فرايلي

من ويكيپيديا
فرايلي نصراني

لفرايلي[ن.ل 1] هوا قايد ديني كاتكون خدمتو هيّا يضبط لمعارف ديال شي دين كينتامي ليه، ؤ يسهر علا تّطبيق ديال طّقوس لمقدسة، ف إطار جماعة ؤلا مؤسسة (بحال كنيسة) لي تابعة ل داك دّين. لفرايلي نوعنما كيلعب دور ديال وسيط مابين بنادم ؤ رّب ؤلا رّبايب ديال دين. لخدمة ؤلا دّور لي كيقوم بيه لفرايلي نقدرو نسميوه تافرايليت. لفرايلي ف بزاف د دّيانات كيكون مورشيد ل نّاس، كيعلمهوم دّين ديالهوم ؤ كيعطيهوم نصايح ؤ إرشادات كيفاش يعيشو حياتهوم، ؤ كيقود طقوس بحال جّواج، لݣنايز، ؤ مناسبات دينية خرين.

لمصطلح د فرايلي يقدر يتخدم علا رّجال د دّين ف أغلبية د دّيانات، مي ف لحالة د لإسلام، لفرايلي كيتسما إمام ؤلا شيخ ؤلا فقيه ؤلا مولّا. ف بزاف د دّيانات، غير دّكور لي كيكون عندهوم لحق يوليو فرايليا، ولاكين شي ديانات، بحال بعض لمداهب ديال لمسيحية كاتسمح ل نّتوات حتا هوما يكونو فرايليات.

نوطات لوغاوية[بدل | بدل لكود]

  1. ^ مصطلح من اللهجة لأندلسية[1]

عيون لكلام[بدل | بدل لكود]

  1. ^ محمد رزوق (1998). الأندلسيون و هجراتهم إلى المغرب خلال القرنين 16 و 17 (ب لعربية). أفريقيا الشرق. ص. 290.
Wikimedia Commons تقدر تزيد شوف بزاف د تّصاور و لمعلومات ديال Priests ف ويكيميديا كومنز.
هادي زريعة ديال مقالة خاصها تّوسع. تقدر تشارك ف لكتبة ديالها.