حسن نصر الله
حسن نصر الله
| ||
.jpg) | ||
| معلومات عامة | ||
| زيادة | 31 غشت 1960 برج حمود (لوبنان) | |
| لموت | 27 شتنبر 2024 (64 عام) حارة حريك (لوبنان) | |
| طريقة دلموت | الاغتيالات الصهيونية الإسرائيلية | |
| سباب لموت | ضربة جوية و اختناق | |
| لجنسية | لوبنان | |
| لحرفة | عالم دين، قايد عسكري، سياسي و آمر عسكري | |
| لّوغات لي كيعرف | عربية و فارسية | |
| لفاميلة | ||
| شريك | فاطمة ياسين (1978–2024), لموت | |
| لولاد | هادي نصر الله زينب نصر الله | |
| لمحيط | هاشم صفي الدين (ابن خالة) وفيق صفا (نسيب) | |
| معلومات خرى | ||
| دين | الشيعا | |
| لحيزب | حيزب الله (1982–2024) حركة أمل (1978–1982) | |
| تأتر ب | روح الله الخميني، محمد باقر الصدر و عباس الموسوي | |
| لعسكر | ||
| لحروب | الصراع في جنوب لبنان (1985–2000)، حرب لبنان 2006، لحرب ف سوريا، تداعيات الحرب الأهلية السورية في لبنان، صراع حزب الله وإسرائيل (2023–الآن) و صراع مزارع شبعا 2000–2006 | |
 | ||
    | ||
حسن نصر الله (مزيود ف 28 نونبر 1959، توفى ف 27 شتنبر 2024) كان فقيه شيعي و سياسي لبناني، لي كان تالت واحد شد لمنصب ديال لأمين لعام ديال حيزب الله، من 1992 تال لإغتيال ديالو ف 2024.
تزاد حسن نصر الله ف الضواحي ديال بيروت ف فاميلة شيعية، و كمّل قرايتو ف مدينة صور. تماك نضمّ واحد لمدة ل حاراكة أمال (ب لعربية: حركة أمل)، و من بعد قرا ف واحد لمدراسة شيعية ف مدينة بعلبك. قرا و قرّا موراها ف مدراسة تابعة ل نفس لحاراكة. نضمّ نصر الله ل حيزب الله فاش تكوّن لمرة اللولة باش يقاوم إسرائيل ف لغزو ديالها ل لبنان ف 1982. مشى واحد لمدة يدير دراسات دينية ف إيران، و فاش رجع ولّا لأمين لعام ديال حيزب الله، بعدما تغتال لي كان سابقو عباس لموساوي ف غارة جوية إسرائيلية ف 1992.[1][2]
تحت لقيادة ديال نصر الله، حصل حيزب الله على صوارخ بعيدة لمدى، لي جعلاتو قادر يضرب شمال إسرائيل. بعدما تكبّدات إسرائيل خسائر كبيرة ف لأرواح بعد 18 عام ديال لإحتلال، ضطرات تتراجع من جنوب لبنان ف عام 2000، شي لي طلّع الشعبية ديال حسن نصر الله ف منطقة الشرق لأوسط، و لمكانة ديالو ف لبنان.[3] حيزب الله صقل الصورة لإعلامية ديال نصر الله كا قايد عندو كاريزم كبير، ولايني هاد الصورة ضعافت معا لوقت.[4]
ف لحرب لأهلية السورية، حيزب الله حارب معا النظام السوري ضد لمعارضة لي نصر الله عتابرهم "إسلاميين متطرفين". نصر الله دعم "محور لمقاومة"، لي هو تحالف ماشي رسمي ديال الجماعات لي كاتدعمها إيران ضد إسرائيل و لميريكان.[5] من مور لمطايفة د غزة و إسرائيل د أكتوبر 2023، حيزب الله دخل ف حرب معا إسرائيل.[6] ف 27 شتنبر 2024، دارت إسرائيل غارة جوية على لمقر ديال حيزب الله لي تّقتل فيها حسن نصر الله.[7]
- ↑ "Profile: Sayed Hassan Nasrallah". Al Jazeera. 17 يوليوز 2000. مأرشيڤي من لأصل ف 13 شتنبر 2020. تطّالع عليه ب تاريخ 22 أبريل 2013.
- ↑ "Hezbollah". Council on Foreign Relations. مأرشيڤي من لأصل ف 28 مارس 2016. تطّالع عليه ب تاريخ 19 مارس 2018.
- ↑ "What is Hezbollah and why is Israel attacking Lebanon?". BBC News (ب نڭليزية). 3 نونبر 2023. تطّالع عليه ب تاريخ 28 شتنبر 2024.
- ↑ Matar، Dina (2015). "Hassan Nasrallah: The Cultivation of Image and Language in the Making of a Charismatic Leader". Communication, Culture & Critique (ب نڭليزية). 8 (3): 433–447. doi:10.1111/cccr.12089.
- ↑ "Hassan Nasrallah's death will reshape Lebanon and the Middle East". The Economist. ISSN 0013-0613. تطّالع عليه ب تاريخ 28 شتنبر 2024.
- ↑ Goldenberg، Tia؛ Shurafa، Wafaa (8 أكتوبر 2023). "Hezbollah and Israel exchange fire as Israeli soldiers battle Hamas on second day of surprise attack". Associated Press News (ب نڭليزية). مأرشيڤي من لأصل ف 8 أكتوبر 2023. تطّالع عليه ب تاريخ 25 غشت 2024.
- ↑ "Israel says it struck Hezbollah's headquarters in huge explosion that shakes Lebanese capital". AP News (ب نڭليزية). 27 شتنبر 2024. تطّالع عليه ب تاريخ 27 شتنبر 2024.