لعراق

لعراق
جمهورية العراق (ar) العراق (ar) Republik Iraq (ms) Iraq (ms) Republic of Iraq (en) Iraq (en)
نشيد	موطني
شيعار	«تكبير»
لعاصيمة	بغداد
الساكينة
شحال دالسكان	38,274,618 (2017)
السمية ديال السكان	عراقي، عراقية، عراقيين, عراقيات
اللوغات الرسمية	عربية لكرديّة
متوسط ديال لعمر	69.862 (2016)
لجغرافيا
لميساحة	437,072 كم²
لقمة لعالية	جبل شيخا دار (3,611 م)
لإدارة
نضام الدولة	جمهورية فيديرالية و دولة فيديرالية
الرئيس د لجمهورية د لعراق	عبد اللطيف رشيد
الرئيس د لووزارا د لعراق	محمد شياع السوداني
لبرلمان	مجلس النواب د لعراق
لقتيصاد
الناتج الداخلي لكامل	207,691,599,310 $ (2021)
لبيطالة (شوماج)	30 % (2021)
مؤشر التنمية لبشرية	0.686 (2021)
لفلوس	الدينار لعراقي
معلومات خرة
توقيت ديال لبلاد	ڭرينيتش + 3 Asia/Baghdad
رمز لبلاد	IQ
رمز لانترنيت	‎.iq‎
رمز التيليفون	+964
نماري د ليرجونس	911، 104، 115 و 122
جيهة د صوڭان	ليمن

لجمهورية د لعراق (بلكردية: کۆماری عێراق) هي جمهورية برلمانية تّيحادية جات ف لغرب د آسيا و تاطل على لخليج. تاتحدها من لجنوب لكويت و السعودية، من الشمال تركيا، من لغرب سوريا و لأردن، ومن الشرق إيران. لعراق بلاد فيها تنوع سكاني كبير حيث تيسكنو فيها ناس من ديانات بزاف: لمسلمين سنة و شيعة، لمسيحيين، لمندائيين، ليزيدين، و فيها تا إثنيات بزاف منهم لعرب، لأكراد، لأرمن، التركمان، الصابئة ؤ غيرهوم.

التاريخ ديال لعراق طويل و دازو فيها بزاف د لحضارات. لبلاصة لي فيها لعراق دابا معروفة بلي هي لبلاصة لي كانت فيها وحدا من أقدم لحضارات ف لعالم، واللي هي لحضارة السومرية. من موراها جاو بزاف د لحضارات و الدول اللي حكمو لمنطقة منهم لبابلين ولأشوريين و لإمبراطورية الرومانية و الدولة لأموية و الدولة لعباسية و لمنڭول و الدولة لعثمانية و بريطانيا. ستاقلات لعراق من بريطانيا ف 1932، و كانت مملكة، ولكن عام 1958 وقع نقيلاب ضد لمملكة و ولات جمهورية. ف 2003، هجمات لميريكان على لعراق و طيحات الرئيس ديالها صدام حسين. من ديك لوقت و لعراق فيها حالة ديال عدم ستقرار و مشاكيل.

تيسكنو ف لعراق تقريبا 38.5 مليون د الناس و لعاصمة ديالها هي بغداد. اللغات الرسمية ف لبلاد هوما لعربية و لكردية، و كاينين لوغات خرين تاتهضر بحال التركمانية و لأرامية. لعملة الرسمية د لعراق هي الدينار لعراقي. لإقتصاد د لعراق تيدور على لپيطرول، اللي هي من أكبر لمصدرين ديالو ف لعالم، و عليها هي عضو ف منظمة أوپيك. لعراق عضو تا ف منظمات دولية آخرة بحال لأمم لمتحدة و جامعة الدول لعربية و منظمة التضامن لإسلامي.

مصادر

ويكيميديا كومنز عندا تصاور و معلومات على لعراق.

هادي زريعة ديال مقالة خاصها تّوسع. تقدر تشارك ف لكتبة ديالها.