سيدا
الدّا د سيدا
| ||
| ||
راية د نهار لعالامي ضد السيدا
| ||
| معلومات مسربية | ||
| سبابها : | لڤيروس نقاقصي دلمناعة لبنادمية | |
| نوع : | توسيخة دايزة ب سّيكس | |
| حرفة : | ڤيرولجيا، مراضي توسيخية/عدوية | |
| دوا : | -حماية
-ماكاينة حتاشي جلبة ضدو ؤلا شي دوا فاعل. | |
| لمكاشفة على لمرضة : | سبيطاري، بيولوجيا(تحاليل ديال الدم ؤ تيستات). | |
| تدواز : | سّيكس، من مرا حاملة ل لبيجو ديالها، عطيان الدم. | |
| لمرضة فلمغريب | ||
| لنتيشار ديالها | -نتيشار ديالها عند لغاشي (%0.1).
-هاد النسبة طالعة عند لخدامات ف دّعارة (%1.3) وكتر عند الميتليين (%4.5). -النسبة لعالية عند الناس اللي كايضروݣيو بليباري (%7.1). -عند الزماݣريا اللي كايزماݣريو للمغريب من بلدان خرين (%3). -لحساب دلحالات ف 2019 هوا 21.500 حالة. -علاين 65% دلحالات كاينين غير فتلاتة د جّيهات: سوس ماسة، مراكش آسفي، كازا سطات. -22% دلمراض ماعارفينش واش هازينها. | |
| اللي كايهمها: | - البرنامج الوطني لمحاربة السيدا (من 1988م)
- | |
السيدا كاتسما على واحد لمرضة ؤ معنيتها لمضبوطة هيا لحالة لخرانية اللي كاتوصل ليها لمناعة ديال بنادم مورا ما كيتأادا ب لڤيروس النقاقصي دلمناعة لبنادمية لمعروف ب "HIV"، السيدا كلمة ماشي دوريجين والايني مدرجة من لفرانساوية (Syndrome d'Immuno-Déficience Acquise) و بلمغربية كاتعني "الساندروم د نقصان دلمناعة لمجيوبة". هاد لمرحالة هيا فاش غادي يبداو يبانو الأعراض ديال بصاح دهاد الڤيروس (لاحقاش فلّول كايكون حسي مسي وماكايعيقش بيه مولاه ؤ ماكايردش ليه ݣاع لبال) و فيها نيت كاطيح لمناعة بلمعقول وكايصدق لمريض ملحوݣ بݣاع الفيروسات كيما كانو ؤ هادو كايتسماو بالعدوى لهمايزية يعني لميكروبات ؤلا حتا لكونصيرات كايلقاو لهمزة مورا ماترشا و تهشاش لمناعة دلمريض وهادشي كايعطينا واحد لكمشة دليماري مجموعين على سيفة ديال ساندروم ؤلا بالساهل ماهل "سيدا". فهاد ليبّان، ماكاينش شي دوا ؤلا شي جلبة كايبرّيو من السيدا، لحل لوحداني اللي كاين دابا و اللي مايتحاسبو عليه عقال هوا لحماية.
ف 2020، وصل لعدد د الناس اللي كان فيهم السيدا ف لعالم ل تقرييا 38 مليون واحد.[1]
تكتاشف السيدا أول مرة ف 1981، و هو مرض جا من لقرودا د الشامپانزي و داز لبنادم ف لوسط د لقرن 20.[2]
- ^ "38 مليون شخص يعانون من مرض الإيدز حول العالم - دوتشه ڤيله (2019)". مأرشيڤي من لأصل ف 2023-04-19. تطّالع عليه ب تاريخ 2021-07-29.
- ^ ""الايدز" انتقل الى الإنسان من الشمبانزي - روسيا ليوما (2015)". مأرشيڤي من لأصل ف 2023-04-20. تطّالع عليه ب تاريخ 2021-07-29.
|
تقدر تزيد شوف بزاف د تّصاور و لمعلومات ديال AIDS ف ويكيميديا كومنز. |