سامية أقريو
سامية أقريو
| ||
 | ||
| معلومات عامة | ||
| زيادة | 28 ماي 1972 (53 عام) شفشاون | |
| لجنسية | لمغريب | |
| لحرفة | مومتيلة، مخريجة د لأفلام، ممتيل د لأفلام، سيناريست، مقدمة د التلفازة و ممتيلة د التلفازة | |
| لّوغات لي كيعرف | عربية، لفرانساوية و نڭليزية | |
    | ||
سامية أقريو (تولدات نهار 28 ماي 1972) مومتيلة، سيناريست، مخرجة ومقدمة برامج مغريبية تولدت نهار 28 ماي عام 1972 ف مدينة شفشاون.[1] شاركت ف بزاف د الأفلام و المسلسلات المغريبية، و تشتهرت عند الجمهور بسباب كلامها الزربان و لكنتها الشمالية.[2]
سامية أقريو ف مدينة شفشاون ف لمغريب، حققت نجاح كبير و مهم ف التمثيل، طورت موهبتها بشكل كبير حتى ولات مشهورة فبزاف د البلدان ف العالم. تزوجت ب الفنان المغربي هشام التايك و عندها منو جوج ولاد محمد أمين و غالي. [مصدر؟]
كترجع الأصول ديالها ل أمازيغ غمارة و هادشي باين من كنيتها لي كتعني "الراس" باللهجات الأمازيغية. [مصدر؟]
ف عام 2002 خاضت تجربتها اللولة كمقدمة برنامج طبخ سميتو «شهيوة» فالقناة المغربية الثانية «دوزيم» لي كان كيبث من التنين ل الجمعة فوقيتة الظهر، والمدة تاع العرض ديالو كانت 13 دقيقة، كانت فهاد البرنامج كتستاضف الطباخين وكتقدم وصفات متنوعة د لماكلة، وف نفس لعام، شاركت أقريو فواحد الحلقة من المسلسل الكوميدي «للا فاطمة» لي عرضاتو لقناة الثانية فشهر رمضان.[3] موراها شاركت فتقديم برنامج «أسر وحلول» وهو برنامج جتماعي كيناقش مشاكيل لأسرة المغربية فحال قضية أطفال الشوارع والمعاقين ذهنيا والأمهات العزبات. هاد البرنامج كان عندو بعد تثقيفي حيت ركز على عرض قضايا الأسرة لي هي نواة المجتمع ومكونها الأساسي، زيادة على كون البرنامج تعرض بداريجة. سامية شاركت فمسرحية «بنات لالة منانة» مع السعدية أزكون، و نورا الصقلي، و السعدية لديب، و نادية علمي، و هند السعديدي. قصة المسرحية مستوحاة من نص "بيت بيرناردا ألبا" للشاعر الصبليوني فيديريكو ڭارثيا لوركا. و شاركت فالنسخة التلفزيونية من المسرحية بنفس العنوان، مسلسل "بنات لالة منانة" ف جوج أجزاء، الجزء اللول تبث فرمضان 2012، و الجزء الثاني ف رمضان 2013، مع السعدية أزكون و نورا الصقلي، والسعدية الديب ،و نادية علمي، و هند السعديدي، و مريم الزعيمي، و ياسين أحجام، وهو مسلسل درامي مغربي كيحكي نظرة ربعة لبنات ف سن الزواج بالزواج برجل بوڭوص.[2][4] و ف عام 2017، خاضت سامية أول تجربة ليها فالإخراج، وكان لعنوان د لفيلم ديالها "العاطي الله" كان من بطولة رشيد الوالي و مريم الزعيمي[5][6]، وخرجت الجزء 2 من مسلسل سر المرجان.[7] و ف عام 2021، تكرمت ف الدورة ال14 للمهرجان الدولي لفيلم المرأة ف سلا.[8]
- البحث عن زوج امرأتي 2 (فيلم) 1996
- كيد النسا 1999
- النية تغلب 2000
- أنا وياك (سيتكوم) 2004
- ماريا نصار (مسلسل) 2004
- محاين الحسين (فيلم) 2005
- أنا وياك 2 (سيتكوم) 2005
- رمانة وبرطال 2005 - 2007
- رحيمو 2007
- راس المحاين (فيلم) 2009
- الحسين والصافية 2011
- مسرحية بنات لالة منانة
- الدار البيضا يا الدار البيضا 2008
- مسلسل بنات لالة منانة 1 2012
- مسلسل بنات لالة منانة 2 2013
- الخواسر 2015
- نجمة وقمر 2015
- L'homme qui brodait des secrets
- Le café de la plage
- Au-delà de Gibraltar
- Le harem de Mme Osmane
- سر المرجان 2016
- مسلسل سر المرجان الجزء 2 -2017
- فيلم آخر الفرسان
- فيلم السعيدية (ضيفة شرف)
- سيتكوم الدرب 2018
- 2019: الدار المشروكة
- 2020: مسلسل ياقوت وعنبر
- 2022: مسلسل صافي سالينا
- 2022: مسلسل بغيت حياتك
- ↑ "سامية أقريو - تمثيل فيلموجرافيا، صور، فيديو". elCinema.com (ب العربية). Archived from the original on 2023-05-22. Retrieved 2023-06-08.
- 1 2 "سامية أقريو - Samia Akariou".
- ↑ "سامية". archive.aawsat.com (ب العربية). Retrieved 2023-06-08.
- ↑ "صور سامية أقريو الممثلة المغربية رفقة زوجها و أبنائها" (ب العربية). 2023-02-06. Archived from the original on 2023-03-28. Retrieved 2023-06-08.
- ↑ "سامية أقريو تنتهي من تصوير فيلمها "العاطي الله" – صور". اليوم 24 – أخبار اليوم على مدار الساعة (ب العربية). Archived from the original on 2021-10-24. Retrieved 2023-06-08.
- ↑ "الوالي "بخيل" يجود بـ"العاطي الله" في تلفزيون رمضان". Hespress - هسبريس جريدة إلكترونية مغربية (ب العربية). 2017-01-28. Retrieved 2023-06-08.
- ↑ Soltana (2016-07-25). "سامية أقريو تسأل الجمهور عن رأيهم حول الجزء الثاني من مسلسل "سر المرجان"". Soltana (ب العربية). Retrieved 2023-06-08.
- ↑ "الفنانة سامية أقريو.. "أنا ابنة المسرح، وتوجهي نحو الإخراج الفني ليس تطفلا" - MAP". www.mapnews.ma. Retrieved 2023-06-08.