خوصي ماريا ليرشوندي
خوصي ماريا ليرشوندي
| ||
| ||
| معلومات عامة | ||
| زيادة | 24 فبراير 1836 أوريو | |
| لموت | 8 مارس 1896 (60 عام) طانجا | |
| لجنسية | سپانيا | |
| لحرفة | مستعرب و مبشر | |
| لّوغات لي كيعرف | صبليونية، البشكنشية، الداريجة لمغريبية و لعربية لكلاسيكية | |
| معلومات خرى | ||
| دين | لكنيسة الرومانية لكاطوليكية | |
خوصي ؤنطونيو رامون ليرشوندي، تولد ف24 فبراير 1836 ف ؤريو ومات ف8 مارس 1896 فطانجا، معروف كتر بسميت خوصي ماريا ليرشوندي، كان فرايلي فرنشسكاني صبليوني تعلم لعربية وكتب بزاف على داريجا ديال لمغاربا.
خوصي ماريا ليرشوندي تولد نهار 24 فبراير 1836 ف واحد لمدينة ف لباصك سيمتها ؤريو. لولادا ديالو كانت ف وصط لحرب لكارلية لولا، لي هي حرب أهلية رونات بلاد لباصك بين 1833 و1839. هو ولد ماشي شرعي وباه مامعروفش، علاحساب مامكتوب ف لوتيقة ديال تسمية ديالو. ف1856 دخل ل طريقة لفرنشسكانية، وولا من بعد 3 سنين فرايلي، وموراها ف1862 مشا ل لكنيسة ديال طانجا باش يخدم معا لبيعتة لكاتوليكية ف لمغريب. ف1877، ولا محافظ رسولي (préfet apostolique) حتا مات. بين 1862 و1878، عاش ف تطوان، ودار لمعارف معا ناس لمدينة وتعلم مزيان لعربية.[1]
خوصي ماريا ليرشوندي مدفون ف لكاتدرالية ديال طانجا.[2]
خوصي ماريا ليرشوندي كان لموترجم رسمي ديال الصيفارات بين ملوك صبانيا والسلطان لحسن لول، وفنفس الوقت لموترجم بين سلطان لمغريب ولبابا ليون طلطاش. كان صلح وبنا بزاف ديال لكنيسات وديور لبيعتة نصرانية، وحل مدارس ديال لحرفة وفتطوان بنا مدرسة باش يتعلمو الناس الداريجا والصبليونية.
لكتوبا ديالو على لعربية وداريجا مكتوبين بصبليونية، وهوما :
- Rudimentos del Árabe Vulgar que se habla en el Imperio de Marruecos (1872)
- Crestomatía Árabe (1881)
- Vocabulario español-arábico del dialecto de Marruecos (1893)
- ^ Sebti، Adnan (14 نونبر 2017). "Le père Lerchundi : Théoricien de la darija" (ب لفرانساوية). زمان. مأرشيڤي من لأصل ف 2022-08-12. تطّالع عليه ب تاريخ 2022-03-09.
- ^ "José Lerchundi (1836-1896)". www.findagrave.com (ب نڭليزية). مأرشيڤي من لأصل ف 2022-03-09. تطّالع عليه ب تاريخ 2022-03-09.
|
تقدر تزيد شوف بزاف د تّصاور و لمعلومات ديال José María Lerchundi ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |