تشيواوا (سلالة د لكلب)

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

مقالة ؤلا فقرة ناقصينها عيون لكلام.
لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

تشيواوا

لمناسلة
شحال كايولد ف دقّة	3.2
خصايصو
لكتلة	1.5 2.5
معلومات خرين
ستيعمالات	lap dog *companion dog

تشيواوا (ب لكتابة اللاتينية: Chihuahua)، (ب الصبليونية: تشيواوينيو) هي سلالة ميكسيكية ديال كلاب الزينة. تسمات على قبل لويلاية لميكسيكية تشيواوا، و كاتعتابر وحدة من أصغر السلالات د لكلاب. التشيواوا كاتربى ف لعادة كا حيوان د لوناسة، الرفقة، ولا د الشوو.

التاريخ د السلالة

ف كتابو، تاريخ ملون ديال التشيواوا، ويليام ميلر كتب، "حنا عارفين بلي شعب الطولطيك د لميكسيك ربى واحد لكلب صغير معروف ب سمية طيتشيتشي، لي كانت عندو كسدة دوهنية و ودنين كبار بحال د التشيواوا. منين لآزطيك خداو السلطة، لآليبّا د لموجتاماع ملكو هاد لكلاب الصغار. هاد لكلاب كانو كتر من غير حيوان د لوناسة. هاد لكلب كايتعتاقد بلي تجاوجو معا كلب التشولوتسكينتلي، السلالة لميكسيكية لي بلا زغب باش ينتجو التشيواوا لي كانعرفو ليوم". ملي شدو لآزطيك لحكيم ف لقرن ال 11 و سالاو لحكيم د الطولطيك، آمنو بلي، يلا منين شي واحد من لآليبة (النوبالا) د لآزطيك غايموت، كان ضاروري يدبحو تشيواوا و بعدها يدفنوه ولا يحرقوه معا لكسدة د بنادم. آمنو بلي الروح د تشيواوا لميت غاتخدم كا ݣيد ف لعالم د لاخرة ل الروح د النبيل لميت. ف عوام ال 1800، لجمهور ف ميريكان بدا كايهتم ب هاد السلالة، ف عام 1888، جايمس واتسن، كاتب و قاضي، شرا نتوة سميتها مانتسانيطا. أووين ويسطر، كاتب تا هو، آمپورطا واحد التشيواوا سميتو كارانسا، لي ولا لكلب لي نتج النسل لمشهور، ميرون و پيرّيطو. ب شكل مفاجئ، أغلب لآمپورطات ف هاد لوقت كان زغبهوم طويل، ماشي لمعروفين لي زغبهوم قصير. و شي وحدين آمنو بلي لي زغبهوم طويل خرجو من السلالة د لپوميرينيان و لپاپييو. هادشي ماشي بصح، و ف لحقيقة، حتى لي زغبهوم طويل تنويعة حقيقية من التشيواوا.

تقريبا، 20 عام موراها، لكلوب لميريكاني كينيل - AKC عتارف ب السلالة ف 1904، معا أول تشيواوا تشجل. ف ضرف عويمات، التشيواوا ولا كايتنافس ف لكلوب و واحد لكلب من هاد السلالة ولا شومپيو.

التاريخ الجيني

الديراسات الجينية كاتقتارح بلي لكلاب لأصلية د قارة أمريكا دخلو ل لامريكا الشمالية من سيبيريا هادي 10,000 عام، و من بعد تعزلو جينيا ل 9,000 عام تقريبا حتى ل لمجية د لوروپيين اللوالا؛ هاد لكلاب لي ما قبل لكونطاكط كانو مخصلين ب يمارات جينية أونيك لي دابا تقريبا مابقاتش. واحد الديراسة مبازية على واحد التستيفة (تتابعية) جينية د جينومات د كلاب قديمة، تنشرات ف 2020، فتارضات بلي لأصول لما قبل-ستيعمارية نجات و بقات كاينة ف جوج د السلالات لميكسيكية، هاد لأصول تقريبا 4٪ عند التشيواوا و 3٪ عند التشولو).

لوصف

التشيواوا واصل ف الطول من 13 سونتيميطر ل 20 حتى ل الدرعان، و كايوزن من نص كيلو ل 3. راسو مدور، و ودنيه كبار و قايمين، عينيه مبلݣين، و لكسدة ديالو مجموعة. لفرو (الزغب) ديالو منوع ف اللوان و يقدر يكون يا إماّ قصير و كايلمع ولا طويل و رطب.

السلوك و لمجاج

التشيواوا عندو سمعة كا كلب د لحجر، و لايني ف لحقيقة، هو كلب حركي بزاف و يقدر يكون كايجري، يلعب، و ينبح كتر من لي كاينعس. (التعميم على السلالات د لكلاب مبازية على الصح و مقبولة ب شكل عريض، و لاكين شي فراد من لكلاب يقدو يكونو مبدلين ف السلوك على لفراد لخرى من نفس السلالة). التشيواوا كايفضل الرفقة د لاعضاء د لفاميلة نتاعو، يا بنادم يا شي كلب، و ماكايكونش ب شكل عام مرتاح معا لبرانيين. التشيواوا يقدر يكون راسو قاصح معا نباح منتاضم، و بزاف منهوم يقدرو يتحداو لكلاب لي كبر.

ف لوقيتة لي لپلوپار د التشيواوات زعايمية، شي وحدين خرين يقدرو يكونو حشوميين ل درجة يوليو عصبيين و منرڤزين. هاد السلالة عاطفية بزاف. غير هو، لقد ديالهوم الصغير يقدر يردهوم صعاب ف الدريساج. هاد لكلب عاوتاني يقدر يكون سلالة مزيانة ل الشراف، مادام لحتياجات د الدريساج ملبية، و لاكين صغير فوق لقياس باش يكون سلالة مزيانة ل الطفال الصغار بزاف، لي يقدو بلا مايدريو يضرو لكلب. هاد السلالة لي على بونت كاتنبح يقدر يكونو كلاب د لالارم ناضيين، ولايني ماعندوش حتى فايدة كا كلب د لحماية. خصو يكون من لمعلوم هاد لستينتاجات، تقليدية و مقبولة ب شكل عريض على السلالة، و السلوك د كل فرد من التشيواوا يقدر يكون مبدل على لاخر.

عيون لكلام