ديجيمون آدڤينتشر (سيرية آنيمي د 1999)
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
| مقال فيه مصادر مامقادينش مزيان. هاد لمقال فيه مصادر، ولاكين مامكتوبينش بشكل مقادّ، متلاً يقدرو يكونو مدخّلين على شكل ليستة ف اللخر د لمقال، ولّا مامخدمينش لموضيلات لمعمول بيها ف ويكيپيديا. عافاك عاون بالزيادة ديال لإحالة ل لمصادر ف لموضع لمناسب، و خدّم لكوضاج لمعمول بيه. تقدر تشوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
ديجيمون آدڤينتشر
| ||
| النوع | أنمي ومانغا أكشن، أنيمي و مانڭا ديال لمغامرات، comedy drama anime and manga، إيسيكاي و أنيمي و مانڭا د التعاويد لعلمي | |
| لإخراج | هيرويوكي كاكودو | |
| السيناريو | ساتورو نيشيزونو | |
| لكاميرا | Shigeru Ando | |
| لموسيقى | تاكانوري أريساوا، Udi Harpaz، Shuki Levy، باول غوردون، Oded Tzur و حاييم صبان | |
| لبلاد | الجاپون | |
| اللوغة | جاپونية | |
| لينتاج | ||
| الشركة د لينتاج | توي أنيميشن | |
| التوزيع | Buena Vista International Television، Rai Trade، مركز سابان للترفيه، TF1 Video، كرانشي رول، هولو و L.C.J. Éditions & productions | |
| لبت ولعرض | ||
| لبدية | مارس 1999 | |
| النيهاية | مارس 2000 | |
| شحال د لحلقات | 54 | |
| لقنوات اللي داز منها | تلفزيون فوجي | |
| اللي سبقو | ديجيمون آدڤينتشر (فيلم آنيمي) | |
| اللي تبعو | مغامرة الديجيمون: لعبتنا الحربية | |
   
| ||
ديجيمون آدڤنتشر ولا أبطال الديجيطال ( ب الجاپونية: デジモンアドベンチャー، ديجيمون آضوبينتشآ، مغامرة الديجيمون) هي سيرية آنيمي تلفازي جاپونية خرجات ف 1999 نتجاتها طوويي آنيميشون ب تعاون معا ويز، بانضاي، و تلفازة فوجي. هي أول سيرية آنيمي ف لفرانشايز ديال ديجيمون، مبازية على لحيوان لآليف لڤيرتويل ديجيطال مونسطر لي خرج ف 1997.
أبطال الديجيطال بدا ف لينتاج شهر و نص مورا الطليق د فيلم ب نفس السمية، و بدا لبت د السيرية ف الجابون نهار بعد الطليق السينيمائي د لفيلم، ف 7 مارس 1999 و تسالا ف 26 مارس 2000. تبعو لفيلم د ل 2000، ديجيمون آدڤنتشر: لعبة لحرب ديالنا!.
معا النجاح د ديجيمون آدڤنتشر، سيرية تلفازية كمالة، ديجيمون آدڤنتشر 2، تبتّات من 2000 ل 2001. و ف لانيڤيرصير ل 15 د السيرية، سيرية د لأفلام من ستة د لپارتيات معنوْنة ديجيمون آدڤنتشر تري، تطلقات بينات 2015 و 2018، و فيلم فينال معنوْن ديجيمون آدڤنتشر: التطور لخراني كيزونا تطلق ف 2020. ف 2020، السيرية تريبووتات و تطلقات تحت عنوان ديجيمون آدڤنتشر.
سبعة د الطفال تسيفطو ل لعالم د الديجيطال (رقمي)، بلاصة غريبة فين واحد لمخلوقات رقمية سميتها "ديجيمون" (ختيصار د وحوش رقمية) كاتعيش. دغيا، واحد الرباعة من الديجيمونات ولاو صحابهوم و ݣيداوهوم برا لخاطار. الطفال موراها ولا مختارين رقميا (الطفال لمختارين)، فين تكتب عليهوم يحاميو على لعالم الرقمي من الديجيمونات الشريرة بحال ديڤيلمون و ميوتيسمون.
- طايتشي ياݣامي ب صوت طوشيكو فوجيطا
هو لكاپطن د الطفال لمختارين، و السطار د لفرقة د كورة د مدرستو و لخ لكبير ديال كاري. شخصيتو الطايشة ديما كاتخليه ف الريسك.
- ياماطو إيشيدا ب صوت يوطوو كازاما
لخ لكبير د طاكيرو، كايعيش معا باه ف أوضايبا من بعد ما واليديه تطلقو 3 سنين قبل. ديما واخد لحدر ف لعالم الرقمي، خصوصا ل خوه الصغير، و ديما كايطايف معا طايتشي ب سباب الطيش ديالو.
- صورا طاكينووتشي ب صوت يوكوو ميزوطاني
أعز صاحبة عند طايتشي و كانت معاه ف لفرقة د لكورة. و خا كاتبان بحال الدري، صورا واخدة آطونسيو ف لعالم الرقمي و كاتلعب دور لُم ل الطفال لمختارين، ديما كاتدخل ب خيط بيض بين طايتشي و ياماطو.
- كووشيروو إيزومي ب صوت أومي طينجين
كووشيروو هو مختص ف لورديناطور و كايتمتع ب الناڤيݣاسيو ف لانطيرنيط. لفضول لمعرفي ديالو مجهد، و لاكين شي مرات، كايولي مغموس ف ليكرو حتى مكايبقاش عارف شنو ضاير بيه.
- ميمي طاتشيكاوا ب صوت آي مايضا
ميمي هي بنت زوينة كاتقرا معا كووشيروو ف لقيسم لي كاتعيش ف حياة مأمنة وسط فاميلة لاباس عليها. كاتميل باش تحط مسؤولياتها عل لخرين ملي كاتصعاب عليها لامور.
- جوو كيضو ب صوت ماصامي كيكوتشي
جوو هو تلميد مجتاهد و جا من فاميلة خرجات بزاف د لأوطور ب ݣراضات عالية. كايدوز وقتو ف لقراية باش يدخل ف كبرو لشي كلية زايدة، و يولي فيزيسيان. حيت هو لكبير ف الطفال، كايحس ب لمسؤولية ل سلامة ديالهوم، و لاكين شخصيتو لمرعودة كاتخلي لݣروپ ماياخدوش ريو ف خودان لقرارات.
- طاكيرو طاكايشي ب صوت هيروكو كونيشي
خو ياماطو الصغير. على عكس لخرين، كايعيش معا مو ف سيطاݣايا ب سباب الطلاق د والديه. و وخا هاكداك، طاكيرو كايتجنب لهضرة ف هاد لموضوع. طايتشي كتيعتابر خوه قدوة و باغي يلفت نتيباهو.
- هيكاري ياݣامي ب صوت كاهي آراكي
خت طايتشي الصغيرة، و لموكافئ د طاكيرو. بنت ضريفة، و كاتحن لي كاتسبق لخرين قبل منها. ݣعما كانت قادرة تجي ل لمخيم معا خوها حيت ضربها لبرد، و لاكين ف لخر بان بلي هي الطفل التامن لمختار. عزيز عليها خوها لكبير.