بلاد لباسك

ميّز على الجماعة لمستاقلة د لباسك.

Euskal Herria (eu)
التقسيم لإداري
لبلاد	سپانيا
لجغرافيا والسكان
لميساحة	20,870 كم²
بلاصة لعالية	ميسا دي لوس تريس رييس (2,446 م)
شحال دالسكان	3,193,513 (2020)
معلومات خرى
اللوغات	البشكنشية صبليونية لفرانساوية Gascon
خريطة لجيهة

بلاد لباسك (ب لباسكية: Euskadi)، هي منطقة لي تاريخيا سكنوها لباسكيين، و جات ف شمال نتاع سپانيا و الجنوب د فرانسا و بضبط ف جبال لبرانس.

دراپو نتاع بلاد لباسك

تاريخ

لباسك قبل لغزو روماني

كان بلاد لباسك كيسكنو شعب لباسكي لي كيتعتبر من شعوب لقديمة ف ؤروپا كاملة بزاف ديال لمؤرخين كيقولو بلي لباسكين هوما سكان لولين نتاع إيبيريا و لأصل ديالهم ماشي معروف و لكن كاين لي كيقول بلي جاو من لأناضول.

لباسك و لغزو روماني

تعرضات إيبيريا تقريبا كلها لرومنة منين ولات تحت سيطرة نتاع لإمبراطورية رومانية و سبب هادشي ف إنتشار لاتينية و غا تولي هي لغة سائدة ف إيبيريا كاملة و لكن باسك كانت لحالة ديالو خاصة حيتاش لبلاصة و لمحيط لعامر بجبال حماهم بشكل كبير من رومنة لي وقعات ف إيبيريا.

لباسك و لݣوط لغربيين

كانت لفترة نتاع حكم لݣوط لغربيين لباسك عامرة ب مدابزات و لحروب حيتاش كان ديما نوع من تمرد ضد لݣوط لغربيين.

لباسك و لأندلوس

كانت لحضارة و تأتير نتاع لمسلمين كتزاد ف إيبيريا منين دخلو ف 711م و لكن أقل منطقة تأترات هي لباسك حيتاش بسبب طريقة لإنعزال و كيفاش كيعشيو ف بلايص بعيدة على لحضارة خلات حتكاكهم مع لمسلمين قليل شي شوية و كاين بعض لمسلمين ف ديك لوقت وصفو كيفاش كانو لباسكين وحوش و كيعيشو عريانين.

لباسك و لمسيحية

على عكس شعوب لي كانو عايشيين في ؤروپا لي دخلو لمسيحية ف وقيتة مبكرة، بدات لمسيحية ف لباسك كتبان مع لقرن 11 م.

و مع حروب نتاع لإسترداد بداو سبنيول كيصيفطو حملات نتاع نشر لمسيحية ف لباسك و كانت شي حملات بلعنف و لا ب سلم.

لباسك و فترة نتاع حكم فرانكو

بدا واحد نوع من لعنصرية ضد لباسك و لقمع ف فترة حكم فرانكو ل سپانيا. فهاد لوقيتة منعو باش تّقرّى و لا تّهضر بلوغة لباسكية، و هادشي لي سبب باش يبانو حركات قومية كتيرة، و حركات مسلحة كيديرو الفوضى ف لإقليم، و لي كانو عندهم ميول شتراكية و كيطالبو بإستقلال بلاد لباسك على سپانيا. و لكن مع لوقت و لبداية نتاع لألفينات فشلات محاولات لإستقلال نتاع لبلاد و عطات سپانيا نضام حكم داتي لباسك.

لوغة نتاع لباسك

جميع لوغات ديال ؤروبا عندها إما أصل لاتيني ولّا أصل جرماني ولّا سلاڤي و لكن لغة لباسكية هي من لوغات قليلة ف لعالم ما عندهاش أي نقاط مشتركة مع لوغات نتاع جيران ديالها ولّا لمحيط ديالها.

نسبة نتاع لي كيهضرو لباسكية ف بلاد لباسك على حساب لبلايص

دين ف بلاد لباسك

بلاد لباسك كاين فيها تنوع ديني تاريخيا. شكلات لميتولوجيا لباسكية جزء منهم من تاريخ نتاع لباسك لقرون، و حتى لمسيحية لي أثرات ثقافيا على لباسك و لكن مؤخرا تزادو بزاف لأرقام نتاع لملحدين ف بلاد لباسك.