تيرينتيوس لإفريقي

من ويكيپيديا
تيرينتيوس لإفريقي
معلومات عامة
زيادة 190 قبل لميلاد ↔ 185 قبل لميلاد
قرطاج
لموت 159 قبل لميلاد (25/26 عام)
Lake Stymphalia
سباب لموت غرق
لجنسية روما القديمة
لحرفة كاتب كوميدي، شاعير، كاتب و كاتيب مسراحي
لّوغات لي كيعرف اللاتينية و لإغريقية
معلومات خرى
لأعمال
ستيل كوميديا
Musicbrainz: 25bd4e45-135c-44d1-a633-d5b99978fdec Discogs: 2278163 Find a Grave: 87163099 Modifica els identificadors a Wikidata



تيرينتيوس لإفريقي (مزيود ف 195 ؤلا 185 ق.م. ف قرطاج - مات ف 159 ؤلا 158 ق.م. ف ليونان)، ب لّاتينية Publius Terentius Afer، هوّا شاعر ؤ كاتب مسرحي أمازيغي[1] كان كيكتب ب لّاتينية، ؤ كيتعتابر من بين أعضم جوج كُتّاب ف لأدب لّاتيني لقديم (لكاتب لاخور هوّا تيتوس پلاوتوس).

حياتو[بدل | بدل لكود]

مامعروفش بزاف علا لحياة ديالو، ؤ حتا سميتو لحقيقية مادكروهاش لمؤرخين. سّمية پوبليوس تيرينتيوس تسمات عليه حيت كان تباع ك عبد ؤ شراه سيناتور روماني سميتو پوبليوس تيرينتيوس لوكانوس. هاد لأخير فاش شاف لقدرات لإبداعية ديالو حررو، ؤ عطاه صلاحيات باش يتلاقا معا شخصيات مهمة ف روما، بحال لجنرال ݣايوس لايليوس، ؤ لجنرال سكيپيو لإفريقي لأصغر. لكتابات لمسرحية ديالو أترات بشكل كبير علا لأدب ف ؤروپا ف عصر نّهضة، خصوصا ف فرانسا ؤ نّݣليز.[2][3]

أعمال أدبية[بدل | بدل لكود]

تيرينتيوس ستلهم من لأدب ليوناني باش يوصف لحياة ليومية ديال نّاس د روما بشكل ساخر. من بين لأعمال ديالو يالله 6 لّي بقاو حتال دابا، هوما[2]

  • لْبنت لّي من أندروس (لعنوان لأصلي Andria)
  • لْعݣوزة (لعنوان لأصلي Hecyra)
  • لْمعدّب راسو (لعنوان لأصلي Heauton Timorumenos)
  • لْمخصي (لعنوان لأصلي Eunuchus)
  • فورميو (لعنوان لأصلي Phormio)
  • جوج خوت (لعنوان لأصلي Adelphoe)

من لمقولات لمشهورة ديالو:

«أنا إنسان، داكشي علاش أي حاجة متعلقة ب لإنسانية ماغريباش عليا » – لْمعدّب راسو، جزء 1، مشهد 1، سطر 25

عيون لكلام[بدل | بدل لكود]

  1. ^ Susan Raven. Rome in Africa (ب نݣليزية). ص. 122.CS1 maint: unrecognized language (link)
  2. ^ a b "Lernhelfer, Publius Terentius Afer" (ب لألمانية). مأرشيڤي من لأصل ف 2023-01-29. تطّالع عليه ب تاريخ 2020-10-21.CS1 maint: unrecognized language (link)
  3. ^ "لمديرية لإقليمية ديال لآتار ف مدينة ماينتس" (ب لألمانية). مأرشيڤي من لأصل ف 2023-01-31. تطّالع عليه ب تاريخ 2020-10-21.CS1 maint: unrecognized language (link)
Wikimedia Commons تقدر تزيد شوف بزاف د تّصاور و لمعلومات ديال Publius Terentius Afer ف ويكيميديا كومنز.