الجزيرة (قناة)
الجزيرة (قناة)
| ||
 | ||
| معلومات أساسية | ||
| نوع د لمؤسسة | هيئة بث و قناة د التلفازة | |
| لبلاد | قطر | |
| لموضع | دوحة | |
| لمؤسس | حمد بن خليفة آل ثاني | |
| تاريخ د تّأسيس | 1 نونبر 1996 | |
| سّيت رّسمي | aljazeera.com | |
| معلومات إضافية | ||
| أملاك | ||
الجزيرة هي قناة د لأخبار تابعة لشبكة لجزيرة لإعلامية ديال قطر. ف لول كانت غي وحدة هيا لقناة الفضائية د لأخبار ب لعربية، ودابا هي عندا شبكة ديالها ب قنوات إخبارية ب لونݣلي ("الجزيرة إنݣليش")، و ب الصربية لكرواتية ("الجزيرة بالكانس")، و قناة قديمة لّي كانت مخصصة للميريكان ("الجزيرة أمريكا")، و شبكة ديال لقنوات د سپور ("بي إن سپورتس").
قبل خلق الجزيرة، كانت وحد قناة د لشبكة بي بي سي لبريطانية باللوغة لعربية، ب شتيراك مع الشبكة السعودية أوربيت (دابا سميتها أو إيس إين)، ولكن ف أبريل 1996، لحكومة السعودية شدات لقناة ملّي بقات كتعمل نتقادات عليها ف برامج وثائقية.[1] و مبعد لأمير ديال قطر الشيخ حمد بن خليفة بدا شبكة د لأخبار ديالو لّي كتهضر على لمسايل السياسية ديال لعالم لعربي ب حرية، مشي فحل لقنوات لوطنية الرسمية (فحل لّي كاين ف مصر، السعودية، لإمارات). بدا لبث ديال الجزيرة لعربية ف 1 نونبر 1996.
ملّي لحرب ف أفغانستان بدات ف 2001، الجزيرة كانت لقناة لوحيدة لّي كانت عندها لأخبار لمباشرة ديال لحرب من لبلاد (هي كانت عندا مراسل ديالها ف كابول)، و كانت تا لقناة لوحيدة لّي عملت لڤيديو ديال أسامة بن لادن ف لبت ديالها.[2]
ف مارس 2003، الجزيرة بدات سيت ديالها ب نݣليزية[3]، و ف يوليوز 2005 لشبكة قالت هم مش بداو قناة جديدة بلنݣليزية، و لقناة لجديدة سميتها "الجزيرة إنݣليش" ("Al Jazeera English")،[4] لي بدات لبث ديالها ف 15 نونبر 2006.
- ↑ "AL JAZEERA TV: The History of the Controversial Middle East News Station Arabic News Satellite Channel History of the Controversial Station". Archived from the original on 2023-02-09. Retrieved 2020-09-08.
- ↑ "Battle station - The Guardian". Archived from the original on 2023-04-25. Retrieved 2020-09-08.
- ↑ "مؤرشف ديال لسيت ديال الجزيرة بلنݣليزية (مارس 2012)". Archived from the original on 5 مارس 2012.
- ↑ "مؤرشف ديال Al Jazeera turns its signal West - CNN". Archived from the original on 2005-07-10. Retrieved 2020-09-08.
 |
ويكيميديا كومنز عندا تصاور و معلومات على الجزيرة (قناة). |
 هادي زريعة ديال مقالة خاصها تّوسع. تقدر تشارك ف لكتبة ديالها. |
