ݣووݣل
اللوݣو د ݣووݣل من 2015.
لمؤسسين د ݣووݣل, لاري پييج و سيرݣيي برين.
.jpg)
لباطيما د ݣووݣل فكاليفورنيا.
ݣووݣل (بلينݣليزية: Google) هي واحد الشركة ميريكانية كاتعطي بزاف د لخدمات ف أنترنت بحال محرًك ديال التقلاب ولإيميل (جيميل) والجميع د لمعلومات (درايڤ) والتنظيم دلوقت (ݣووݣل كالندر) ولخرائط والطرقان (ݣووݣل خرايط) ولڤيدييويات (يوتوب) وبزاف د لحوايج آخرا. ݣووݣل هي الشركة اللي تاتحكم تا فالنظام د أندرويد ديال التيليفونات لمطوًرة و الطابليطات، اللي هو أكبر نظام تيتخدًم فلعالم.[1]
السمية د ݣووݣل ماجة من واحد السمية د واحد الرقم كبير بزًاف (1 متبوع ب 100 زيرو)، وتاترمز للعدد د لمعلومات اللي كاينة فلانترنيت.[2]
تأسسات ݣووݣل ف 1998 من جوج د الطلبة د الدكتورا ف لجامعة د سطانفورد ف لميريكان: لاري پييج و سيرݣيي برين. ف 2015، تجمعات الشركات د ݣووݣل وشي شركات خرا د نفس لمؤسسين فشركة كبر اللي سميتها ألفابيت، اللي لمدير ديالها هو لاري پييج والرئيس هو سيرݣيي برين. ݣووݣل ولاًت تحت من هاد الشركة، ولمدير ديال ݣووݣل ديال دابا هو سوندار پيتشاي.
ݣووݣل.كوم, اللي هو موقع تابع للشركة د ݣووݣل، هو أول موقع فلعالم من حيث شحال من واحد تيدخلو كل نهار[3]، وكاين مواقع خرا تابعة للشركة اللي تاهي مكلاسيا مزيان بحال يوتوب اللي هو الثاني فلعالم.
ف يناير عام 1996، بدات الشركة د ݣووݣل على شكل مشروع د بحث من عند لاري پييج و سيرݣيي برين، ملّي كانو كيوجدو لدكتورة ف جامعة ستانفورد ف لولاية د كاليفورنيا. هاد الجوج د الطلبة لباحتين خدمو على محرّك تيحليل لعلاقات ما بين لمواقع د إنترنت باش يعطي نتائج مزيانة د التقلاب. لمحرّك كان تيرتب النتائج على حساب شحال وكيفاش تاتبان لكلمة لي كانو تيقلبو عليها.
فاش خرج هاد لمحرك فلول سماوه باك راب (بلونݣلي: BackRub) حيت السيستيم ديالو كان كيفحص الليانات الي دازو من قبل باش يعطيو تقييم للأهمية د لموقع.
- ^ "الأندرويد ضد iOS من هو الأكثر انتشارا حول العالم؟ - أخبار التطبيقات (2014)". مأرشيڤي من لأصل ف 2023-04-30. تطّالع عليه ب تاريخ 2020-07-13.
- ^ "ما معني كلمة «Google»؟ ولماذا سُميت شركة غوغل بهذا الاسم؟ - الرجل (2017)". مأرشيڤي من لأصل ف 2020-07-13. تطّالع عليه ب تاريخ 2020-07-13.
- ^ "ترتيب ݣووݣل من ناحية لمواقع اللي تيتشافو كثر - آليكسا (2020)". مأرشيڤي من لأصل ف 2023-10-03. تطّالع عليه ب تاريخ 2020-07-13.
|
تقدر تزيد شوف بزاف د تّصاور و لمعلومات ديال Google ف ويكيميديا كومنز. |