جول ڤيرن
جول ڭابرييل ڤيرن[1][2] (مزيود ف 8 فبراير 1828، توفى ف 24 مارس 1905)[3] كاتب روائي فرانساوي د التعاويد لعيلمي، شاعر و كاتب د لمسرحيات. ب التعاون معا الناشر پيير جول هيتزيل، قدر ينشر سيرية د الروايات لمعروفة ب تسافيرات واعرة Voyages extraordinaires، لي هيّ تسافيرة ل لمركز د لأرض (1864)، 20 ألف فرسخ تحت لبحورا (1870)، و حول لعالم ف 80 يوم (1872). الروايات ديالو مبازيين على تبقشيش عميق، و كيطراو ف النص التاني ديال لقرن 19 بحيت كياخدو ف عين لعتيبار التطورات الطيكنولوجية ديال داك الزمان.
زيادة على الروايات ديالو، كتب ڤيرن عدد ديال لمسراحيات، قيصاص قصار، تعاويدات بيوڭرافية داتية، أشعار، أغاني، و دراسات ف الصيونص، لفن و لأداب. لأعمال ديالو تحوّلو ل أفلام و سيريات د التلفازة تقريباً من نهار بدات السينيما، زيادة على تحويلها ل قيصاص د لكوميكس، مسراحيات، ؤپيرا، مزيكة و لوعاب د التيليجو.
كيتّعتابر ڤيرن من بين أهم لكتّاب ف فرانسا، و بزاف د لمناطق د ؤروپا، لي كان عندو فيها تأتير كبير على التيارات لأدابية ديال الطليعية avant-garde و السريالية surrealism.[4] ف لعالم لأنڭلوفوني، ڤيرن كانت عندو شعبية مختالفة كا كاتب ديال قيصاص الدراري الصغار، بسباب الطرجامات لمختاصرة و لمبدّلة د لكتوبا ديالو. من التمانينات د لقرن 20 السمعة لأدابية ديالو عند لأنڭلوفونيين تحسّنات.[5]
جول ڤيرن تاني أكتر كاتب ف لعالم لي تطرجمو لأعمال ديالو من عام 1979، مور أڭاطا كريستي، و فايت ويليام شيكسپير.[6] كيتسمّى شي مرات "لبّات ديال التعاويد لعيلمي"، لي هوّ لقب كيتّعطى تا ل هيربيت جورج ويلز و هيوڭو ڭيرنزباك.[4] ف عوام 2010 كان أكتر كاتب فرانساوي تطرجم ليه ف لعالم. ف فرانسا، تّعتابر عام 2005، "عام جول ڤيرن" حيت كانت دازت 100 عام على لوفاة ديالو.
- ↑ Longman Pronunciation Dictionary.
- ↑ "Definition of Verne | Dictionary.com". www.dictionary.com (ب الإنجليزية). Retrieved 29 دجنبر 2022.
- ↑ Evans, Arthur B. (23 أبريل 2020). "Jules Verne: French author". In Encyclopædia Britannica, Inc. (ed.). Encyclopædia Britannica (online ed.). Archived from the original on 20 شتنبر 2020. Retrieved 22 شتنبر 2020.
- 1 2 Angenot 1973, p. 34.
- ↑ Evans 2000, p. 33.
- ↑ UNESCO 2013.
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
