تعاويد عيلمي

غزو ديال كائنات فضائية من رواية هيربيرت جورج ويلز، "لحرب د لعوالم"

لخيالْ لعيلْمي ولا التعاويد لعيلمي هو نوع فنّي من تعاويد تّأمّولي لي كيعالج كونصيپط خايالي و موستقبالي، بحال لعولوم المتْطوْرة، طيكنولوجيا، ستيكشاف لفاضاء، لعوبور ف لوَقت، لعْوالم لموازيّة. هاد تعاويد كيعالج ب لأساس تّأتير لفيعلي ولا لخايالي د لعولوم ف لموجتاماعات و لأفراد. التعاويد لعيلمي عندو عَلاقة معا لفنطازيا، لخلعة، و تعاويد لأبطال لخاريقين و كيحتوي على بزاف د لأنواع لفرعيّة. تّعريف دّقيق ديالو كان محط لنّيقاش ما بين لأودابا، نّوقّاد، و لقورّاء.

أصل لكلمة

موصطالاح تعاويد عيلمي هو طرجامة حرفية لكلمة (science fiction ) ب نݣليزية لي تشهر يلا ما قولناش تصاوب فالعشرينات د لقرن 20 من عند واحد من لمؤسيسين ديال هاد نّوع لأدبي، لكاتيب لميريكاني هوݣو ݣرنزباك، لّي من سميتو تخادت جوائيز هوݣو لريوايات التعاويد لعيلمي.

أنواع فرعية د التعاويد لعيلمي

• تعاويد عيلمي حرش : هاد النوع من التعاويد لعيلمي كايركز على الديقة لعيلمية و لمنطيق، فين الطيكنولجيا و الصيونص هوما السطار د لقصة، أغلب لقيصاص ف هاد نوع كايكون عندهوم كونصيپط تقيل.

إكزومپل :

• پلانيطيس (مانݣا و آنيمي) : 2003 (آنيمي)
• إنطيرسطيلار (فيلم) : 2014

• تعاويد عيلمي رطب : لعكس ديال التعاويد لعيلمي لحرش من ݣاع الناواحي، لأولوية كاتكون لشخصية و لعاواطيف ديالها. هاد النوع مكيركزش على لكيفية د صنيع لحاجة و ماكايدخلش ف التافاصيل لعيلمية، عوض هادشي كايركز على لماهية د لحاجة و لعواقيب.

إكزومپل

• ضالݣرين (ريواية) : 1975

• تعاويد عيلمي عسكاري : هاد النوع الفرعي كايتبع لقصة د شي كاراكطير لي ديجا ف لعسكر، ولا لحيبكة و لموضوع كايكون على لحرب ولا لعسكر، كايخدم لخصايل د التعاويد لعيلمي باش يعاود قصاص د لعسكر. شي أعمال ف هاد النوع كاتركز على الروجولة و لبوطولة ديال لعسكر، و شي أعمال كاتركز على لموصيبات و لكواريت د لعسكر، و لعواقيب د لحرب.

إكزومپل

• معراكة دوركينݣ (ريواية) : 1871
• لكوستيم لمتنقل ݣانضام (أنيمي) : 1979

• تعاويد لقيامة و مور لقيامة : هو نوع فرعي ديال التعاويد لعيلمي يقدر يحتاوي عل أنواع فرعية اخرى، فين لأرض ( ولا كوكب آخر) كايتدمر ولا تدمر ضيجا. لآپوكاليپس يقدر يكون موناخي، بحال لحتيباس لحراري، يقدر يكون فالاكي، بحال شي هوبوط نيزك، تدميري، بحال شي حرب ناواوية، طيبي، بحال شي پونديميك.

إكزومبل

• لكتاب د إيلي (فيلم) : 2010
• قبطة نجم الشامال (مانݣا و أنيمي) : 1984 (أنيمي)

• أوپيرا لفاضاء : هو نوع فين لفاضاء كايكون موضوع أساسي ولا جوزء ف قصة ملحمية عبر لكواكب، فيه قاعيدة واسعة د الشخصيات و لقيصاص لفرعية، هاد النوع ديما كايولي فرونشيز.

إكزومپل

• سطار وورز (فرونشيز) : 1977
• بيرزركر (سيري د لقيصاص لقصيرة) : 1967

• صايبرپانك : هو نوع فرعي د التعاويد لعيلمي لي كايكون ضاير ف بيئة ديسطوپية كايميل باش يركز على "تخليطة بين الطبقة لمنبودة د الناس معا الطيكنولوجيا لعالية"، هاد التعاويد كايبين تاناقود ما بين لنحيطاط د لموجتاماع و الديسطوپيا معا الناجاحات الطيكنولوجيا و لعيلمية.

إكزومپل

• آكيرا (فيلم أنيمي) : 1988
• لماتريكس (فيلم) : 1999

• ويسطيرن د لفاضاء : هو نوع فني فرعي كيخلط مابين لعاناصير د لويسطيرن ( صيادة د لجوائيز، لبزناسة، لي ضد لقانون..) معا حكايات د التعاويد لعيلمي وسط بيئة ضايرة ف لفاضاء.

إكزومپل

• كاوبوي بيبوپ (أنيمي) : 1999

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.