برام مولينار
برام مولينار
| ||
 | ||
| معلومات عامة | ||
| زيادة | 1961 ليسه | |
| لموت | 3 غشت 2023 (61/62 عام) سانتا كروث دي تنريفه | |
| طريقة دلموت | موتة طبيعية | |
| لجنسية | مملكة هولاندا | |
| لحرفة | پروڭرامور و مهندس كهربائي | |
| لّوغات لي كيعرف | لهولاندية، نڭليزية و لألمانية | |
| معلومات خرى | ||
| لأعمال | ||
| سّيت رّسمي | https://www.moolenaar.net | |
| لجوايز |
| |
 | ||
  | ||
برام مولينار (مزيود ف 1961، توفى ف 3 غشت 2023) كان أنفورماتيسيان و فاعل خير هولاندي، لي كان معروف ف لمجال د الصوفتوير بلي هوّ لمخترع و الديكتاتور لمزيان مدى لحياة ديال ڤيم، لي هوّ إديتور مشهور ديال التيكست ف السيستيم د لينوكس.[1] كان أسس و دعم صندوق الرعاية ب لأطفال د هولاندا ICCF Holland، لي هوّ مونضامة لاحوكومية كاتدعم الضحايا د السيدا ف ؤڭاندا، و كان كيشجع على التبرع ليها ب ليعتيماد على الشعبية ديال ڤيم.
من يوليوز 2006 تال شتنبر 2021، مولينار كان خدام معا ڭووڭل ف لفرع ديال زيوريخ، فين كان عاون ف تطوير ڭووڭل كالندر Google Calendar.[2] لمشاكل الصحية عندو بداو من أكتوبر 2022، و ف 5 غشت 2023 لعائلة ديالو علنات بلي مات يوماين قبل بسباب "موشكيل صحي لي تفاقم بزّربة". لمانطونونص ديال ڤيم ولّا شادّها كريستيان براباند لي كان مساهم ف لمشروع.[3]
ف 1985، مولينار خدا ديپلوم ف لهنداسة د التريسينتي من جامعة ديلفت د الطيكنولوجيا.[4] تلت سنين موراها شرا ؤرديناتور ديال لماركة أميڭا (لي حبسات ف 1996)، لي ماكانش فيها لإديتور د التيكست ڤي أي Vi. حاول يجرب كلونات ديال ڤي أي لي يخدمو ف أميڭا، ولاكين ضطر باش يبدّل ف لكوض سورس ديال پروڭرام سميتو ستيڤي Stevie، باش يوصل ل نفس الصلاحيات لي متوفرين ف ڤي أي. هادشي عطا لڤيرسيون اللولة ديال إديتور د التيكست لي تسمى "ڤي أي إميتيشن" Vi IMitation (يعني "تقليد ديال ڤي أي") ؤلا ب ختصار "ڤيم".
لڤيرسيون 1.22 د ڤيم خرجات ف 1992، و تبدلات فيها السمية د لپروڭرام ل "ڤي أي إمپروڤت" Vi IMproved (يعني "ڤي أي مطوّر"). ڤيم كيتّعتابر "خيروير" charityware، حيت لمداخيل من التبرعات لي كيجيوه كيمشيو ل لقضايا لخيرية.[5] و ربح بزاف د لجوايز و كيتّعتابر من أكتر ليديتورات د التيكست ف الشعبية ديالهوم.[6][7][8][9]
من غير هادشي، مولينار خدم ف ڭووڭل على ڭووڭل كالندر، و كانو عندو پروجيات خرين بحال پروڭرام ديال لبني د الصوفتوير كتبو ب لپايثون سميتو A-A-P، لي داير بحال مييك، و لونڭاج د لبرماجة سميتو زيمبو Zimbu لي كيركّز على لقابلية د لقراية ديال لپروڭرامات. مولينار كان عضو ف لڭروپ د لخدايميا د هولاندا ديال ؤنيكس، و ف عيد ميلاد نمرة 25 ديال لڭروپ، عطاوه جايزة تكريم على لمساهمات ديالو ف الصوفتوير ب مصدر محلول، بشكل عام، و ب لخصوص ڤيم.[10]
مولينار أسس ICCF Holland، مونضامة لاحوكومية كاينة ف كيبال، ؤڭاندا، و لي كاتعتاني ب الدراري الصغار لي ماتو واليديهوم ب السيدا. ف 1994، تطوع كا موهنديس ديال الصرف الصحي ف مركز ديال الدراري الصغار ف كيبال. لمرة اللخرة لي كان مشى فيها تماك كانت قبل الجايحة د كوڤيد 19.[2][11]
- ↑ Rehman, Rafeeq Ur; Paul, Christopher (2003). The Linux development platform: configuring, using, and maintaining a complete programming environment. Prentice Hall PTR. pp. 37–. ISBN 978-0-13-009115-4. Retrieved 30 مارس 2011.
- 1 2 Proven, Liam (7 غشت 2023). "RIP Bram Moolenaar: Coding world mourns Vim creator". The Register. Archived from the original on 8 غشت 2023. Retrieved 7 غشت 2023.
- ↑ "Yahoo! Groups". groups.yahoo.com (ب American English). Archived from the original on 9 نونبر 2020. Retrieved 31 مارس 2018.
- ↑ Moolenaar, Bram (15 يناير 2002). "Vim, an open-source text editor". free-soft.org. Archived from the original on 5 غشت 2023. Retrieved 5 غشت 2023.
- ↑ "charityware . info - for developers and users who care". charityware.info (ب الإنجليزية). Archived from the original on 28 أبريل 2009. Retrieved 31 مارس 2018.
- ↑ "Vim". Moolenaar.net. Archived from the original on 12 نونبر 2011. Retrieved 10 فبراير 2012.
- ↑ Jacob Gube. "The 15 Most Popular Text Editors for Developers". Sixrevisions.com. Archived from the original on 18 يناير 2012. Retrieved 10 فبراير 2012.
- ↑ "14 Most Popular Text Editors for Linux | TuxArena Blog". Tuxarena.blogspot.com. April 2009. Archived from the original on 13 مارس 2012. Retrieved 10 فبراير 2012.
- ↑ "Best Text Editors". Lifehacker.com. 1 ماي 2008. Archived from the original on 8 نونبر 2011. Retrieved 10 فبراير 2012.
- ↑ "NLUUG Award". 2008. Archived from the original on 13 أبريل 2011. Retrieved 9 نونبر 2011.
- ↑ Marshall 2002, p. 103-104.
