انتقل إلى المحتوى

حيزب الله

من ويكيپيديا
حيزب الله
معلومات أساسية
نوع د لمؤسسةحزب سياسي و منظمة مسلحة
لبلادلوبنان
لموضعبيروت
لمؤسسمحمد حسين فضل الله، علي أكبر محتشمي و عماد مغنية
تاريخ د تّأسيس1982
سّيت رّسميmoqawama.org.lb
معلومات إضافية
أعضاء/ڭزواتالخدمات الاجتماعية لحزب الله، Preaching and Cultural Activity Unit، مجلس الجهاد و قوة حزب الله المسلحة
تسمّات علىحزب الله
أملاك


حيزب الله[1] هوّ حيزب سياسي إسلامي شيعي لبناني و جماعة مسلّحة شبه عسكارية.[2] الجناح الشبه عسكاري ديال حيزب الله كيتسمى "مجلس الجهاد"[3]، و الجناح السياسي ديالو هوّ "كتلة الوفاء للمقاومة" لي كاينة ف لبرلمان د لبنان. لقوة لعسكارية ديال حيزب الله تقدّرات ب لقوة ديال جيش متوسط لحجم ف جوايه 2016.[4]

تأسس حيزب الله ف 1982 من عند فقها لبنانيين كا ستيجابة ل لإجتياح لإسرائيلي د لبنان.[5] لحيزب ستلهم بزاف من التورة لإسلامية د 1979 ف إيران، و لموضيل ديال لحكم د آية الله روح الله خوميني، و عندو علاقات قوية معا النظام ف إيران. لمجموعة تدعمات ف اللول من عند 1500 مدرّيب من لحرس التوري لإسلامي لإيراني لي عاونو ف توحيد لفراقي الشيعية تحت اللواء ديال حيزب الله.[6] ف 1985، حيزب الله خرّج بيان رسمي لي وضّح فيه لأهداف الرئيسية ديالو، لي منّها تحياد التأتير لغربي من لمنطقة، تدمير إسرائيل، لولاء للمرشد لأعلى ديال إيران، و تأسيس حكومة إسلامية متأترة ب الإديولوجيا ديال النظام لإيراني. لبيان ف نفس لوقت شدّد على لإستقلالية ديال لبنان ف لقرار و السيادة. ف التمانينات و التسعينات، تقاتل حيزب الله ضد إسرائيل و جيش لبنان الجنوبي لمسيحي، و النتيجة د هادشي كانت إنسحاب إسرائيل من الجنوب د لبنان ف عام 2000.[7] لعب حيزب الله دور كبير ف حرب لبنان د 2006، و من بعد كان طاراف ف لحرب لأهلية ف سوريا من جيهت النظام ديال لأسد ضد لمعارضة السورية.[8]

ف 2009، جدّد حيزب الله لبيان ديالو باش يعارض الطائفية السياسية، يتقرّب من لحاراكات لي ماشي إسلامية، و يدعو ل حكومة ديال لوحدة لوطنية. من جيهت السياسة لبرّانية، ماتبدّلوش لمواقف ديال حيزب الله لي بقى كيعتابر السطراتيجيات ديال لميريكان و الدور ديال إسرائيل محاولات ديال إحتلال لمنطقة.[9][10]

من التسعينات د لقرن 20، ولّا حيزب الله قوة سياسية كبيرة ف لبنان. لمجموعة كاتسيّر ريزو كبير ديال لخدمات لإجتماعية، منها مدارس و سبيطارات، زيادة على لقناة لفضائية المنار. كتلة الوفاء للمقاومة لي تابعة ل حيزب الله عندها 15 كرسي ف لبرلمان اللبناني، شي لي كيخليه فاعل قوي ف السياسة د لبنان.[11] من مور التفرڭيعات د لمرسى د بيروت ف 2020، تتّاهم حيزب الله ب وضع عراقيل ل محاولات محاسبة لمسؤولين، شي لي زاد طيّح الشعبية ديالهم. ف الصونداج ديال لباروميطر لعربي، 55% د اللبنانيين ڭالو بلي "ماعندهم تا شي تقة ف حيزب الله". وخا داكشي كاتبقى عندو شعبية كبيرة عند اللبنانيين الشيعيين.[12]

وخا كانو دعوات من قرارات ديال مجلس لأمن ديال لأمم المتحدة باش يتحيّد السلاح ل حيزب الله، هاد اللخر زاد وسّع لقدرات لعسكارية ديالو. الجناح لعسكاري ديال حيزب الله دابا راه قوى من الجيش اللبناني، شي لي كيخليه واحد من أقوى لفاعلين ف لعالم من غير الدول.[13] ف 2021، حسن نصر الله، الزعيم ديال حيزب الله ف داك لوقت، ڭال بلي عندهم 100.000 عسكري.[14] حيزب الله يقدر يكون متورط ف عدد ديال لهجمات لكبيرة، منها شكوك بلي شارك ف لهجمة على السفارة د لميريكان ف بيروت ف 1983 و لهجمات على لقشلات لعسكارية ديال لميريكان و فرانسا ف بيروت ف نفس لعام. زيادة على لإغتيال ديال رفيق لحريري ف 2005، و عمليات خرين ديال التفرڭيع و لإختطاف.[15][16] وخا كاينين أكاديميين كيعتابرو حيزب الله حاراكة د لمقاومة،[17][18][19] كاينين كتر من 20 دولة كيعتابرو الجناح لعسكاري ديالو، ولّا ڭاع لحيزب كامل، جماعة إرهابية.[20][21]

مصادر

[بدل | بدل لكود]
  1. ↑
    • "Hezbollah". The Collins English Dictionary. Glasgow: HarperCollins. 2013. Retrieved 7 ماي 2013.
    • "Hezbollah". Webster's New World College Dictionary. Cleveland: Wiley Publishing, Inc. 2012. Retrieved 7 ماي 2013.
  2. ↑ "Hezbollah - Meaning, History, & Ideology - Britannica". Encyclopædia Britannica. 2023-12-15. Retrieved 2023-12-17.
  3. ↑ Levitt, Matthew (2013). Hezbollah: The Global Footprint of Lebanon's Party of God. Hurst Publishers. p. 15. ISBN 978-1-84904-333-5. ... the Jihad Council coordinates 'resistance activity'.
  4. ↑ "Hezbollah: Not a terror group but a midsized army". Haaretz. August 2016. Archived from the original on April 8, 2022.
  5. ↑ "Who Are Hezbollah?". BBC News. 21 ماي 2008. Retrieved 15 غشت 2008.
  6. ↑ Adam Shatz (29 أبريل 2004). "In Search of Hezbollah". The New York Review of Books. 51 (7). Archived from the original on 22 غشت 2006.
  7. ↑ Lopez, German (2024-09-24). "Israel's Strikes on Lebanon". The New York Times.
  8. ↑ Barnard, Anne (3 يناير 2014). "Mystery in Hezbollah Operatives Life and Death". The New York Times.
  9. ↑ Berti, Benedetta.
  10. ↑ Ladki, Nadim (November 30, 2009). "Hezbollah cuts Islamist rhetoric in new manifesto". Reuters. Reuters.
  11. ↑ Deeb, Lara (31 يوليوز 2006). "Hizballah: A Primer". Archived from the original on 19 أكتوبر 2011.
  12. ↑ Stroul, Dana (2024-09-23). "Israel and Hezbollah Are Escalating Toward Catastrophe". Foreign Affairs. Retrieved 2024-09-29.
  13. ↑ Barnard, Anne (20 ماي 2013). "Hezbollah's Role in Syria War Shakes the Lebanese". The New York Times. Retrieved 20 يونيو 2013.
  14. ↑ El Deeb, Sarah (18 أكتوبر 2021). "Hezbollah leader declares his group has 100,000 fighters". Associated Press News. Retrieved 21 أكتوبر 2021.
  15. ↑ "Lebanon: UN-backed tribunal sentences Hezbollah militant in Hariri assassination - UN News". news.un.org (ب الإنجليزية). 2020-12-11. Archived from the original on 2020-12-16. Retrieved 2024-12-10.
  16. ↑ "Rafik Hariri killing: Hezbollah duo convicted of 2005 bombing on appeal" (ب British English). 2022-03-10. Retrieved 2024-12-10.
  17. ↑ Farida 2019, p. 1-2.
  18. ↑ Daher 2019, p. 8.
  19. ↑ Al-Aloosy 2020, p. 43, 74.
  20. ↑ Kanter, James; Rudoren, Jodi (22 يوليوز 2013). "European Union Adds Military Wing of Hezbollah to List of Terrorist Organizations". The New York Times. Retrieved 4 شتنبر 2013.
  21. ↑ Roche, MaryClare; Robbins, Michael (2024-07-12). "What the Lebanese People Really Think of Hezbollah". Foreign Affairs (ب American English). ISSN 0015-7120. Retrieved 2024-09-28.
مرجّعة من "https://ary.wikipedia.org/w/index.php?title=حيزب_الله&oldid=464218"