حروب نيوزيلاندا

من ويكيپيديا
اذهب إلى التنقل اذهب إلى البحث
التدكار ديال حروب نيوزيلاندا فأوكلاند لݣاع اللي ماتو فلحرب. "Kia mate toa" بلماورية كاتعني "دابز حتال لموت".

لحروب دنيوزيلاندا (بالنݣليزية: New Zealand Wars) طراو مابين 1845 و1872 مابين لحوكومة ليستيعمارية ديال نيوزيلاندا ولماوري اللي كانو متحالفين معاهوم من واحد الجيهة، ولماوري ولمستعميرين اللي جاو من جيهتهوم من جيهة خرة. كانو هاد لحروب كايتسمّاو حروب لأرض أولّا حروب لماوري[1]، أما شعوب لماوري كانو كايسميوهوم Ngā pakanga o Aotearoa (لحروب دنيوزيلاندا لكبيرة) أولّا Te riri Pākehā (لغضبة ديال الراجل لبيض).[1] لمؤريخ جيمس بيليتش هو اللي شهر سمية حروب نيوزيلاندا فالتمانينات، واخا أول مرة تعطات هاد السمية جات من عند لمؤريخ جيمس كوان فلعشرينات.[2]

السباب[بدل | بدل لكود]

واخا كانت لحروب فاللول غير مدابزات مابين لماوري ولمستعمرين على شكون اللي عندو لحق يشري شي أراضي، شبكات هاد لمدابزات بواحد الشكل بيّن للحوكومة دنيوزيلاندا من 1860 باللي راها كاتعامل معا مقاومة دشعب لماوري اللي ماكانوش باغين يبيعو لأرض ومابغاوش يعتارفو بالتاج لبريطاني. لحوكومة جمعات لالوف ديال لعسكر لبريطاني باش يحاربو واحد لحركة كانت باغا تدير ملك على لماوري وباغا تاخد لأراضي دلفلاحة والسكنى من لبريطانيين.[3][4] حملات خرين من لعسكر كانت باغا تطفي واحد لحركة متطرفة سميتها "هوهاو" كانت تابعة للدين ديال پاي ماريري، اللي كانت ضد التغريب ديال لأرض دلماوري وباغا تقوّي لهوية لماورية.[5]

لحروب[بدل | بدل لكود]

فالدروة ديال لحروب فالستّينات ديال لقرن 19، شي 18 ألف عسكري بريطاني معاوناهوم لمدافع ولخيّالة ولميليشيات حاربو شي 4000 محارب ماوري[6] فواحد لحرب اللي ماكانوش فيها لقيوى متعادلين.[7] لماوري قدرو يواجهو لعدو ديالهوم بتقنيات كانت ضد لمدفعية أولّا لبني ديال لپا، واللي هي ڤيلاجات مداورة بلسوار اللي كانو كايحبسو بيها لعدو باش يزيد لقدّام وكايقتلو فيها بزاف دالناس، وكايخرجو من لحرب مامهلوكينش بلقتيل واخا كانو مغلوبين فلأعداد. بانت من بعد التقنية د لحرب بلݣيرة واللي تستعملات من لمتحاربين بجوج فلغابات لكبيرة. فلحملات ديال طاراناكي ؤوايطاكو، ماتو شي 1800 ماوري و800 أوروپي[3]، ولاكين فلحرب كاملة لعدد دالناس من لماوري اللي ماتو غايكون فات 2100.

اللي طرا من مورا لحرب[بدل | بدل لكود]

لحوكومة ديال نيوزيلاندا قدرات تطور لعسكرديالها من لميليشيات ولمتطوعين ولمستكشفين دلغابات ولكوپاپا (لماوري اللي كانو معاها)، واخا اللي كان كايحارب لماوري هو لعسكر دبريطانيا. لحوكومة دارت قوانين باش تحبس لمعارضين اللي من لماوري وتاخد ميساحات كبيرة ديال لݣزيرة دالشمال وتديرها للبيع لدوك لمستوطنين. لفلوس اللي دخّلو من لبيع كانو كايصرفوهوم على لحرب.[8][9] هادشي خلّا لماوري يزيدو يشعلو لمقاومة ديال لماوري فالساحل ديال الشرق ولغرب.

عيون لكلام[بدل | بدل لكود]

  1. 1.0 1.1 "Story: New Zealand Wars".
  2. O'Malley, Vincent (2019). The New Zealand Wars Ngā Pakanga O Aotearoa. Wellington: Bridget Williams Books. ISBN 978-1-988545-99-8.
  3. 3.0 3.1 King, Michael (1977). Te Puea: A Biography. Auckland: Hodder and Stoughton. p. 26. ردمك 0-340-22482-7.
  4. Dalton, B.J. (1967). War and Politics in New Zealand 1855–1870. Sydney: Sydney University Press. p. 179.
  5. Belich, James (1986x). The New Zealand Wars and the Victorian Interpretation of Racial Conflict (1st ed.). Auckland: Penguin. pp. 204–205. ردمك 0-14-011162-X.
  6. Belich, James (1986a). The New Zealand Wars. Auckland: Penguin. pp. 126–133. ردمك 0-14-027504-5.
  7. Belich, James (1986a). The New Zealand Wars. Auckland: Penguin. pp. 126–133. ISBN 0-14-027504-5.
  8. Belich, James (1986a). The New Zealand Wars. Auckland: Penguin. pp. 126–133. ISBN 0-14-027504-5.
  9. Dalton, B.J. (1967). War and Politics in New Zealand 1855–1870. Sydney: Sydney University Press. p. 179.
Wikimedia Commons تقدر تزيد شوف بزاف د صور و معلومات ديال New Zealand Wars ف ويكيميديا كومنز.