جمهورية أرتساخ
جمهورية أرتساخ
| ||||
|
Արցախի Հանրապետություն (hy)
| ||||
| نشيد | Azat u ankakh Artsakh
[[فيشي:|100px]] | |||
| لعاصيمة | خانكندي | |||
| الساكينة | ||||
| شحال دالسكان | 146,600 (2012) | |||
| اللوغات الرسمية | لأرمينية روسية | |||
| لجغرافيا | ||||
| لميساحة | 3.17 كم² | |||
| تاريخ | ||||
| توارخ مهمة | حرب مرتفعات قره باغ الأولى حرب مرتفعات قره باغ الثانية مناوشات ناڭورنو كاراباخ 2023 | |||
| لإدارة | ||||
| نضام الدولة | جمهورية | |||
| رئيس جمهورية مرتفعات قرة باغ | Samvel Shahramanyan | |||
| رئيس جمهورية مرتفعات قرة باغ | باكو ساكيان | |||
| لبرلمان | الجمعية الوطنية في جمهورية أرتساخ | |||
| لقتيصاد | ||||
| لفلوس | درام كراباخي | |||
| معلومات خرة | ||||
| توقيت ديال لبلاد | ڭرينيتش +4 | |||
| رمز التيليفون | +37447 | |||
| نماري د ليرجونس | 112 | |||
أرتساخ، رسمياً جمهورية أرتساخ ؤلا جمهورية ناڭورنو كاراباخ هيّ دولة ب عتيراف محدود ف جنوب لقوقاز لي التيريطوار ديالها جميع لبلدان د لعالم كيعتابروه طرف من أزيربيدجان. مابين 1991 و 2023، سيطرات أرتساخ على طراف من ناڭورنو كاراباخ (ؤلا قره باڭ) بما فيها لعاصيمة سطيپاناكيرت. من حرب ناڭورنو كاراباخ التانية ف 2020 تال لهجمة د لقوات لأزيربيدجانية ف 2023، كانت لمنطقة محصورة وسط أزيربيدجان. الطريق لوحيدة لي كاتربطها معا أرمينيا كانت مڭارضية من عند لقوات د حفض السلام الروسية.[1]
كانت بدات لمطالبة ب هاد لمنطقة لي أغلبية سكانها أرمينيين ديجا من 1918، من عند الجمهورية الديموقراطية د أزيربيدجان (لي كانت مابين 1918 و 1920) و الجمهورية اللولة د أرمينيا (1918 تال 1920) بعدما طاحت لإمبراطورية الروسية. لحرب اللولة عليها ناضت ف 1920. لقضية هدات بعدما تأسس لإتحاد السوڤياتي لي حوّل لمنطقة ل ؤبلاصط (إقليم) ف 1923. السلطات السوڤياتية لأزيربيدجانية كانت كاتقمع لأرامن و كاتحاول تجري عليهوم من لمنطقة و كاتشجع لأزيريين باش يسكنو تماك. وخا داكشي لأرامن بقاو لأغلبية.[2]
ف اللخر د التمانينات فاش قربات الطيحة د لإتحاد السوڤياتي، رجعات لمنطقة مرة خرة سباب ديال النزاع بين أزيربيدجان و أرمينيا. ف 1991، تدار إستفتاء لي نتج عليه موافقة شعبية على لإستقلال ديال ناڭورنو كاراباخ و إقليم شاهوميان لي حداه. ف 1992 ناضت حرب ناڭورنو كاراباخ اللولة، لي ربحاتها جمهورية أرتساخ ب دعم من أرمينيا.[1] ف 1994 تّسنات معاهدة ديال حبيس لقرطاس، و لوضعية بقات مجمدة، ب سيطرة جمهورية أرتساخ على لمنطقة بحكم لواقع.[3][4] من بزاف د النواحي، أرتساخ كانت بحال جهة تابعة ل أرمينيا، و هاد اللخرة ماعمّرها عتارفات ب لإستقلال ديالها كا دولة بشكل رسمي، ولاكين دعماتها ب لفلوس و لعسكر.[5][6] ف 2017 تدار إستفتاء لي بدّل السيستيم د لبلاد من نص رياسي ل ديموقراطية رياسية، ب برلمان ب شومبرة وحدة، و تبدلات السمية ديالها من جمهورية ناڭورنو كاراباخ ل جمهورية أرتساخ، وخا السميات بجوج بقاو رسميين.
مابين 1994 و 2020، لقوات لعسكارية د أزيربيدجان و أرمينيا بقاو مفارقين ب واحد لخط د لكونطاكط،[7] لي مرة مرة كانو كيوقعو فيه مطايفات قتّالة.[8] ف 2020 ناضت حرب ناڭورنو كاراباخ التانية، لي عرفات إنتصار ديال أزيربيدجان و قدرات ترد أغلبية د لأراضي لي كانت تحت السيطرة د جمهورية أرتساخ. ف 19 شتنبر 2023 دارت هجمة جديدة، لي أدّات ل تحياد السلاح ديال لارمي د أرتساخ و هروب طرف كبير من السكان لأرامن ديال لمنطقة لي مشاو لاجئين ل أرمينيا.[9] ف 28 شتنبر، الرايس د جمهورية أرتساخ صامويل شاهرامانيان سنى مرسوم كيحلّ جميع لمؤسسات لحوكومية ديالها ب حلول 1 يناير 2024.[10] ف 22 دجنبر 2023، شاهرامانيان ڭال من لمنفى ديالو ف أرمينيا بلي لمرسوم ملغي و بلي ماكاين تا شي وتيقة كاتنص على حلّ لمؤسسات د لحوكومة د أرتساخ.[11]
- 1 2 Wilson, Audrey (4 غشت 2022). "Violence Flares in Nagorno-Karabakh". Foreign Policy. Washington, D.C.: Graham Holdings Company. ISSN 0015-7228. Archived from the original on 9 غشت 2022. Retrieved 14 غشت 2022.
- ↑ Parts of a Circle I: The Road to War (Documentary) (ب English). Media Initiatives Center, Internews Azerbaijan, and the Humanitarian Research Public Union. May 2020.
{{cite AV media}}: CS1 maint: unrecognized language (link) - ↑ "Nagorno-Karabakh Conflict". Council on Foreign Relations. Archived from the original on 29 شتنبر 2023. Retrieved 2023-09-29.
- ↑ Hughes, James (2002). Ethnicity and Territory in the Former Soviet Union: Regions in Conflict. London: Cass. p. 211. ISBN 978-0-7146-8210-5.
Indeed, Nagorno-Karabakh is de facto part of Armenia.
- ↑ "Nagorno-Karabakh profile". BBC News. 2023-09-07. Archived from the original on 30 نونبر 2020. Retrieved 2023-09-29.
- ↑ Andrew Higgins; Ivan Nechepurenko (2023-09-27). "A Stunningly Sudden End to a Long, Bloody Conflict in the Caucasus". The New York Times. Archived from the original on 29 شتنبر 2023. Retrieved 2023-09-29.
- ↑ "How the Nagorno-Karabakh conflict has been shaped by past empires". National Geographic. 2023-09-25. Archived from the original on 29 شتنبر 2023. Retrieved 2023-09-29.
- ↑ "The Nagorno-Karabakh Conflict: A Visual Explainer". International Crisis Group. Archived from the original on 29 يونيو 2020. Retrieved 2023-09-29.
- ↑ "Nagorno-Karabakh almost empty as most of population flees to Armenia". Radio France Internationale. September 30, 2023. Archived from the original on 2 أكتوبر 2023. Retrieved September 30, 2023.
- ↑ "Nagorno-Karabakh Republic will cease to exist from Jan 1 2024 - Nagorno-Karabakh authorities". Reuters. 2023-09-28. Archived from the original on 28 شتنبر 2023. Retrieved 2023-09-28.
- ↑ "Nagorno-Karabakh dissolution not valid, says Armenian separatist leader". France 24 (ب الإنجليزية). 22 دجنبر 2023. Retrieved 2023-12-28.