سكان أصليين
السكان لأصليين كاتعني الناس اللولين اللي عاشو فشي بلاصة، وماشي لمهاجرين اللي جاو من بعد.[1]
هاد الناس يقدرو يتوصفو بسميات بحال اللوالة، الشعوب لأصلية، الشعوب اللولين، لأمم اللولين. لأمم لمتحدة كاتفضّل لعيبارة سكان أصليين على هاد لوصاف لاخرين، حيتاش هادو عندهوم معنى سلبي. كاين تقديرات باللي كاين كتر من 5000 ݣروپ ديال السكّان لأصليين فلعالام.[2]
السكان لأصليين غالبا عاشو أولّا مازال كايعيشو فترات ديال لعبودية أولّأ لمعاملة لخايبة ديال لمستعمرين. السكان لأصليين كانو مقموعين فلفترات ديال ليستيعمار. غالبا كانو لمستعمرين كايسرقو التروات ولأراضي ديالهوم، وغالبا كايكونو عبيد أولّأ كايتقتلو ݣاع.
لمستعمرين ديما كايبغيو من السكان لأصليين إيشوفو راسهوم باللي هوما من طبقة طايحة أولّا نازلة على هادوك اللي مستعمرينهوم. هادي هي لپروپاݣاندا. هاد الناس يقدرو يكبرو بهاد لمعتقدات.
بعض لمرّات السكان لأصليين كاينوضو لحرب باش يدافعو على لأرض، التاريخ ولحقوق ديالهوم باش مايضيعوش، كيمّا طرا لشعب لماوري معا لأوروپيين شحال هادي فحروب نيوزيلاندا[3]، من مورا ماسناو على معاهدة وايطانݣي اللي ماكانوش عارفين لمعنى ديالها.[4]
- ↑ "Who are the indigenous and tribal peoples?". www.ilo.org. 22 يوليوز 2016. Archived from the original on 2023-10-03. Retrieved 2021-05-08.
- ↑ LaDuke, Winona (1997). "Voices from White Earth: Gaa-waabaabiganikaag". People, Land, and Community: Collected E.F. Schumacher Society Lectures. Yale University Press. pp. 24–25. ISBN 9780300071733.
- ↑ "Story: New Zealand Wars". Archived from the original on 2023-04-06. Retrieved 2021-05-08.
- ↑ Orange, Claudia (20 يونيو 2012). "Treaty of Waitangi - Interpretations of the Treaty of Waitangi". Te Ara: The Encyclopedia of New Zealand. Archived from the original on 27 فبراير 2023. Retrieved 13 غشت 2019.
 |
ويكيميديا كومنز عندا تصاور و معلومات على سكان أصليين. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
