رشيد اليزمي

من ويكيپيديا
رشيد اليزمي
رشيد اليزمي
معلومات عامة
زيادة 16 أبريل 1953 (69 عام)
فاس
لجنسية لمغريب
فرانصا
لحرفة فيزيائي و موهنديس
لّوغات لي كيعرف لعربية، نڭليزية و لوغات أمازيغية
لجوايز


رشيد اليزمي[1] هو واحد لعالم ؤ باحث مغريبي عندو جنسية مغريبية ؤ جنسية فرانصاوية، تزاد ف مدينة فاس ف لمغريب. ؤهو عالم متخصص ف علم لمواد ؤ مكنت لخدمة لي دارها علا لحجرات ؤ علا لبتريات بشكل عام باش نحصلو علا التليفونات الدكية لي كانستعملوهوم دابا ف لحياة ليومية ديالنا. لحاجة لي ساهم بها رشيد اليزمي بالضبط ف لعالام ديال التليفونانات، هيّا بلي كتاشف أولا يمكن نقولو ختارع، طريقة باش يمكن ندمجو بين الليتيوم ؤ لݣرافيت. ؤهكا ختارع لقوطب السالب د لحجرات ديال الليتيوم بهاد لختيراع ؤ ديال واحد لعالم بريطاني سميتو ستانلي ويتينݣهام تمكنو جّاپونيين باش يختارعو لحجرات ديال الليتيوم لي كانخدمو بيهوم ف اليليفونات ديال ليوم.

رشيد اليزمي ربح بزاف ديال لجوايز من بينهوم لجايزة ديال تشارلز دريپر ف 2014 لي هيا جايزة كاتعطيها لأكاديمية لوطنية د لهندسة ف واشينطون فميريكان و لي هي بحال لجايزة ديال نوبل ف لقيمة غير هيا كاتعطى لموهندسين.

حياتو[بدل | بدل لكود]

رشيد اليزمي قرا التانوي ف ليسي مولاي رشيد و ليسي مولاي إدريس ف فاس. منين خدا لباكالوريا ديالو ف صيونص ماط ف عام 1971، مشى ل الرباط فين قرا ف جاميعة محمد لخاميس، ولاكين ماطولش فيها حيت من بعد عام دفع ل لأقسام التحضيرية ل لمهندسين ف فرانسا، لي مكناتو باش يدخل ل معهد د ݣرونوبل ف طيكنولوجيا ف فرانسا عام 1978، من بعد دار الدوكتورا ف لابوراطوار ديال لمركز لوطني لفرانساوي ف لبحت لعلمي ف عيلم لمواد.

ف 1998، ترقا اليزمي ف لمركز لوطني د لبحث لعلمي لفرانساوي، و ولا مودير ديال لأبحات. و خدم حتى ؤستاد زاير ف كلية كيوطو (1988-1990) و كلية د كاليفورنيا د طّيكنولوجيا (2000-2010) و كلية نانيانݣ ف سنغافورة (من 2010).

ف 2007، أسس اليزمي شركة د سيفكس باتري CFX Battery، و هيا شركة ف كاليفورنيا متخصصة ف تطوير و تسويق براءات د لختيراعات ديالو، سيرتو هاديك لي عندها علاقة ب لحجرات د أيون لفليور.

ف 2014، ربح  هوا و لباحيتين دجون ݣوديناف و يوشيو نيشي و أكيرا يوشينو جايزة ديال دريپر[2] لي كاتعطيها لأكاديمية لميريكانية د لهندسة ف واشنطن، كا عتيراف  ليهوم على لخدمة ديالهوم و دورهم لكبير ف تطوير حجرة أيون الليتيوم لي كايستعملوها الناس ف لعالم كولو. حيت كاينة ف لپورطابلات ،ف لپيسيات ف لاپارايات د التصاور و حتا السماعات الطبية لي كايسمعو بيها الناس لي عندهوم موشكيلة ف السمع.

ف مارس د 2016، تعطات ل رشيد اليزمي  جايزة خرة لي هيا ماريوس لافيت د لموهندسين لموخترعين، ف باريز، ف فرانسا.

لخدمة ديالو[بدل | بدل لكود]

عند ليزمي كتر من 100 براءة ختيراع مسجلة ف سميتو و كتر من 200 بحت عيلمي منشور.

حاليا اليزمي خدام ف كلية نانيانݣ د الطيكنولوجيا ف سنغافورة.

عيون لكلام[بدل | بدل لكود]

Wikimedia Commons تقدر تزيد شوف بزاف د تّصاور و لمعلومات ديال Rachid Yazami ف ويكيميديا كومنز.