دار النشر أبوسطروف

دار النشر أبوسطروف وحدة من دور النشر اللي معروفة فالمغرب, كتخدم فالمجال الثقافي والفني كتصدر كتب دراسية, كتكتب بالعربية بحال هكذا أبوسطروف, بالفرنسية Editions Apostrophe

هاذ الدار ماشي غير دار نشر عادية هي كبيرة ومعروفة كتساهم فتنظيم تظاهرات ثقافية وكتعاون المبدعين المغاربة باش يوصلوا أعمالهم للناس. من بين الإصدارات ديالها, سلسلة سيكما لي كلنا قرينا فيها سواء كانت سيكما تمارين وحلول أو سيكما دفتر الوثائق.

أبوسطروف معروفة بالجودة ديال إصدارات كتب مدرسية مصادق عليها من الوزارة وجميع وليدات المغرب كيقراو فيها حيتاش كتركز على التربية.

المدير ديالها هو السيد علاء البازي قباج فاسي ديال بصح وكيتعتابر من الناس اللي عندهم خبرة كبيرة فإدارة المؤسسات الثقافية والفنية, هاذ دار النشر جات بالضبط فكازا لحبوس حدا قهوة موريطانيا هي مكتبة سميتها دار إحياء العلوم, هاذ المكتبة مؤسسة كبيرة منذ سنة 1956, ودبا دارت سلسلة جديدة فالتعليم الأولي لي هي بصمة empreinte, ومازال عندهم سلسلة Etincelle فمادة الفيزياء والكيمياء والرياضيات وعلوم الحياة والأرض من لمستوى أولى إعدادي حتال الثانوي عربية وفرنسية وفيه المقرر ودفتر الأنشطة, كذلك كاينة سلسلة أخرى سميتها Oxygène فالرياضيات وعلوم الحياة ولأرض والفيزياء.

إصدارات أبوسطروف كتلقاها فجميع مكتبات المغرب وكتشارك حتى فالمعارض ديال الكتاب اللي كيتنظم فالمغرب.