انتقل إلى المحتوى

ستيفن بونسال

من ويكيپيديا
ستيفن بونسال
معلومات عامة
زيادة 29 مارس 1865
بالتيمور
لموت 8 يونيو 1951 (86 عام)
لجنسية الولايات المتاحدة د ميريكان
لحرفة توارخي، موطرجيم، ديپلوماسي، صحافي و كاتب
لّوغات لي كيعرف نڭليزية
لفاميلة
شريك Henrietta Fairfax Morris
لولاد Philip Bonsal
لعسكر
لحروب لحرب لعالمية لّولة
لجوايز


ستيفن بونسال (29 مارس 1865 - 8 يونيو 1951) كان صحفي ميركياني ومراسل حرب ومؤلف ودبلوماسي ومترجم، ربح الجائزة د پوليتزر د التاريخ ف 1945.

الصغر ديالو[بدل | بدل لكود]

تزاد بونسال ف بالتيمور، ف ميريلاند، ف 1865. قرا ف مدرسة سينت پول ف كونكورد، ف نيو هامپشاير. كمل قرايتو ف هايدلبيرڭ و بون و ڤيينا. تجوج ب هينريتا فيرفاكس موريس ف مارس 1900.[1] سافر بونسال بزاف. دّاعى بلي مشى لڭاع البلدان د أوروپا و آسيا (بالاستثناء د فارس) و أمريكا الجنوبية.

صحفي[بدل | بدل لكود]

كان بونسال من بعد مراسل د نيويورك هيرالد (1885-1907), ودار تقارير على صراعات عسكرية منها:

  • الحرب الصربية-البلغارية، 1885
  • التمرد المقدوني، 1890
  • الحرب الشينوية-الجاپونية اللولة، 1895
  • التمرد الكوبي، 1897
  • الحرب الصبليونية-الميركيانية، 1898
  • الرحلة د الإغاثة الشينوية، 1900
  • سامار، باتانڭاس، مينداناو، 1901
  • ڤينيزويلا، تمرد د ماطاس، الحصار، 1903
  • الحرب الروسية-الجاپونية، 1904-1905

كان مراسل أجنبي د نيويورك تايمز ف 1910-1911.

دبلوماسي[بدل | بدل لكود]

ف 1891-1896, شغل بونسال منصب سكرتير وقائم بالأعمال د البعثة الدبلوماسية د ميريكان ف پيكين وسيول وطوكيو. خدم حتى واحد الفترة قصيرة ف السفارة د ميريكان ف مدريد.

الحرب العالمية اللولة[بدل | بدل لكود]

ف الحرب العالمية اللولة، خدم بونسال ف القوات د المشاة د ميريكان بالرتبة د ملازم عقيد. من بعد، كان هو المترجم الخاص د الرئيس ووډرو ويلسون ف المؤتمر د السلام د 1919 ف باريس .[2]

من بعد[بدل | بدل لكود]

ف 1945، ربح الجائزة د پوليتزر د التاريخ بفضل خدمة ما مكمولاش (1944) لحرب لعالمية لول لي كانت مذكرات كاتوصف التجارب ديالو ف المفاوضات د معاهدة السلام د باريس وڭاع الصراعات الداخلية بين الحلفاء ولي فيها كيهضر بواحد الطريقة فيها بزاف د التوصيف على المحنة د العسكر لي كانو تضربو وعلى العائلات ديالهوم.[3]

"حتى شي حد خور ما قدر يقدم المحنة د الناس الدراوش د أوروپا، ف علاقة مع التوتر لي طبع السرية د المؤتمر، وقليل لي كتبو على الحرقة ديالهوم كيما العقيد بونسال بواحد الطريقة لي ف نفس الوقت فيها بزاف د الموضوعية ومؤثرة بزاف"(المجلة د تايم).

ولدو الثاني، فيليپ بونسال، كان دبلوماسي مهني. واحد ولدو واحد آخر، دادلي بونسال، كان قاضي ف المحكمة د المقاطعة د الجنوب د نيويورك.

عيون لكلام[بدل | بدل لكود]

  1. ^ ليونارد، دجون ويليام ووحدين خرين. (1906). "بونسال، ستيفن" ف شكون شكون ف ميريكان، المجلد 4، الصفحة 177
  2. ^ "كتوبة: وقت ضاع،" تايم (ميريكان). 28 فبراير 1944
  3. ^ برينان, إيليزابيت. (1999). شكون شكون د لي ربحو الجائزة د پوليتزر، الصفحة 293.