دير تومليلين
دير تومليلين
| ||
| ||
| معلومات عامة | ||
| نوع | دير و benedictine abbey | |
| لبلاد | لمغريب | |
| لموضع | إقليم إيفران | |
| تاريخ د لبني | أكتوبر 1952 | |
دير تومليلين كان دير مسيحي بينيديكتي ف لأطلس لمتوسط حدا أزرو ف لمغريب من 1952 ل 1968. تأسس ف 1952 على يد دوم دينيس مارتن كا فرع ديال دير لبينيديكتي د إن كالكات لي ف فرانصا.
أصل د سمية[بدل | بدل لكود]
سمية تومليلين كاتعني ب لأمازيغية "لحجر لبيض" لي مسمي على واحد لعين ديال لحجر د جير جا فوق من دّير ؤ بعيد ب 3 كيلوميطر على أزرو.[1][2] كلمة تومليلين ولا تيملالين لي لمفرد ديالها تملالت ولا توملليت كاتعني بيض ب لأمازيغية.[3]
تاريخ[بدل | بدل لكود]
كيرجع لأصل ديال تأسيس دّير ل 1945، فين تواصل رايس د لباطرونا لفرانصاوي ف دارلبيضا جون أمبيرتي معا رايس د دير د إن كالكات دوم ماري دي فلوريس، ؤ طلب منو يحل فرع ف لمغريب. ؤ لأسباب مختالفة، من بينها مابغاوش يتنافسو معا مشروع طلقو نصارا لمغاربة د صفرو، تعطل دير باش ياخد لقرار بزاف د لعوام. ؤ ف لخر، طلب رايس د لأساقفة د رّباط، لمونسينيور لوفيڤر، رايس دير باش يتلاقا معا زوعاما دينيين ؤ نصارا ف لمغريب. ف أكتوبر 1950، عطا دوم ماري دي فلوريس لموافقة ف لخر من ناحية لمبدأ، ؤ ف يناير 1951 صافط جوج فرايليا بينديكتيين باش يشوفو لوضعية ف لبلاصة. قتارحات لأسقفية تاخد واحد دار نقاهة ديال دراري معا مدراسة مرتابطة بيها كا موقع ل دير جّديد. هاد لملك لي تابع ل لأسقفية كان مكلف بيه فرايلي سميتو با جيرار. والاكين هاد لملك كان عليه دين ب سبعة د لمليون فرنك. ب زيادة على داكشي، كانت دّار ف حالة يرتى لها.
ف هاد لحالة، وهبات مرا هجالة كانت مجوجة ب بيزنيسمان مرفح من مارساي باش تعاون دير ف 1951، ؤ خلصات ديون لي كانو ؤ عطات لكلمة باش تزيد تعاون ب فلوس زايدة. موراها قرر دّير باش يتدار دير مؤقت ف تومليلين. مور تقريبان عاماين ديال لمفاوضات ؤ تخطيط، مشا 20 فرايلي، ب زعامة دوم دينيس مارتن، ؤ ستاقرو ف لباطيمة ف 7 أكتوبر 1952.
ف لوقات صّعيبة لي جات مور ستيقلال د لمغريب، كان دّير بلاصة مهمة كيتلاقاو فيها لمتقفين لمغاربة ؤ بلاصة معروفة كيتجمعو فيها نّصارا ؤ لمسلمين ؤ ليهود. ؤ لقى رّسام تّجريدي جيلالي لغرباوي، لي زار دير أول مرة ف 1957، راحتو تما.[4][5]
من تومليلين تأسسو ديار خرين بحال د كوبري (بوركينا فاصو) ؤ بواكي (كوط ديڤوار).[6]
ف 2009، تصور ف دير تومليلين لفيلم رجال ؤ ربوبا لي كيهضر على لفرايليا د تيبحيرين لي تقتلو ف لجزاير. تصلح طرف من دير علاود تصوير.[7]
هنداسة[بدل | بدل لكود]
جات تومليلين ف لأطلس لمتوسط على علو د 1500 ميطرو، بعيدة ب تقريبان 5 كيلوميطر على أزرو. جا دير ف بلاصة مغطية ب شجر لبلوط. جاو سيلونات د لفرايليا، لكوزينات ؤ ريسطورات ف لباطيمة لكبيرة. باطيمة خرة فيها بلايص د نعاس، مدراسة داخلية ؤ مكتابة. كاين حتا كنيسة صّغيرة ؤ مقبارة ف دّير.
-
خريطة ديال دير -
لكنيسة -
لداخل ديال لكنيسة -
لباطيمة لكبيرة -
سيلونات
دورات صيفية دولية[بدل | بدل لكود]
من 1956 ل 1959، تنضمو دورات صيفية دولية ف تومليلين شاركو فيها نصارا ؤ مسلمين ؤ يهود باش يتبادلو لأفكار بيناتهم. ف هاد لوقيتة، خدا دّير دّعم من لماليك د لمغريب محمد لخاميس، لي دار حملة علاود نفيتاح روحي ف لبلاد:
من بين لمتقفين لي شاركو، كاين لوي ماسينيون، لوي ڭاردي، إمانويل ليڤيناس، أ. ر. جيب،[9] ؤ كاين حتا عيالات ؤ سياسيين، بحال فاطمة حصار بنسليمان، أحمد بلافريج، محمد الفاسي، لفقيه محمد بلعربي العلوي، ؤشي فرانصاويين حرار بحال لوي فوجير ؤ ريجيس بلاشير لي ناضلو علاود ستيقلال د لمغريب. لأفكار لولة تجمعو ف كتاب تنشر ف 1956.[10]
بيبليوڭرافيا[بدل | بدل لكود]
- بيضا، جامع (2019). Il était une fois Toumliline... (ب لفرانساوية). Rabat: Archives du Maroc. ص. 137. ردمك 9789920769167.
- Martinet، François (2019). Les rencontres internationales de Toumliline: une décennie d'exception (1956-1966) (ب لفرانساوية). Casablanca: Editions du Sirocco. ص. 297. ردمك 9789954963173.
عيون لكلام[بدل | بدل لكود]
- ^ "Les rencontres internationales de Toumliline - Maison du livre" (ب لفرانساوية). مأرشيڤي من لأصل ف 25 غشت 2023. تطّالع عليه ب تاريخ 2023-08-25.
- ^ ABAOUSS، Oussama. "Dialogue interreligieux : Toumliline, la Mecque marocaine de la tolérance". L'Opinion (ب لفرانساوية). مأرشيڤي من لأصل ف 2 يونيو 2023. تطّالع عليه ب تاريخ 2023-08-25.
- ^ طير، يونس. "تومليلين التي نزعنا جلدينا من أجلها". ضفة ثالثة (ب لعربية). مأرشيڤي من لأصل ف 2023-09-02. تطّالع عليه ب تاريخ 2023-08-25.
- ^ Salam، Naima (2004). Marokkanische und europäische Kunsttraditionen als Inspirationsquelle für die marokkanische Malerei der Gegenwart. Schriftenreihe der Stipendiatinnen und Stipendiaten der Friedrich-Ebert-Stiftung. Münster: LIT. ردمك 978-3-8258-7361-5.
- ^ Tnifass، Azzouz (2006). Jilali Gharbaoui: Voyage au bout du rêve. 1930-1971. Regards Obliques. Rabat: Marsam. ردمك 978-9954-21-062-8.
- ^ Bicknell، Julia. "How the inter-faith 'spirit of Toumliline' lives on 50 years after Moroccan monastery closed". The Tablet (ب نڭليزية). مأرشيڤي من لأصل ف 24 غشت 2023. تطّالع عليه ب تاريخ 2023-08-24.
- ^ "« Des hommes et des dieux », itinéraire d'un film rare". La Croix (ب لفرانساوية). 2010-09-05. ISSN 0242-6056. مأرشيڤي من لأصل ف 24 غشت 2023.
- ^ Volery-Lazghab، Anne. "Le Maroc et l'espace méditerranéen - 1956-1965" (ب لفرانساوية). مأرشيڤي من لأصل ف 2009-02-10.
- ^ "Les rencontres internationales de Toumliline – CDM" (ب لفرانساوية). مأرشيڤي من لأصل ف 24 غشت 2023. تطّالع عليه ب تاريخ 2023-08-24.
- ^ "La Grande Interview - Zamane". www.hubertvedrine.net (ب لفرانساوية). 2020-08-27. مأرشيڤي من لأصل ف 24 غشت 2023. تطّالع عليه ب تاريخ 2023-08-24.