لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
روايات د دجيمس بونض
رّوايات ديال دجيمس بونض هي سيرية ديال رّوايات ؤ لحجّايات لقصيرة، بدا تّأليف ديالها إيان فليمينݣ ف فبراير عام 1952، فاش كتب أول ريواية د دجيمس بوند. ف ديك لوقت كان فليمينݣ لمدير لأجنبي د جورنال The Daily Express ف لوندون. ديك سّاع ناض فليمينݣ خدا عطلة ف جامايكا ؤ بدا كيكتب رواية مورا رواية. ؤ من 1953 حتال عام 1964 نشر فليمينݣ طناش رواية ؤ مجموعة د لحجّايات لقصيرة. بعدما مات فليمينݣ تولا تأليف رّوايات من موراه كينݣسلي أميس لّي ألف رواية وحدة لعنوان ديالها كولونيل سان ف 1968. ؤ عاد من بعد جون ݣارندر لّي كتب ربعطاش رواية، ؤ لميريكانيرايموند بينسون لّي كتب ستة د رّوايات. ؤ تشارلي هيݣسون لّي تكلف ب تأليف روايات علا دجيمس بوند فاش كان باقي شاب، ؤ كتب منهم 4. ؤ ب لمناسبة د لمئوية د فليمينݣ تعطات موهيمة ل لكاتب لبريطانيسيباستيان فولكس باش يكتب لكمالة د لقصة د دجيمس بونض، ؤ تسمّات رّواية شّيطان يقد يتسوق (نّݣليزية: The Devil may care). هاد رّواية كترجع ل لبلاصة فين كان وقف فليمينݣ ف 1964 ملي مات، ف لأجواء ديال لحرب لباردة.[1]
