بوطسوانا
بوطسوانا
| ||||
|
Botswana (af)
| ||||
| نشيد | Fatshe leno la rona
| |||
| لعاصيمة | ڭابورون | |||
| الساكينة | ||||
| شحال دالسكان | 2,480,244 (2023) | |||
| السمية ديال السكان | بوطسواني، بوطسوانية، بوطسوانيين, بوطسوانيات | |||
| اللوغات الرسمية | نڭليزية | |||
| متوسط ديال لعمر | 66.797 (2016) | |||
| لجغرافيا | ||||
| لميساحة | 581,737 كم² | |||
| لقمة لعالية | Otse Hill (1,491 م) | |||
| لبلاصة الطايحة | نهر ليمبوبو (513 م) | |||
| لإدارة | ||||
| نضام الدولة | جمهورية برلمانية | |||
| رئيس بوتسوانا | Duma Boko | |||
| رئيس بوتسوانا | موكجويتسي ماسيسي | |||
| لبرلمان | جمعية بوتسوانا الوطنية | |||
| لقتيصاد | ||||
| الناتج الداخلي لكامل | 18,737,066,307 $ (2021) | |||
| الناتيج الداخلي لكامل للواحد | 6,710.99 $ (2020) | |||
| لبيطالة (شوماج) | 18 % (2014) | |||
| مؤشر التنمية لبشرية | 0.693 (2021) | |||
| لفلوس | بوتسوانا بولا | |||
| معلومات خرة | ||||
| توقيت ديال لبلاد | ڭرينيتش +2 توقيت وسط إفريقيا Africa/Gaborone | |||
| رمز لبلاد | BW | |||
| رمز لانترنيت | .bw | |||
| رمز التيليفون | +267 | |||
| نماري د ليرجونس | 911، 997، 998 و 999 | |||
| جيهة د صوڭان | ليسر | |||
| السيت الرسمي | gov.bw | |||
بوطسوانا (بالتسوانية:Lefatshe la Botswana) هي بلاد ماكاطلش على لبحر جات ف لجنوب د إفريقيا. بوطسوانا بلاد واطية و 70% من لمساحة ديالها هي الصحرا د كالاهاري. تاتحدًها من لجنوب جنوب إفريقيا، من الشرق زيمبابوي، من لغرب ومن الشمال ناميبيا، و زامبيا من الشمال.
بوطسوانا كانت مستعمرة د بريطانيا من 1885 تال 30 شتنبر 1966، اللي كان هو النهار اللي ستاقلاًت فيه و دخلات فيه عضو للمنظمة د لكومنويلث.
بوطسوانا بلاد تأترات بزاف بلمرض د السيدا[1] اللي جا لتقريبا 20% د الناس ديالها على حساب لإحصائيات د 2014.
تيسكنو ف بوطساونا تقريبا 2.3 مليون د الناس و لعاصمة ديالها هي ݣابورون. اللغات الرسمية د لبلاد هي لينݣليزية و التسوانية و لفلوس اللي كاتخدًم هي پًولا. بوطسوانا عضو د لأمم لمتحدة و ليتيحاد لإفريقي و لمجموعة د التنمية د إفريقيا لجنوبية.
فبوطسوانا لمجموعة لإتنية د لأغلبية هي طسوانا بـ79% من سكان، ولأقليات لكبار كاين لباكالانݣا، صان ولا أباطوا، لي معروفين ب باصاروا. لقبايل خرين هوما بايي، بامبوكوشو، باسوبيا، باهيريرو، و باكݣالاݣادي. زيد عليها لبويض ولهنود، لي قلال وتقريبان قد قد. لهنود ديال بوطسوانا مكونين من أجيال مختالفة، شي وحدين كانو هاجرو من لموزامبيق، كينيا، طانزانيا، جزر لموريس، و جنوب إفريقيا، ؤ وحدين خرين هوما لجيل لول لي هاجر من لهند نيشان. من بعد 2000، وبسباب لوضعية لقتيصادية فزيمبابوي، لعاداد ديال زيمبابويين فبوطسوانا طلع لكتر من عشرالاف.[2]
قل من عشرالاف واحد من صان مزالين عايشين بطريقة تقليدية ديال صيادة ولقطف. من لخر ديال تسعينات، لحوكومة د بوطسوانا كاتحاول تخرج صان من لأراضي ديالهم تاريخية.[3] جايمس أنايا، لمقرر لخاص د لأمم لمتحدة على لحالة د حقوق لإنسان ولحريات ديال ناس لأصليين، فـ2010 وصف بلي لخصارة ديال لأراضي هو واحد من لمشاكيل لي كيعاني منها ناس لأصليين د بوطسوانا، وعطا لميتال ديال صان لي جراو عليهم من لمحمية د كالاهاري لوسطانية.[4] من بين لقتيراحات د أنايا لي عطاهم للمجليس د حقوق لإنسان فلأمم لمتحدة هو أنه هو خاص يدارو برامج ديال تنمية لي غادي تعاون ناس بحال صان وباكݣالاݣادي، ويتشاورو معاهم باش يديرو ليهم أنشطة داخلة فتقافة ديالهم بحال صيادة تقليدية ولقطف.[5]
- ^ "معلومات على بوطسوانا - ليونيسيف (2020)". مأرشيڤي من لأصل ف 2020-10-27. تطّالع عليه ب تاريخ 2020-09-04.
- ^ Alexander Betts؛ Esra Kaytaz (2009). "National and international responses to the Zimbabwean exodus: implications for the refugee protection regime". unhcr.org (ب نڭليزية). مأرشيڤي من لأصل ف 2023-03-15. تطّالع عليه ب تاريخ 2020-06-08.
- ^ Stefan Lovgren (2004-09-14). "African Bushmen Tour U.S. to Fund Fight for Land". nationalgeographic.com (ب نڭليزية). مأرشيڤي من لأصل ف 8 غشت 2016.
- ^ James Anaya (2010-06-02). "Report of the Special Rapporteur on the situation of human rights and fundamental freedoms of indigenous people" (PDF). unsr.org (ب نڭليزية). ص. 2. مأرشيڤي (PDF) من لأصل ف 2023-06-03. تطّالع عليه ب تاريخ 2020-06-08.
- ^ James Anaya (2010-06-02). "Report of the Special Rapporteur on the situation of human rights and fundamental freedoms of indigenous people" (PDF). unsr.org (ب نڭليزية). ص. 19. مأرشيڤي (PDF) من لأصل ف 2023-06-03. تطّالع عليه ب تاريخ 2020-06-08.
|
تقدر تزيد شوف بزاف د تّصاور و لمعلومات ديال Botswana ف ويكيميديا كومنز. |