهار 29 شتنير 1994, كان حسني تيتمشًا فحومتو, حتا بعثو عليه ناس مجهولين وقتلوه. الجماعة الاسلامية لمسلحة تبنات لمقتل ديالو,[2] ولكن ماتعتاقل تاواحد و باقي هاد لجريمة لغز تال ليوما.
الشاب حسني عندو بزاف د لأغاني اللي معروفين بزاف. من ديك لأغاني كاين:
- البراكة (1987)
- البيضة مون آمور (1989)
- سي پا لا پين (1991)
- ماتبكيش (1992)
- ↑ "الشاب حسني - مات الراي - عاش الراي (بلفرانساوية)". Archived from the original on 2020-12-04. Retrieved 2020-05-08.
- ↑ "الذكرى 22 لاغتيال عندليب الراي الجزائري - ماذا نعرف عن الشاب حسني؟ - سي إن إن (2016)". Archived from the original on 2023-03-21. Retrieved 2020-05-08.
 |
ويكيميديا كومنز عندا تصاور و معلومات على الشاب حسني. |
