باشاوية دالسودان
 مقالة ؤلا فقرة ناقصينها عيون لكلام.لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لباشاوية د سودان ؤلا لباشاوية ديال تومبوكتو هيا واحد لارض كاينة بين لمدون ديال تومبوكتو و ݣاو فمالي و لي هيّا واحد لمستعمرة كانت تابعة ل مبراطورية الشريفة السعدية ؤ حتا لعلوية واللي حكموها مغاربا ؤ الترّيكة ديالهوم ؤ اللي معروفين بشعب الرما ، تدارت مورا لݣيرا ديال تونديبي فعام 1591م وبقا فيها لحكام للمغاربا حتال للقرن تسعطاش.
تاريخ[بدل | بدل لكود]
بلاد السودان كانت واحد لبلاصة اللي مرفحة بالتروات ديالها أش منك يا دهوبات ؤلا ملحة ؤلا عبيد هادشي غايخليها واحد لبلاصة اللي مطموع فيها منعند ليمبراطوريات الصحاح ديال ديك ساعات . لمغريب براصو كان مزيّر ف الطميع ديالو على هاد لمكان حيت كان ماحيلتو لطماعي ديال لعتامنا ؤسيرتو لبرطقيز اللي حاولو يدوزو لتومبوكتو من طريق واد سانيݣال ف 1565م ؤكان ماحيلتو حتال فيقة ديال ليمبراطورية دصونݣاي اللي ولات محتاكرة هاد لمناجم.
ف 1582م، أحمد لمنصور دهبي داز للهجمة منين شد لواحة دتوات و ݣورارة فالصحرا الشرݣية، ؤبان باللي لمقصود ديالو كان هوا يوصل للسودان ويدير من لمغريب واحد لمبراطورية واسعة على الجوانب لبحرية ديال لمبراطورية لعتمانية. هادشي غادي يزيد يبان فاش ف 1583 لمليك ديال بورنو ماي دريس علاووما طلب من لمنصور باش يعطيه السلاح لاحقاش كان خايف من التمداد ديال التواركا ؤ كان باغي يقضي على لقبايل اللي ماشي مسلمة دالسودان هادشي غايقبلو لمنصور ولايني بشرط هوّا يبايعو ويصيفط ليه واحد لعاقد دلبيعة مزمم ؤ مسيني مزيان.
لفتيح ديال صونݣاي ماغاديش يكون ساهل للمغاربا، هادشي اللي خلا لمنصور يماطل واحد خمس سنين خرة منها نيت يقرا هاد لمكان ؤ باش يپريپاري ؤ يحضر نيت لمونة دلجيش ؤ السلاح ؤحتا باش يشاور و يقنع لعيان دلبلاد من عولاما ؤ فقها ؤ قياد عساكريا بلوقيف على الصح ديال بلانو.
فنهار 30 ؤكتوبر 1590، لباشا جودار صيفط واحد 2000 حتال 3000 عسكري مغريبي خارجين من مراكش، قطعو جبال درن(لأطلس لكبير) و منبعد واد درعة ؤ هوما غاديين شادين الطريق لبلاد كتاوة ومنها صافي غايدخلو للصحرا، غايوصلو لواد النيجر اللول من مارس عام 1591م و غايزيدو واحد خمسطاش ليوم باش يوصلو لتونديبي لبلاصة اللي غاطرا فيها لمطايفة و اللي بعيدة على لعاصمة دمبراطورية صونݣاي "ݣاو" بخمسين كيلوميط علاين.