تعاويد عيلمي حرش
خيال عيلمي حرش ولا تعاويد عيلمي حرش هو نوع فني فرعي د لخيال لعيلمي كايتميز ب لحتيرام ديالو لقوانين د الصيونص. أي حاجة كاتطرا ف لقصة د هاد النوع مكاتخرجش على قوانين د لفيزيك د لكون. ف هاد لقيصات، غالبا كايكون التركيز على الديقة لعيلمية.
تعريف د النوع[بدل | بدل لكود]
خيال عيلمي حرش هو خيال عيلمي كايدور على لعولوم الصعيبة، ولا ب طريقة اخرى لعولوم الطابيعية. بحال لبيولوجيا، لكيميا و لفيزيك. خيال عيلمي حرش يقدر يشمل طيمات بحال، لفيزيولوجيا د كائين فضائي ب ضيطاي، الطيكنولوجيا د النانو، شرح مفصل على شي موركابات و تفاعولات كيميائية، إيكسپوزيسيو على فيزيك د لكم ولا لقوة و لحركة و لعالاقة ديالهوم ب التسافير ف لفاضاء و زيد و زيد. عليها لغاراض من لخيال لعيلمي لحرش، هو صنيع عالم لي فيه لواقيعية لعيلمية. لكوتاب د هاد النوع كايكونو كايبغيو الصيونص، و كايبحتو ف الصيونص و كايكون عندهوم ديراية بيه، و يقدرو يسيرو لمعاودة د لقصة على حساب لبلاصة و لوقيتة فين كايعيشو فيها، متلا لأعمال د هاد النوع ف عوام 1960 كاتبان مبدلة بزاف على لأعمال ديال عوام 2010.
خصايل د هاد النوع[بدل | بدل لكود]
خيال عيلمي حرش ماكايركزش غير على لواقيعية لعيلمية و صافي، كايركز عاوتاني على خصايل اخرى لي كاتكون ب شكل نوعي ف هاد النوع.
- لحسان ب الدهشة. منين كانقراو كتوبة من هاد النوع، بحال يلا كانشوفو شي حاجة كاتجيب للنديهاش لأول مرة. مكانكونوش عارفين كيف وقعات و علاش.
- تركيز على التفكير لمنطيقي. يلا عرفنا حقايق جديدة على لكون، خصنا نخدموهم باش نحلو لماشاكيل. هادشي كايعني بلي خصنا نفكرو ب طريقة منطيقية و موضوعية.
- تركيز على الطيكنولوجيا. الطيكنولوجيا كاتلعب دور كبير ف هاد النوع. أغلب لمشاهد كتاخد بلاصة فشي سفينة فضائية، روبو، ولا أورديناطورات.
- تركيز على الطبيعة د بنادم. لينسان كايلعب دور مركازي ف بزاف د لأعمال د لخيال لعيلمي لحرش. ف أغلب لمرات يا كايتصرف بشكل أناني يا كايتصرف بشكل فيه نكران الدات.
إكزومپلات من هاد النوع[بدل | بدل لكود]
قيصاص قصيرة
- طوم ݣولدوين : لمعادلات لباردة (1954)
- دجيفري آي لانديس : مشية ف الشمش (1991)
ريوايات
- آلدس هاكسلي : عالم جديد شجاع (1932)
- نانسي كريس : طلابة ف الصبليون (1993)
أفلام و براميج
- 2001: ؤديسيا د لفضاء (1968)
- ݣاتاكا (1997)
- إنطيرسطيلار (2014)
آنيمي و مانݣا
- ݣوست إن ذا شيل (1989 حتى لدابا)
- پلانيطيس (1999-2004)
لوعاب د لڤيديو
- ماراطون (1994)
- طيرا إنڤيكتا (2022)