حمد عصمان

حمد عصمان
معلومات عامة
زيادة	3 يناير 1930 (96 عام) وجدة
لجنسية	لمغريب
لحرفة	سياسي و ديپلوماسي
لّوغات لي كيعرف	عربية و لفرانساوية
لفاميلة
شريك	لالة نزهة (1964–1977)
لمحيط	محمد الخامس بن يوسف (بات لمرا) لحسن التاني (خو لمرا) أنس الصفريوي (والد زوجة الابن)
معلومات خرى
لحيزب	تجمع لوطني د لأحرار
لجوايز	(30 يوليوز 2016)  وسام العرش من درجة الحمالة الكبرى  وسام الصليب الأعظم من الفئة الأولى للخدمات الجليلة لجمهورية ألمانيا الاتحادية  صليب الفارس الأعظم لنيشان الإمبراطورية البريطانية

حمد عصمان، تولد ف 3 يناير 1930 ف وجدة، هو سياسي مغريبي.

هو ينحدر من عائلة جزائرية الأصل، حيث جا والده إلى مدينة وجدة سنة 1907 وكان فداك الوقت جندي فالجيش الفرنسي، وهي نفس الفترة اللي بدات فيها مرحلة احتلال المغرب من طرف فرنسا.

حياتو

الدراسة

أحمد عصمان تولد ف 3 يناير 1930 ف وجدة فين تبع قرايتو لبتيدائية ؤتانوية لي كملها ف لمدرسة لمولوية فرباط فين قرا معا لأمير لحاسان (لي غادي يولو من بعد لحاسان تاني). ملي تخرج، مشا لكلية لحقوق د رباط لي خدا فيها ليسونس ؤموراها كمل فكلية لحقوق د بوردو ففرانصا وخدا دپلوم دراسات لمعمقة ف لقانون لخاص ؤلعام.

المهن ديالو

مور ستيقلال د لمغريب، دخل يخدم ف ديوان لملكي ديال محمد لخاميس لي عطاه يتكلف بشؤون لقانونية. فـ1957، مشا لوزارة شؤون لخارجية فين ولا رئيس مديرية شؤون لؤروپية ؤلأمريكية، فإطار هاد لخدمة عصمان حضر لبزاف ديال لمؤتمرات ؤلمفاوضات خصوصا معا فرانصا ؤصبانيا، وحتا واحد لمؤتمر على لقانون لبحري.

بين 1967 ؤ1970 كان سفير لمغريب فواشنطن، ؤ فـ2 أكتوبر 1970 تعين وزير شؤون لإدارية. فـ6 غشت 1971، ولا مدير ديوان لملكي لي بقا فيه حتا تعين وزير لأول فـ20 نونبر 1972.

العائلة

عصمان تزوج ف 19 يوليوز 1964 بخت لحاسان تاني لأميرة للا نزهة لي ماتت بكسيدة حدا تطوان ف 2 شتنبر 1977 ؛ ؤكان عندهوم ولد سميتو نوفل عصمان ؤمات بسباب لمرض ف أبريل 1992.

الوظائف لي قام بها الصديق معنينو

لمسار السياسي الطويل ديال أحمد عصمان، اللي كان من الشخصيات البارزة فالتاريخ السياسي الحديث ديال المغرب:

• 1956: تعيّن عضو فـ الديوان الملكي ومكلف بالشؤون الخارجية، مباشرة من بعد رجوع الملك محمد الخامس من المنفى.
• 1957: التحق بـ وزارة الخارجية.
• 1959: ولى وكيل وزارة الدفاع.
• 1961: تعيّن سفير للمغرب فـ ألمانيا الغربية.
• 1967: ولى سفير المغرب فالولايات المتحدة الأميركية.
• 1970: تولّى وزارة الشؤون الإدارية فـ وزارة القصر.
• من 2 نونبر 1972 حتى 22 مارس 1979: كان رئيس الحكومة المغربية، وهاد المدة (6 سنين و4 شهور) هي أطول فترة قضاها رئيس حكومة مغربي فهاد المنصب.
• أكتوبر 1978: ولى رئيس المكتب التنفيذي ديال حزب التجمع الوطني للأحرار.
• 1983: تعيّن وزير دولة فـ حكومة محمد كريم العمراني، بصفته زعيم حزب الأغلبية البرلمانية.

المسار السياسي ديالو

حمد عصمان بدا المسار السياسي ديالو من بوابة حزب الاستقلال، وكان فهاد الفترة تعرف على بزاف ديال رموز الحركة الوطنية، قبل ما يبدّل الوجهة السياسية ديالو.

فـ أكتوبر 1978، أسس حزب التجمع الوطني للأحرار، وهو حزب ليبرالي من يمين الوسط، كيميل للقصر وكيعتمد على الطبقة البرجوازية، بحيث كان أغلب أعضاء المكتب السياسي ديالو من رجال الأعمال.

فوقت التأسيس، الحزب جمع مجموعة من النواب اللي تفرزوا من انتخابات 1976 و1977، وكانوا كيكونو أغلبية البرلمان فداك الوقت بعدد وصل لـ 141 نائب.

عصمان عاش مع الملك الحسن الثاني لحظات صعيبة، بحال المحاولة الانقلابية ديال الصخيرات سنة 1971، وكان حتى فالطائرة اللي حاول الجنرال أوفقير يطيحها فـ أغسطس 1972 فمحاولة انقلابية أخرى فاشلة.

كان عندو دور كبير فالإعداد للمسيرة الخضراء، اللي انطلقت 6 نونبر 1975، وترأس الوفد المغربي فالمفاوضات مع الإسبان بخصوص قضية الصحراء.

وفـ أكتوبر 1978 تعيّن رئيس المكتب التنفيذي ديال حزب التجمع الوطني للأحرار، ولكن الحزب عرف انشقاق داخلي، خرج منّو محمد أرسلان اللي أسس الحزب الوطني الديمقراطي فـ يوليوز 1981.

بقى أحمد عصمان زعيم الحزب حتى لعام 2007، ومن بعد 29 عام ديال القيادة السياسية، ما ترشّحش لولاية جديدة، وخلفو فالرئاسة مصطفى المنصوري.

مصادر

ويكيميديا كومنز عندا تصاور و معلومات على حمد عصمان.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.